AMOS 5:2 - Bible en langue guiziga

² Israyel, zuŋ diili a diɗ le, naŋ anta slikiɗ mata ndiɗaˀ. A ro simtraˀ a ruwuy nga naŋ, ko mislikiɗ naŋ deŋ anta.

AMOS 5:2 ပူးပေါင်းရင်းမြစ်များ

BUYOY MUCUW NAŊ 15:29

Ti hin ngi zumabuy ngi Peka, buy Israyele na, Teglat-Falasar, buy Asiri, a so zuma walahay Yoŋ, Abel-Bet-Maˀaka, Yanowa, Kedes ati Hasor, yo Galaˀat, Galile ati hirwuy Neftali gar. A jaka mizli ngi si ruwuy hanayna nga Asiri.

BUYOY MUCUW NAŊ 17:16

Ɓimujuwa ngi Bumbulvuŋ Buymisemuŋ, taŋ na, a hizigaka le ŋzloh avra. A gam ziri slahay cuw peˀpeˀ ti ɓiri ar vu. A ngam kuli dum kaˀa, yo a huruk hurukam a mbuŋ sukwi ngi gwat ngi muŋhoy, yo waɗ a mbuŋ Baˀal.

EZAYI 14:21

Juwam vu ngi kiɗa ziri sunok sunoko, asi cine taŋhay migam malambaˀ madiɗa na, vur taŋ maslikiɗam a muŋ, a tiɓaka ruwuyo, a nahaka duniya ti walahay madiɗahay.

EZAYI 24:20

Hirwuy ara gi zaway zaway kaɓa mbur miwi le, a wus kikit kikit kaɓa guɗuku. Mungra naŋ a ro risl a hirnga naŋ, a diɗ le, naŋ anta sa slikiɗ mata.

EZAYI 3:8

Zeruzalem a mbizli le, Zuda a diɗ le. A ra mbiɗam hirnga avu Bumbulvuŋ ti mingiɓi taŋ waɗ ti gwat ngi gi taŋ. Yo ara hirsaka dudok naŋ.

EZAYI 37:22

Cina mingiɓi ɗu ya Bumbulvuŋ maɓa vur Senakerip ani: Hirwuy Siyoŋ zuŋ diili mungbuˀo kine na, ara hirsuw, ara singir ar ka, Zeruzalem zuŋ diili na, ara hizigiɗ hirnga ti dirba ɗike.

EZAYI 43:17

I bi ti mota ngi vurum ati pilisey, soje ati madiɗa taŋhaya, ɓa a ram ng'ar vurum. Taŋ gar a ndilam le, a slikiɗam gu mata, a micam le, zlizlar zlizlar kaɓa zeweɗ ngi lampe.

ZEREMI 14:17

Ki sa ɓa taŋ ɓi ani: «Duvuɗ ti papasa, i ro hiri hindrik hindrik ti tuwuy, ko teˀ le anta, asi bonoy madiɗa a luuma mizli ɗuwoyo le, i ɓi ngi muc muluma taŋ.

ZEREMI 18:13

Vurˀe, ani Bumbulvuŋ a ɓi na: «Kaka virzi ngi ɓi ani a wuzla sukwi ngi mizli mekelemeye: Ki cinam gwat migi kahana ɗaˀ ta kwa? Israyel mungbuˀo kine na, a gi malambaˀ mimadiɗa le.

ZEREMI 2:27

Ki ɓaka kuli dumo: «Ki cine ɗu!» Kuli ɗuguro ma na: «Miyiy i ka.» Haˀaw ɓula ni! Ɓa ki puroko hiri ng'avi ya jak na, ki mbiɗikiy di i duba. Amma da bonoy mulumukum le lum ɓula na, ki ɓikiy: «Kilawa, laha ndra takwa!»

ZEREMI 31:4

I wuɗ i ɗiyuw ngi ɗik ngi ɗik a muŋ, kisa tiri ki miɗiya le ngi ɗik ngi ɗik a muŋ, ka Israyel mungbuˀo kine. Ki sa zuɓa gangaŋ ɗikey a muŋ, joˀ kisa ɓurgam jom ati mizli magam muguzlum.

ZEREMI 4:20

A ra wudam vur bonoyo: «Mekelem ani mekelem ani!» Asi hirwuy a ngizl le kap. Gurjik si na, a mbizlaka hay ndraˀahaya le, neˀ ma na, guɗuk ɗuwoyo njeɗek.

ZEREMI 50:32

Mbur mahuhumvu, anja sar a baŋ, a diɗi, ko mbur loŋ ngi slikiɗ naŋ anta. I ɗuva vu div div da walahay naŋhaya, a wura prok naŋhaya pay pay.

ZEREMI 51:64

kisa ɓi na: ‹Babiloŋ a sa kiɗ kahana, ko naŋ anta sa slikiɗ mata, asi bonoy ya mupulo di nga hirnga naŋ na.›» «Sukwi ngi mizli ara giram vu ngataraŋ.» Mingiɓi ngi Zeremi a kiɗ mi aka.

ZEREMI 8:4

«Ki sa ɓa taŋ: Bumbulvuŋ a ɓi na: ‹Da mbur a diɗ le na, a slikiɗ mata kwa? Mbur mizizi le avu jiviɗe na, a mo nga dirba mata kwa?

ZEREMI 9:21

Ka Zeremi, ɓi na, Bumbulvuŋ a ɓi ani: Vagay ngi mizli kros kros a ruwuyo, kaɓa zay gwatay ar guva, kaɓa mizer a dirba mbur munguma daw, ko mbur ngi hil taŋ anta.

ZEREMI 9:9

A muwãhaya, i niˀic ɗu macin deŋ, ar gezleŋ ngi ginewey a pala, i tuwuy ɗu kaɗam kaɗam, asi a wuraka gwataya le gar, ko mbur macuh ti diga anta mata, anta cinam wus ngi ginew a diga mata. Ɗiyuwoy, gwat misãmihey, gwatay gar a kilam le, gwat loŋ anta mata.

TUWUY 2:13

Aw Zeruzalem ɗu Mimezle, i gi sedewo wana ar ka aruŋ maka? I sa wa ɓi ɗik ati ɓi wana aruŋ maka? I sa ɓuw di i ɓi wana ngi tikin ɗike, ɓa ki taˀa tuwuyo ka? Siyoŋ walahay Mimezle. Kay, hiryi mulumuw na, naŋ haɗa kaɓa firndiw ngi mubuliy. Mambuluw gu i waka?

Ɗerewol OZE 14:1

Samariheye, sey a wurkaka slikiɗa ɓi taŋ avu Buymisemuŋ na. A sa kiɗaka taŋ vagay vagay ti maslalam, a sa kirpaka ziri gaza taŋhaya asi sar, yo a sa ngiraka kwacay ngi ngwas misi ti huroyo.

Ɗerewol OZE 6:2

Ar kiɗa mi ngi hin cuw na, a sa vula ndra siifa, ar hin mimakir naŋ na, a saslikiɗa ndra deŋ deŋ a muŋ, yo i sa vula ndra siifa a muŋ.

AMOS 8:14

Mizli mahudumom ti kuli ngi Samarihey, maɓam: «Hadam ti kuli ɗik misi ti siifa, mazilaka Daŋ!» na, yo «Hadam ti Misi Gidaŋ ngi Berseba» na, a sa ndilam simtraˀ simtraˀ ngi wãˀ, anta purtaˀ le mata!

AMOS 9:11

Buymisemuŋ a ɓi: mazlaɓ ngi Davit mijangawwa na, i sa slikiɗa hiri naŋ a muŋ, i sa disla li munjoŋ njoŋ naŋhaya, i sa ndir hayay ar diŋheye, i sa slikiɗa hiri ngi walahayaka nga naŋ misi zleˀe a muŋ.