AMOS 4:9 - Bible en langue guiziga

⁹ I go jijihey wal wal da daw ngir guva kumoyo, a muˀulom, a zãˀãm. Gwat ngir jarne kumoy ati gudubun kumoy, ˀuruf kumoy waɗ tutumbur kumoyo, birnjeɗek a zuma taŋ le pay. Gar ti nah kwana, ki moko ng'avi ya ta na si. I ya Bumbulvuŋ maɓi.

AMOS 4:9 ပူးပေါင်းရင်းမြစ်များ

BUYOY MUDUMBUŊ NAŊ 8:37

Da may misa gi le asi ruwuyo malla da jiji mozorbono misa gi le, da gwat ngir guvahay ara muˀulom malla ara zãˀãm daˀ arleˀe, da yuk ati jaray a bo le hindiˀille, ara sawa, da Israyeleye, mesene taŋhay ara guzuvuraka taŋ, sesẽŋ angi walahay taŋ migidaŋhay, da mendere malla jiji doflo wanaka gar misa gi le,

ƁI NGI HINEY MUCUW NAŊ 6:28

«Da may misa gi le asi ruwuyo, malla da jiji mozorbono misa gi le, da gwat ngi migamay ara muˀulom malla ara zãˀãm ar guva, da jaray malla yuk a bo le hindiˀille, Israyeleye, da mesene taŋhay ara ndahaka walahay ngi si ruwuy taŋhaya, ko da i jiji doflo wana, malla jiji wanaka gar misa ndilo le,

EZAYI 1:5

Kum maslikiɗam ɓi ti gidaŋ vuna, ɓa a kuɗukum ar wana aruŋ maka? Hirnga taˀ i waˀa, mevele fuk ti jiji.

EZAYI 50:11

Kum gar, kum mabulam vu, kum muroko jah jah ti luvut misi vu munduvuɗa avu mi taŋhay na, cam ng'ar vu kum munjulili vuna, nga wuzla luvut misi vu munduvuɗa avu mi taŋhay vuna. I ya Buymisemuŋ masa ga, ɓa gwat nah a ndilo kumo, kisa micam ti bonoyo.

EZAYI 9:12

Buymisemuŋ, mizli naŋ makiɗa taŋ tuwa, a moko ng'ava ta. a puram jiviɗ ngi mo ng'avu naŋ Bumbulvuŋ misi gidaŋ wãˀa ta.

ZEREMI 3:10

Gar ti nah kwana, Zuda sukum naŋ mongoso miteŋteŋ ta na, a mo ng'avi ya ti mevel purla ta: a zil marava ti jiviɗ naŋ kaslsla ta. I ya Bumbulvuŋ maɓi.

ZEREMI 5:3

Bumbulvuŋ, ka ki hiyĩ di i mbur magi teŋteŋ takwa? Ki kiɗa taŋ ti kiɗ kwana, amma ko a ga taŋ gwat ta, ki ra ngizla taŋ kwana, amma ko anta ngumam tiɓa mi ɗike ta si. ara gaka hirnga taŋ gidaŋ fineˀ ɗuguro, t'anta ngumam moko ng'avi ka ta.

Ɗerewol OZE 11:5

Israyele, naŋ anta sa mi nga Ezipte mata, masa waŋ i ruwuy Asiri, asi taŋ mungumam mo ng'avi ya ta na.

ZOWEL 1:4

Gwat ngi migam, misi mi ngi mumuyuŋ na, yuk a zuma le tirneˀ, yo misi mi ngi yuko, tuˀuf a zuma le tirneˀ, waɗ misi mi ngi tuˀufo, jaray a zuma le leɗeɗ.

ZOWEL 1:7

A tiram ti guva ngi gudubun ɗu kirɗak kirɗak, a hiryaka guva ngi uruf ɗu liɓasl liɓasl wãˀ, a kurɗoko duba taŋhaya kuruɗ kuruɗ, a paka taŋ haŋ saɓaɓaɓa a ruwuy, mbak mihaŋ taŋhaya babara faw.

ZOWEL 2:25

Buy misemuŋ a ɓi: «Mumuyuŋ, yuk, tuˀuf waɗ jaray, soje ɗuwoy mihaɗa tayna, ya mislina taŋ ng'ar kum, vihey misi taŋ muzumaka gwat ngi migam kumoy na, i wurkukum taŋ a muŋ.

AMOS 4:6

Ar walahay madiɗa kumoy gar, miga ɓa gwat ngi ci nga kwala anta na, i ya, yo a hay kumoy gar ma na, miga ɓa milef rum anta kwana i ya. Amma gar ti nah na, ki moko ng'avi ya ta. I ya Bumbulvuŋ maɓi.

AMOS 4:8

Mizli ngir walahay cuw malla makir, a ram ng'asi yam ar walahay mekeleme manja a kiɗa taŋ madalyama. Gar ti nah kwana, ki moko ng'avi ya ta na si. I ya Bumbulvuŋ maɓi.

HABAKUK 3:17

ˀUrufoyo anta fuyukom mata, gudubunoy anta yam ko neˀ le mata, i kutukoko yi ngi tutumburo, hã gar gar, guvahay anta yam gwat ngi zumoyo mata, ˀaway ati tumuhoy ara zizam ar gezleŋ taŋ, slahay kwana, anta ar gezleŋ taŋ mata.

Ɗerewol AZE 2:17

Slra kum migaka ti haŋ kumo, i nduva taŋ le, i hirya taŋ le ti tuˀuf, ti yam, amma ko i mo ti kum ng'avi ya gu ta na si. I ya Bumbulvuŋ maɓi.

MALASI 3:11

I sa tika birnjeɗeke, ɓa a zuma gwat ngi migam kumoyo mata, yo ɓa gudubun ngir guva kumoy a yam. I ya Bumbulvuŋ misi gidaŋ wãˀ maɓi.

Slu cuw 28:22

Bumbulvuŋ a sa ga ɓa ki hĩhĩyam zah zah, kisa hislam, vu cõˀcõˀ avu vu, vu a kukuɗusl. A sa gukum kwalay. Daw a sa muˀul hiykom, malla a zãˀãm. Gwat tayna a sa gam avu kum, hã ki ngizlam kuɗup.

Slu cuw 28:42

Widis kumoy ati gwat ngir guva kumoy gar, i yukoy masa zumaka taŋ.