AMOS 5:7 - Bible en langue guiziga

⁷ Gi gwat mikaslsla na, ki tiram di ɓi miɗalak ka muwuŋ, gi gwat mijeŋŋe ki tiram di gwat ngi ɗiɗi ti ruwuy lambaˀ.

AMOS 5:7 ပူးပေါင်းရင်းမြစ်များ

DIMISEY 125:5

Amma mizli masipam jiviɗ muslurkoɗ gar na, Bumbulvuŋ ɗu, anja ki ɓula taŋ avra wãˀ, jom ati migi malambaˀhaya! Anja Israyel a ndir zuy zuy.

DIMISEY 36:3

A ɓi ɓi mezle vur vu naŋ haɗi, ɓa a lum malambaˀ ava, yo ɓa a hirsa vu naŋ na, anta.

MIKUCUWULOY 21:7

Misi moˀoreheye, i moˀore taŋ maziza taŋ, asi t'anta ngumam gi gwat mikaslsla ta.

EZAYI 1:23

Buy ɗikey i mislikiɗa ɓihey, yo i muɗumo muhuloy. Taŋ cek a wuɗam gwat ngatara, ar gwat gar na, a wuɗam sey haŋ sik le. Anta gam gwat mijeŋŋe da mutuhu ta, yo anta cinam widi ngi ngwas widiga ta.

EZAYI 10:1

Mizli majuwam ɓi ngi gi malambaˀhay yo matohom gwat toh toh ar ɓi maso ti mendere na, kay taŋ ar bonoy.

EZAYI 46:12

Kum mizli micin tahay, kum mizli mikileŋ avu ɓi mijeŋŋe na, cinaka mingiɓi ɗu ani:

EZAYI 5:20

Gwat malambaˀa, taŋ maɓam naŋ kuy, yo gwat mezle, taŋ maɓam i malambaˀa na, kay taŋ ar bonoy! Luvuŋ, a ɓam i li mijahha, li mijahha, a ɓam i luvuŋ. Gwat mundumo, a ɓam naŋ ɗalaka, yo gwat miɗalaka, a ɓam naŋ ndum.

EZAYI 5:7

Guva ngi gudubun ngi Bumbulvuŋ, misi gidaŋ wãˀa, i sukwi Israyel. Widis naŋ muwuɗ taŋ haɗa, i mizli Zudahay. A kutuk zle ɓa a gam gwat mikaslsla, amma a sa gam di i gwat mijeŋ ta. A kutuk zle ɓa a gam gwat mijeŋŋe, a sa lum di i widi ngi mendere.

EZEKIYEL 18:24

Amma mbur mijeŋŋe mupula gi gwat mijeŋŋe naŋ na le, a gi gwat malambaˀhay rak rak kaɓa gi gwat mukuyta wãˀ ngi mbur misi moˀore tuwa ya na, a ndir ti siifa sukwani? Slra mijeŋ, naŋ miga taŋ zleˀe gar na, anta sa wulkaka ɓi nah keŋ mata. A muc asi gi teŋteŋ ta naŋ ati mungra naŋ miga taŋ na, a muc asi taŋ.

EZEKIYEL 3:20

Da mbur mijeŋŋe a pula gi jeŋŋe naŋ le, a gi gwat malambaˀ na, i sa ga ɓa gwat a baŋ sar, a sa mucu. Da ki kaŋ mumuyuŋ zay sla a slimiɗe ta na, a sa muc ti mungra naŋ na. Slra mijeŋŋe naŋ miga zleˀe na, ko anta sa wulkaka keŋ mata. Amma i sa cufuɗa pumbus naŋ a haŋ ɗiki.

EZEKIYEL 33:18

Da mbur mijeŋŋe a pula gi gwat mijeŋŋe naŋ na le, a gi gwat mijeŋ ta na, a sa muc vurˀeŋ.

Ɗerewol OZE 10:4

A ra gam mi wuwwo, ara hudumom tir zluɓo si, ara juwam ɓi ngi ngiɓiˀay, dar ɓimujuwa mitaˀ gara, a bo yõˀ yõˀ kaɓa giziŋ malambaˀ ar guva muhufa le.

AMOS 2:3

I sa muɗa migi kiita ceɗ ti wuzla taŋ waɗ gawla naŋhaya gar, i sa kiɗa taŋ vagay vagay gar arleˀeŋ.» I Bumbulvuŋ miɓi.

AMOS 3:10

«Mizli Samarihey a sinaka gi gwat ti jiviɗ naŋ ɗalla ta. Gwat taŋ matiɓaka taŋ ti gidaŋ, waɗ taŋ mavaka taŋ avu mizli gar na, ara cikilaka taŋ ar hay taŋhay mimezlehey na. I ya Bumbulvuŋ maɓi.

AMOS 6:12

Pilisey a kilam a muwã kwa? Ada a huvam ti slahay a muwã kwa? Na gi gwat mikaslsla, yo gi gwat mijeŋŋe na, ki tiram di ɓi miɗalak ka muwuŋ vur mike?

MISE 3:9

Mizli madiɗa ngi dideˀ ngi Zakopoy, yo migi kiita ngi mizli Israyeley, cinaka ɓi ani. Ki puraka ɓi mijeŋŋe hiris le, yo ɓimujuwa na, ki tiram di paraway.

HABAKUK 1:4

Mbak ko a gam slra ti ɓimujuwa mata, ɓi mikaslsla anta bo mata wãˀ. Mbur misi moˀore a cici lak lak avu mbur mijeŋŋe, mbak a juwaka mbur mijeŋŋe kaˀ kaˀ laŋ ti kiita.

SOFONI 1:6

mizli mambuɗikiy duba da ya Bumbulvuŋ, masipikiy ta, yo macufuɗikiy ngi gi gwat taŋhaya ta na, i sa ngizla taŋ avra.

Slu cuw 29:18

Da ani kaɓa mbur asi kumo, a cine mingiɓi hana misi ti hudum aseˀe na le, a pura vu naŋ kaɓa a ɗuwulakaŋ mi le, a ɓi ti kwacay naŋ na: «Ko da i ra sipi gwat ngisi mevel ɗu kwana, gwat gar a sa ru kuy avu ya muduba. Naŋ kine, yam mija hirwuyo le na, hirwuyo anta wuɗ yama mata.»