AMOS 5:4 - Bible en langue guiziga

⁴ Ya Bumbulvuŋ i ɓa Israyeleye na: «Da ki wuɗam siifa le na, soko sipikiy ya.

AMOS 5:4 ပူးပေါင်းရင်းမြစ်များ

BUYOY MUCUW NAŊ 20:3

«Haˀaw Buymisemuŋ, ya micifi a mbuŋ ɗik na, ti jiviɗ naŋ kaslsla, ti mevel mezle, yo yi gi di i gwat mucuruw hiri. Ambuh, wulka keŋ takwa!» Dar Ezekiyas a tuwuy tuwuy mangalaw kol kol.

ƁI NGI HIN GAR MUDUMBUŊ NAŊ 28:9

Na ka, mangal ɗu Salomoŋ, dubuna si na bunuko, gi gawla naŋ ti mevel purla, yo ti membezleŋ ngi vu miwirwir. Asi Bumbulvuŋ ara ci a kwacay mizli gar, yo a sla wala ngi wuluk ngi mizli le gar. Da ki ra sipaŋ na, a sa buguw vu ɓa ki lumaŋ. Amma da ki pulaŋ le fuk na, a sa huzuguw a avra ngi sete.

ƁI NGI HINEY MUCUW NAŊ 15:2

a bi, ara luuma Asa, a ɓaŋ: «Ka asa ati mizli Zudahay waɗ Benjameŋhey gar, cinaka mingiɓi ɗu! Da kum ada ati Bumbulvuŋ na, naɓa naŋ da ati kumo. Da ki ra sipakaŋ na, a pulukum vu, ki lumakaŋ. Amma da ki pulakaŋ le fuk na, a pulukum fuko ya.

ƁI NGI HINEY MUCUW NAŊ 20:3

A ga zluwun le da Zozafata, a wuluk a mevele ɓa a cufuɗa Bumbulvuŋ, yo a til mi ɓa mizli ngi ruwuy Zuda gar, a gam dalyam.

ƁI NGI HINEY MUCUW NAŊ 20:4

Zudahay a kusom ɓa a tumbuloko Bumbulvuŋ, a soko tir walahay ngi si ruwuy Zuda gar, ɓa ngi tumbulo Bumbulvuŋ.

ƁI NGI HINEY MUCUW NAŊ 34:3

Ar vi midangafaɗ naŋ ar buyo na, a zla sipa Buymisemuŋ ngi dideˀ naŋ Davite, naɓa i zuŋ aruŋ. Angi vi mukuruˀ nga cuw naŋ ar buyo ma na, a zla zuɓa dili ngi Zudahay ati ngi Zeruzalemey avra: a waha li miɗingir ɗingir ngi gi mikuliheye, kuli ɓamtalay waɗ kuli miciɗa ti ciɗey malla mipa ti piheye.

DIMISEY 22:26

Bumbulvuŋ, ya mahunumuw gu a wuzla kus madiɗa na, mbele ka! I ja mi ɗike, daˀ a mbuŋ mizli mazluwunam ti kahaya.

DIMISEY 27:8

Ki ɓi le: «Mbuɗoko hiri ng'avi ya.» I ra wuluk araŋ. Naŋ kine Bumbulvuŋ, i ra mbiɗa hiri ng'avi ka.

DIMISEY 69:32

Pura, gwat ka mahĩyã i nah so Bumbulvuŋ, ki hĩyã fineˀ sla, fineˀ gusoŋ misi durum ati ketereke.

DIMISEY 69:33

Mizli miteˀteˀhey mapuraka kahana na, a mumulom, a ɓam: «Kum mizli masipam Buymisemuŋ na, Buymisemuŋ a jukum hutuŋ subur!»

EZAYI 31:1

Mizli ara ram nga sipa jini ˀis a Ezipte, kay! I bonoy avu taŋ. A ɗuvaka wuluk taŋ taˀ ar pilisey, a pulaka vu taŋ da mota ngi pilisey asi taŋ haɗa, waɗ da misi pilisey asi taŋ migidaŋ. Amma a ɗuvaka hiri taˀ le ar Buymisemuŋ mipal ngi Israyele ta, t'anta sipaka Bumbulvuŋ ta.

EZAYI 55:3

Jikoko slimiɗ, soko ng'avi ya, cinam, ɓa kisa ndiram ti siifa. I sa jumˀay ati kum wãˀ ngi sete. Gi mezle, ya miɓa ɗaˀ le da Davit na, y'anta sa pula teˀ ta.

ZEREMI 38:20

Zeremi a mbiɗaŋ di: «Anta sa vulukuw asi haŋ taŋ ta. Cina mi ngi Bumbulvuŋ kaɓa ya maɓuw di na, gwat gar a sa gi tir mezle avu ka, kisa laha hutuŋ ɗike.

EZEKIYEL 18:9

A sipa jiviɗe kaɓa ɓimujuwa ɗu mawuɗo, sirik ɗuwoyo, a ja taŋ a hirnga, a ga gwatakaslsla: mbur nah na, i mbur mijeŋŋe. Naŋ kaslsla, a ndir ti siifa. I ya Bumbulvuŋ, Buymisemuŋ maɓi.

Ɗerewol OZE 10:12

Zligam hilfa mijeŋŋe ɓa kisa gam sifi mezle. Ngumam guva nawaya. Ɓa ngi sipa Bumbulvuŋ na, sey wurenna, hã a sa po gi jeŋŋe naŋ ng'ar kum.

AMOS 5:6

Da ki wuɗam siifa le na, sipam di i ya Bumbulvuŋ. Kum mizli ngi Zozefey, jam lesl, vur ya mabiga gidaŋ ɗu misi ka vu mazum vu na avu kum, ko mbur anta ngi muc naŋ a Betele ta.

SOFONI 2:3

Kum mihina hirnga ngi si ruwuy gar, kum magam slra ti ɓi mikaslsla ngi Bumbulvuŋ na, sipakaŋ. Supaka ɓi mijeŋŋe ati hina hirnga, da kisa bam njiraŋ cimak ar hin ngi himaˀ ngi Bumbulvuŋ kwana.

Matiye 7:8

Asi mike na, mbur gar macufuɗ gwata, a vulakaŋ, mbur masipi gwata, a lum, mbur matil mi ngi haya, a wunakaŋ mizlingre.

Slu cuw 32:46

a ɓa taŋ: «Mingiɓi ya maɓukum taŋ dana ani na, ki jaka taŋ ti sefel ta. Ɓaka ɗaˀ ɗaˀ da dideˀ kumoyo, ɓa a gam slra ti mingiɓi ngir ɓimujuwa hana.

Slu cuw 32:47

Asi i mingiɓi ngi sefel avu kumo ta, mingiɓi hana i siifa kum. A ruwuy kum masa tiɓaka a dubazaw Zurdeŋ na, masa jukum hutuŋ subur ara, i nah.»

Slu cuw 4:29

Angi hirwuy tayna, kisa zlaka sipa Bumbulvuŋ Buymisemuŋ kumo. Da ki ra sipaka ti mevel purla, ti membezleŋ ngi vu kum wãˀ na, kisa lumakaŋ.