AMOS 6:2 - Bible en langue guiziga

² «Inga a ram nga Kalne ɓa ki puraka ɗi, bam ti kẽh nga Hamat, walahay madiɗa, yo pam sar nga Gat, hirwuy Filisti. Ki waka na, hirwuy kumo a funaka tayna le kwa? Yo hirwuy taŋ i madiɗa fineˀ hirwuy kumo kwa?»

AMOS 6:2 ပူးပေါင်းရင်းမြစ်များ

ZLI VIRZI 10:10

Walahay madiɗa ngisi ruwuy naŋhay i Babel, Erek, Akad waɗ Kalne, taŋ cek angi hirwuy Sineˀar.

SAMUYEL MUCUW NAŊ 8:9

Akẽh na, Toˀu, buy ngi Hamat, a cine na, buy Davit a kiɗa soje ngi Hadadezereye le gar.

BUYOY MUDUMBUŊ NAŊ 8:65

Salomoŋ, jom ati Israyeley gar a gaka muguzlum ngi guɗukoy na, angi kiya mitarnaˀ naŋ. Zigiduw haɗi teˀe, a soko tir hirwuy gar, zle a Lebo-Hamat, hirwuy vay muŋ, hã cek cek ti mizaw Ezipte, vay ti ruwuy. A gaka muguzlumo a mbuŋ Bumbulvuŋ, Buymisemuŋ ndra, hin tarnaˀ, waɗ hin tarnaˀ ava ma, jom hin kuruˀ ngaˀ mufaɗa.

BUYOY MUCUW NAŊ 17:24

Buy Asiri a so ti mizli Babiloŋhoy, mizli Kutahay, Awahay ati mizli Hamatay waɗ Sefarvayimey. A vula taŋ li, a pam ar walahay Samariheye ar li ngi Israyeleye a pam, a cifam ar walahay ngi ruwuy Samariheye.

BUYOY MUCUW NAŊ 17:30

Mizli musoko ti Babiloŋ, a ɗiyam nga taŋ i kuli Sukot-Benot, ngi Kutahaya, nga taŋ i kuli Negat, yo ngi Hamataya, nga taŋ i kuli Asima.

BUYOY MUCUW NAŊ 18:34

Kuli Hamat ati kuli Arpata, taŋ ama ani ka? Kuli ngi Sefarvayimey ati ngi Henahay waɗ kuli ngi Avahaya, taŋ ama ani ka? a lahaka Samari le tisi haŋ ɗu gu kwa?

BUYOY MUCUW NAŊ 19:13

Buy ngi Hamat, buy ngi Arpat, ngi Layir ati ngi sefarvayim, waɗ buy ngi Hena ati ngi Ava, taŋ ama ani ka?»

ƁI NGI HINEY MUCUW NAŊ 26:6

Oziyas aru nga gi vurum ati Filistihey, a mbizla mohol ngi walahay Gat, ngi Yapne waɗ ngi Asdoto. A ndir walahayay gun gun ti mohol angi hirwuy Asdoto, waɗ angi hirwuy Filisti.

ZEREMI 49:23

Ɓi vur Damas: Walahay Hamat ati Arpata, mesem a kiɗa taŋ le ɓaˀ: asi na, a cinam labara le. A wusam haɓay haɓay kaɓa yam ar mubuliy: i zluwun mukuyta wãˀ! A cicam teˀ teˀe gu ta ndiɗaˀ!

NAHUM 3:8

Hirwuy Tebes a pi a mi mihaŋ ngi Nil, yam gun hirnga naŋ zlar, ar deɗe ngi moholo i mubuliy, mubuliy madiɗa, na ka Ninive, ki wakaɓa ka zuwen fineˀ Tebes vuna sukwani?

SAMUYEL MUDUMBUŊ NAŊ 17:23

A ra ɓam ti ɓi aruŋ ati sukum naŋhay tuwa si na, keɗ na, bugawla ara bo ti wuzla Filistiheye. I Goliyat, mbur Filisti ngir walahay Gat. A ra ɓi ɓi ngi sliŋ da Israyeley kaɓa naŋ maɓa zleˀe tuwa ma ni, joˀ Davit ara cinaŋ.

SAMUYEL MUDUMBUŊ NAŊ 17:4

Bugawla pal a bo ti wuzla soje Filistiheye, a ɓi mi ngi sliŋ. A zilaka Goliyat, yo i mbur ngir walahay Gat. Gil naŋ a gi gwat ng'avu metir makir gu.

SAMUYEL MUDUMBUŊ NAŊ 5:10

A dirba nah, a slinam ti akoti ngi Buymisemuŋ nga Ekroŋ, amma naŋ mindil ndil a diga na, mizli Ekroŋhoy a cam widi, a ɓam: «A soko ti akoti ngi Buymisemuŋ ngi Israyele le ngi hay ndra, ɓa a ngizla ndra gar ndra.»

SAMUYEL MUDUMBUŊ NAŊ 5:8

A ziloko buy ngi Filistiheye gar, ɓa a kusom a hay taŋ, a ɓaka taŋ na: «Akoti ngi Bumbulvuŋ ngi Israyel na, i gaka mbrike?» Taŋ a mbiɗaka taŋ di: «Zuɓaka akoti ngi Buymisemuŋ ngi Israyeleye, mam di nga Gat.» Dar a mam ti akoti ngi Buymisemuŋ ngi Israyele.