AMOS 4:6 - Bible en langue guiziga

⁶ Ar walahay madiɗa kumoy gar, miga ɓa gwat ngi ci nga kwala anta na, i ya, yo a hay kumoy gar ma na, miga ɓa milef rum anta kwana i ya. Amma gar ti nah na, ki moko ng'avi ya ta. I ya Bumbulvuŋ maɓi.

AMOS 4:6 ပူးပေါင်းရင်းမြစ်များ

Ɗerewol AZE 2:17

Slra kum migaka ti haŋ kumo, i nduva taŋ le, i hirya taŋ le ti tuˀuf, ti yam, amma ko i mo ti kum ng'avi ya gu ta na si. I ya Bumbulvuŋ maɓi.

ZEREMI 5:3

Bumbulvuŋ, ka ki hiyĩ di i mbur magi teŋteŋ takwa? Ki kiɗa taŋ ti kiɗ kwana, amma ko a ga taŋ gwat ta, ki ra ngizla taŋ kwana, amma ko anta ngumam tiɓa mi ɗike ta si. ara gaka hirnga taŋ gidaŋ fineˀ ɗuguro, t'anta ngumam moko ng'avi ka ta.

EZAYI 9:13

Vurˀe, ar hin purla si na, asi ruwuy Israyele, Bumbulvuŋ a buko hirnga ati dangwala, waɗ mihaŋ ngi dibinoje ati lavaɗaya.

ƁIMUNJUYO 2:21

I vulaŋ hin le ɓa a zil marava, amma anta ngum ɓa a zil marava ngi pula gi sulome naŋ na ta.

Ɗerewol OZE 5:15

I sa cuh, i sa mi ngi hay ɗu, hã da taŋ misa ɓam le a zluɓaka le, yo ara ram ti sipikiy. Taŋ misi ar bonoy na, a sa ram ti sipi ɗu.

LEVIHEY 26:26

I sa ga ɓa ki lumam ɗafa ta, ngwasay kuruˀ a sa kusom ng'ar liwis purla, yo ɗaf taŋ masa sukum di vuna, a sa cukumdi ti ci, mbak kisa zumaka kiliyem kiliyem, ko a mbukum ta.

EZEKIYEL 16:27

Ani i ra biga gidaŋ ɗu ar ka so, i ngica gwat ngi zum ɗike le, yo i vuluw le da mesene ɗik, ziri mongoso Filistihey, hã taŋ vuna mesem a kiɗa taŋ ti gi gwat ngi mesem ɗik vuna jak ma.

EZAYI 26:11

Bumbulvuŋ, ki puka haŋ le pak ngbaŋ, t'anta puraka ta, amma ti taŋ masa puraka wirwir ɗik ngi cika vu ar mizli na, a sa pam mesem, vu mubula hĩˀĩ vur mesene ɗikeye, a sa zumataŋ.

EZAYI 3:1

Haˀaw, zumabuy ngi Zuda ati ngi Zeruzaleme, gwat mavula taŋ ɗaf ati yam gar na Bumbulvuŋ migidaŋ wãˀa, a sa muɗa taŋ di avra yo gwat majina taŋ gar na, a sa zuɓa taŋ di avra.

ƁI NGI HINEY MUCUW NAŊ 28:22

Ahasa, ko ti taŋ mindahakaŋ hirnga ndah na tekeɗe kwana, ara ziriɗa mi ngi Bumbulvuŋ ti vendeke na si jaka.

BUYOY MUCUW NAŊ 8:1

Ngwas ada zleˀe, Elize a mo ti siifa ngi mangal naŋ mumuca. Nkgi pas numuŋ na, Elize a ɓaŋ: «Ka ati mizli ngi hay ɗikeye, slikiɗam, ara cifam ar li zliv kum macifam gu. Asi Buymisemuŋ a go may le, a sa so asi ruwuyo a gi vi tarnaˀ.»

BUYOY MUCUW NAŊ 4:38

Elize a mi le nga Gilgala a muŋ. Ti di nah na, may a bul vu le ciɓak kuyta wãˀ asi ruwuyo. Ngi pas numuŋ, jum ngi ziri ngi mijiviɗey a cikilam le a ciki Elize. Akẽh na, Elize a ɓa gawla naŋ Gehazi: «Ɗuv misirgaɗ madiɗa ar vu, ɓa ki da lar ngi sliɓi ti sliɓi da ziri ngi mijiviɗey na.»

BUYOY MUDUMBUŊ NAŊ 18:2

Eli a ru, ara biga vu naŋ da Akapa. Naɓa may a bul vu le culok asi ruwuy Samari.

BUYOY MUDUMBUŊ NAŊ 17:1

Eli, mbur ngir walahay Tiseba, angi hirwuy Galaˀata, a ɓa buy Akap na: «Ti slimiɗ ngi Bumbulvuŋ misi ti siifa, Bumbulvuŋ ngi Israyel, ya magaŋ slra naŋ na, ar vi ngi mbuŋhoy na, wulngar anta sa gi ta, yo vuŋ anta sa gi ta ma, sey da ya mucufuɗ le vurˀe far.

Slu cuw 28:38

Ki sa ram ti hilfa daw nga zlig haɗi, amma kisa lumam daw ti sifi, neˀkini, asi jaray a sa tirnaˀa tirneˀ tirneˀ gar.

ZEREMI 14:18

Da ya mibi le put nga pala na, i pur di i vagay ngi mizli kuros kuros, mikiɗahay ti maslalam. Da ya mimi le ng'ar walahay na, i pur di i mizli saɓaɓa, may makiɗa taŋ. Mijiviɗey ati masayaya, a bulaka hirwuyo bal bal, amma ko anta slam wala ngi gwat neˀ mata.»

EZEKIYEL 14:21

Naŋ kine, ya Bumbulvuŋ, Buymisemuŋ i ɓi na: Bonoy mumufaɗ hanayna: vurum, may, gwat misãmi miji vu ngi ɓuhoy waɗ jiji mozorbono na, ko da i slino taŋ le ar walahay Zeruzaleme, ɓa a ngizla mizli ati gwat misãmiheye tekeɗe kwana,

ZOWEL 1:16

Gwat ngi zum mikiɗ mi, yo ar hay ngi Bumbulvuŋ, mumul ati jiɗa mececẽleŋ anta mata na, a gi a mihiri ndra ta kwa?

LEVIHEY 26:23

Da ki tiɓaka kuti, ya mukutukum ti bonoy na ta, ki ra slam himaˀ avu ya ɓula si na,

RUTH 1:1

Hirak ti migi kiytahay miwaka Israyel na, may a gi asi ruwuyo. Mbur Beteleyem ada a ruwuy Zuda, a slikiɗ kutum ng'ar prok ngi Moˀap ati ngwas naŋ waɗ ziri naŋ mizilehey cuw.

EZAYI 9:12

Buymisemuŋ, mizli naŋ makiɗa taŋ tuwa, a moko ng'ava ta. a puram jiviɗ ngi mo ng'avu naŋ Bumbulvuŋ misi gidaŋ wãˀa ta.

Ɗerewol OZE 11:5

Israyele, naŋ anta sa mi nga Ezipte mata, masa waŋ i ruwuy Asiri, asi taŋ mungumam mo ng'avi ya ta na.