AMOS 4:2 - Bible en langue guiziga

² Bumbulvuŋ a hudum le ti slimiɗ nga naŋ mipal na, a ɓi: «Ani hin ara ndilawa avu kumo, tapasa a sa jukum ti ngalumoy ka kilif, yo a sa jaka ziri ngi kwacay kumoyo ngik ngik ti ziwit misi slimiɗey.

AMOS 4:2 ပူးပေါင်းရင်းမြစ်များ

DIMISEY 89:35

Y'anta sa ngila ɓi ngi jumoˀay ɗu ta, ɓi ya mubo di le ti balam ɗu na, y'anta sa mbiɗa ta.

DIMISEY 89:36

I hudum le sar purla ngi wãˀ ti slimiɗ ɗu mipal na, i ɓi na: Ĩˀĩ, y'anta sa tikina Davite ta ndiɗaˀ wãˀ.

EZAYI 37:29

Asi ka mislikiɗ himaˀ fõh fõh ng'ar ya, yo ya micina huhumo vu ɗik na cin cin na, yi sa cuw ɓiri avu hutuŋ, waɗ lejeŋ kulaˀ a mi, joˀ yi sa mi ti ka ngi hay ɗike, tir jiviɗ ka muso zleˀe ti raˀa na a muŋ.

ZEREMI 16:16

I sa slin miji kilifey haɗi, ɓa a sa joko taŋ, i ya Bumbulvuŋ maɓi, yo i sa slin mizli a gam madala, ɓa ara supoko taŋ a muwãhay gar, ar li miɗingir ɗingirey gar, ko sesẽŋ ar butumoy.

EZEKIYEL 29:4

Yawwa, i sa sliluhu ti ɓiri muhurtok avu mi. Kilif ngi mizaw ɗik na, i sa slupãˀã taŋ gar slupãˀ slupãˀ avu dubaˀ ɗiki. I sa ɗuɗo ka ti hur mizaw ɗike ng'avra, jom cek ti kilif ngi mizaw ɗik, masa slupãˀãm slupãˀ slupãˀ avu dubaˀ ɗik tuwa.

EZEKIYEL 34:16

I sa ra supo tumuŋ miziza le, maru ti liˀi kiŋkiŋ lamabaˀa, i sa mo di, mingila sara le, i sa mbizaŋ di, misi jiji, i sa vulaŋ gwat ngi zum, ɓa a slikiɗi. Amma ginew muzlumburahay ati migidaŋ gidaŋhaya, i sa ngizla taŋ. Joˀ i sa jigina tumuŋ ɗuwoyo jeŋŋe ti jiviɗ naŋ.»

EZEKIYEL 38:4

I sa cuw ɓiri muhurtokko kik a balama, i sa ɗiɗuw gbor gbor, i bi ti ka jom ati soje ɗikeye: Pilisey ati misi pilisey, zana mezlehey ɓaˀ ɓaˀ avu vu waɗ zigiduw ˀurnok ˀurnok haɗa ti mbaray meciɗek ati madiɗahay, taŋ gar taŋ ti maslalam asi haŋ asi haŋ.

AMOS 6:8

Bumbulvuŋ a hudum ti slimiɗ naŋ tehhe muŋ, a ɓi: Huhumo vu ngi Israyeley na, anta giy kuyta wãˀ, hay taŋ mezleheye, i pura taŋ hiris le, i sa vula walahay Samari taˀ gar asi haŋ ngi mesene taŋhay. «I ya Bumbulvuŋ, Buymisemuŋ misi gidaŋ wãˀ maɓi.

AMOS 8:7

Bumbulvuŋ a hudum, asi huhumo vu ngi mizli ngi Zakopoyo, a ɓi: «Y'anta puyuk hirnga ti gwat ngi gi taŋ na ta ndiɗaˀ.