AMOS 5:1 - Bible en langue guiziga

¹ Israyeley, cinaka mingiɓi ani, ya maɓa a hirnga kumo.

AMOS 5:1 ပူးပေါင်းရင်းမြစ်များ

ZEREMI 18:13

Vurˀe, ani Bumbulvuŋ a ɓi na: «Kaka virzi ngi ɓi ani a wuzla sukwi ngi mizli mekelemeye: Ki cinam gwat migi kahana ɗaˀ ta kwa? Israyel mungbuˀo kine na, a gi malambaˀ mimadiɗa le.

ZEREMI 7:29

Ngwic hirnga kum mupulaka taŋ silip silip ngi biga kum inga yahay na, slaka taŋ, yo hizigaka taŋ avra. Zuɓaka jiviɗe ti kuɗuma tuwuy, asi mizli migwenehey maslikiɗikiy mevel da ya Bumbulvuŋ na, i hirsa taŋ, i pula taŋ zlaɗa.

ZEREMI 9:10

I tiri ti Zeruzaleme le i ɗugur zikitiŋ, hay ngi sunduhoy, yo walahay Zudahaya, i tiri taŋ le daŋ daŋ, ko mbur loŋ anta angi taŋ mata.

ZEREMI 9:17

Anja a wusam vu! Anja a kuɗumaka tuwuy ar ndra! Anja hiri ndra a ngulo tuwuy! Hiri ndraˀahaya ceɗ ceɗ ti tuwuy!»

ZEREMI 9:20

Asi muc ara jiɗawa tir fenetir ngi hay ndraˀahaya, ara co ng'ar hay ndra mimezleheye, ara so bunuca ziri ar buwal madiɗahaya, waɗ ziri menjeɓelehey ar li ngi luumahaya.

ZEREMI 9:9

A muwãhaya, i niˀic ɗu macin deŋ, ar gezleŋ ngi ginewey a pala, i tuwuy ɗu kaɗam kaɗam, asi a wuraka gwataya le gar, ko mbur macuh ti diga anta mata, anta cinam wus ngi ginew a diga mata. Ɗiyuwoy, gwat misãmihey, gwatay gar a kilam le, gwat loŋ anta mata.

EZEKIYEL 19:1

Ka na, bo ti ˀay ngi dimis ngi tuwa buy Israyeley.

EZEKIYEL 19:14

Amma vu a bo asi virzi naŋ, a zuma mihaŋ naŋhay ati yi naŋhaya. Mbak mihaŋ migidaŋ gidaŋ, ati ganday ngi buyo anta avu gudubuno mata.» Hana i tuwuy, a zlam di dimis ngi tuwuy.

EZEKIYEL 26:17

A sa njiɗukuw dimis ti tuwuy, a ɓam: ‹Walahay ngi mizli musoko tir mubuliy tuwa, a susuyum le wãˀ sukwa gawlay! Walahay nah, migidaŋ haɗa tuwa! Gidaŋ nga naŋ ati ngi mizli naŋhaya, naŋ ar mubuliy. Walahay nah a gi zluwun ɓaˀ li zleˀe takwa gawlay?›

EZEKIYEL 27:2

Ka, mburu, cin, zli dimis ngi tuwa Tir.

EZEKIYEL 28:12

«Ka mburu, zli dimis ngi tuwa buy Tir. Ki sa ɓaŋ: Bumbulvuŋ, Buymisemuŋ a ɓi na: Vur kuy cummo na, a kiɗ mi zleˀe ar ka. Ka ti sinmijileŋ zleˀe haɗa, kay, kuy ɗik a zli ta wãˀ.

EZEKIYEL 32:16

Hana i tuwuy, a sa kuɗumakaŋ. Anja ngwas ngi sukwi ngi mizli a kuɗumaka tuwuy misenna. Anja a kuɗumaka da Ezipte waɗ da zigiduw ngi raˀa gar. I ya Bumbulvuŋ, Buymisemuŋ maɓi.»

EZEKIYEL 32:2

«Ka mburu, kuɗma tuwuy ti buy madiɗa ngi Ezipte, kisa ɓaŋ na: ‹Ka a wuzla sukwi ngi mizli zleˀe ka zinga ngi mobor, kaɓa hurum ar mubuliy, ki slikiɗ rongoˀ rongoˀ ar yam a mizawa, ki duɓo yama ti sar ɗikeye, yam mangi diɓel na, ki tira birˀis birˀis.

AMOS 3:1

Mizli Israyeley, kum i muyoy, i ya Bumbulvuŋ mimo ti kum ti ruwuy Ezipte, cinaka ya maɓukum ani:

AMOS 4:1

Kum madiya sla ngi Basaŋhay, kum majiginam a muwã Samari, ki ra zumaka gwat ngi mizli migeˀ irceceheye, ki ra guzuvuraka misi murgahaya, ki ɓaka zil kumoyo: «so ti gwat ngi si, sukum di.»

AMOS 5:16

Vurˀe, Bumbulvuŋ Buymisemuŋ misi gidaŋ wãˀ, Bumbulvuŋ ɗu, a ɓi na: Ar li zik ngi mizli gar na, a sa cinam tuwuy ngi vagay. A jiviɗ madiɗahaya gar na, mizli a sa ɓam: Aw ba! Aw ma! Asa zilam mizli muhuvoy ng'ar tuwa vagay, yo ng'ar gi mezegwel ngi dika vu, i ngwas misinaka kuɗma tuwuy le.

AMOS 8:14

Mizli mahudumom ti kuli ngi Samarihey, maɓam: «Hadam ti kuli ɗik misi ti siifa, mazilaka Daŋ!» na, yo «Hadam ti Misi Gidaŋ ngi Berseba» na, a sa ndilam simtraˀ simtraˀ ngi wãˀ, anta purtaˀ le mata!

MISE 2:4

Ti hin nah na, a sa ɓam ɓi ngi kicuwul ani ar kumo, yo a sa zlukum dimis ani: A kiɗ mi le. a sa ɓam: «Ndr'i ngizlam le pay. A tiɓaka hirwuyo le avu mizli ndraˀahaya. A gi mbri mbri ɓa a tiɓam ndra di maka? Mislikiɗa ɓiheye, ara wuɗkaka guva ndraˀahaya ar wala taŋ.»