AMOS 4:4 - Bible en langue guiziga

⁴ A ram nga Betel, mbiɗam hirnga avu ya a diga, mbiɗam hirnga makaw mbeˀ mbeˀ avu ya a Gilgala, prik prik na, gaka mikuli kumoyo yo ar hin mimakir naŋ na, vulaka mukuruˀ ngi gwat kumoyo.

AMOS 4:4 ပူးပေါင်းရင်းမြစ်များ

TILA MI 11:9

Ka gawla, mumul angi gi gawla ɗike, anja mevel ɗik a mumul angi gi zuŋ ɗike, ga gwat mevel ɗik mawuɗo, yo misi hiri ɗik mapura gara. Amma so na, si na sin le, Buymisemuŋ a sa ziluw ar kiita vur gwat tayna gar ɓula.

EZEKIYEL 20:39

Amma kumo so na Israyeley, ya Bumbulvuŋ i ɓukum na: anja mbur gar ara ga mezegwel da kuli naŋhaya ɓula ni. Amma na, kisa puraka, kisa cinikiy mi cummo ta kwana. Dar kum anta sa hiryaka slimiɗ ɗu ti gwat ngi vul kumoy waɗ ti kuli kumoy na mata.

Ɗerewol OZE 12:11

I sa ɓa ɓi da mijiviɗeye, i sa ga ɓa a puram gwatay haɗa, ya mibiga taŋ di, Ɓi ɗuwoy miweˀ ti wi, i sa ɓo taŋ ti balam mijiviɗey.

Ɗerewol OZE 4:15

Kum Israyeley, da ki ra gam sulome na, anja ki caka Zudahay anga ta ɓula! Ki ram nga Gilgal, ar li mipal na ta, ki ram nga Betel, ar li ngi vu na ta, yo ki hudumom, ki ɓam: «Bumbulvuŋ naŋ ti siifa» na, ki ɓam ta.

Ɗerewol OZE 9:15

Bumbulvuŋ a ɓi: «A Gilgala, moˀore taŋ na, a bugo vu le wãˀ a diga: Ya migi mesene ti taŋ na, a diga, yi sa ɓula taŋ ti hay ɗu avra, asi taŋ magaka gwata ti moˀore na. Y'anta sa wuɗ taŋ mata, asi buy taŋhay gar i mislikiɗa ɓihey.

AMOS 3:14

Tapas ya masa ru nga mbiɗa hirnga da Israyeley vur malambaˀ taŋ na, i sa mbiɗi hirnga avu li gi mikulihey misi a Betele, a sa ngilaka durumoy misi avu li gi mikuli, a sa ndilam a ruwuy.

AMOS 5:5

Amma ki sipikiy a Betel ta, ki cam nga Gilgala ta, ki cohom ti Berseba ta. Asi a sa jaka Gilgalaya pay nga ruwuy mulak, yo Beteleye, a sa zizaka taŋ kap.

Matiye 23:32

Da kine na, slra ngi dideˀ kumoy mizlaka virzi naŋ na, aram di nga mbuŋ, ɓa ki kiɗaka mi naŋ wãˀ!

Matiye 26:45

Dar a mo ng'avi mizli ngi seˀeheye, a ɓa taŋ: «Ki ra muskam vu, yo ki ra hinjam aruŋ sukwa? Ani ler a gi le, ɓa a vulaka Mangal ngi mbur asi haŋ ngi mizli migi mungrahay.

Mark 14:41

Ti naŋ mumo sar mimakir naŋ na, a ɓa taŋ: «Kira hinjam, yo ki ra muskam vu aruŋ kwa? Muk muduba so! Ler a ndila le. Puraka, a vulaka Mangal ngi mburo le asi haŋ ngi migi mungrahay.

Mark 5:5

Duvuɗ ti papas gar na, a ro ndrehhe a zivihey, yo a muwãhay, a widi, a cira vu kõõk kõõk ti ɗugur.

Slu cuw 26:12

Vi mimakir naŋ, i vi ngi vula mukuruˀ ngi gwat. Da ka misa ngica mukuruˀ ngi gwat ngi migam ɗikeye le gar na, kisa vula da levihey, da mulakay, mutuhuhoy waɗ da wudigahay. Ɓa a lumam gwat ngi zum ar walahaya hã a mbam.