AMOS 7:1 - Bible en langue guiziga

¹ Bumbulvuŋ, Buymisemuŋ ɗu, gwat naŋ mibigiy di anihĩ: Keɗ na, ara go jaray, naɓa hirak ti giziŋ mazla ɗiɗi ti ɗiɗi aruŋ, a dirba mislaka giziŋ mudumbuŋ naŋ le ngi murbuc da buyo.

AMOS 7:1 ပူးပေါင်းရင်းမြစ်များ

EZAYI 33:4

A kusoko gwat ngir vurumo, kaɓa makusumom yuku, a wusam vu ng'ara kaɓa jaray mawus vu.

ZEREMI 24:1

Yekoniya mangal ngi Zoˀakim, buy madiɗa ngi Zuda ati mizli madiɗa migi slra ngi Zudahaya, mizli misina ɗiya gwatay waɗ miɗiya faɓuruhoy cek na, Nabukodonozor, buy madiɗa ngi Babiloŋ, a ja baɗ ti Zeruzaleme nga Babiloŋ. A dirba nah, Bumbulvuŋ a bigiy uruf kiɗgil cuw, taˀtaˀ gweˀ gweˀ cuw taŋ arleˀe, ar hay ngi Bumbulvuŋ.

EZEKIYEL 11:25

Gwat Bumbulvuŋ mibigiy di ɓa i pura ti kleŋ gar na, i ɓa ɓi taŋ le gar da mizli mija ti ji nga ruwuy mulakaya.

ZOWEL 1:4

Gwat ngi migam, misi mi ngi mumuyuŋ na, yuk a zuma le tirneˀ, yo misi mi ngi yuko, tuˀuf a zuma le tirneˀ, waɗ misi mi ngi tuˀufo, jaray a zuma le leɗeɗ.

ZOWEL 2:25

Buy misemuŋ a ɓi: «Mumuyuŋ, yuk, tuˀuf waɗ jaray, soje ɗuwoy mihaɗa tayna, ya mislina taŋ ng'ar kum, vihey misi taŋ muzumaka gwat ngi migam kumoy na, i wurkukum taŋ a muŋ.

AMOS 4:9

I go jijihey wal wal da daw ngir guva kumoyo, a muˀulom, a zãˀãm. Gwat ngir jarne kumoy ati gudubun kumoy, ˀuruf kumoy waɗ tutumbur kumoyo, birnjeɗek a zuma taŋ le pay. Gar ti nah kwana, ki moko ng'avi ya ta na si. I ya Bumbulvuŋ maɓi.

AMOS 7:4

Bumbulvuŋ, Buymisemuŋ ɗu, gwat naŋ mibigiy di anihĩ: Keɗ na, Bumbulvuŋ, Buymisemuŋ ɗu ara til mi ti ɓi ngi gi kiita ti vu, yo vu vuna a zuma yam mijileŋ ngi si ruwuyo gar, waɗ ara zuma hirwuyo ma.

AMOS 7:7

Bumbulvuŋ, gwat naŋ mibigiy di anihĩ: Keɗ na, Bumbulvuŋ deŋ ar mohol miwa gil nah le cir cir, waɗ zeweɗ ti ɓiri ava ngi wi gil ngi dalamakaw a haŋ.

AMOS 8:1

Bumbulvuŋ Buymisemuŋ, gwat naŋ mibigiy di, ya mupura na, «I kiɗgil ti yi ngi widis minahaŋ.»

MALASI 3:11

I sa tika birnjeɗeke, ɓa a zuma gwat ngi migam kumoyo mata, yo ɓa gudubun ngir guva kumoy a yam. I ya Bumbulvuŋ misi gidaŋ wãˀ maɓi.