AMOS 4:1 - Bible en langue guiziga

¹ Kum madiya sla ngi Basaŋhay, kum majiginam a muwã Samari, ki ra zumaka gwat ngi mizli migeˀ irceceheye, ki ra guzuvuraka misi murgahaya, ki ɓaka zil kumoyo: «so ti gwat ngi si, sukum di.»

AMOS 4:1 ပူးပေါင်းရင်းမြစ်များ

BUYOY MUDUMBUŊ NAŊ 16:24

Akẽh na, ara luuma mbur ada, a zilaka Simer. A hiɗika li miɗingir ngi Samari ava suloy gabal merkeɗe. A ndir walahay ar muwã tuwa, a zila walahay nah Samari. Slimiɗ misenna a bo tivi slimiɗ Simer, buy ngi muwã nah vuna.

Ɗerewol JOP 20:19

Asi a burɗa misi murgahaya le, yo a pula taŋ le zlaɗ lambaˀ, ɓa a ndira taŋ haya jak na, a tiɓa avu taŋ ti tiɓi.

Ɗerewol JOP 24:4

Mbur muvuso maru a jiviɗe, a pakaŋ haŋ avra, misi murga ngi si ruwuyoy gar na, a ram ti ɗum ruh ruh.

DIMISEY 140:12

Anja mizli maɓam mi malambaˀ na, a cifam asi ruwuyo ta, mbur misi moˀore malla mukuwa na, anja hiryi a sipaŋ mbak le ta.

DIMISEY 22:12

Ki cifi kileŋ avu ya ta, asi ɓi a wuɗ a lumiy gweˀe, yo mijini ɗu anta.

MIKUCUWULOY 22:7

Mbur misi zlili a wa misi viyahaya, yo mbur mididiɗa duvuso, i beke ngi mbur muvulaŋ duvuso.

TILA MI 4:1

Yo ma na, maguzuvuraka mizli ar duniya misenna, yi ra pura. Mizli muguzuvurahay mawudam na, cinaka widi taŋ ayɗi: mbur ngi tikin taŋ, ɓa a taˀaka tuwuy anta. Muguzuvur taŋhay a funaka taŋ le ti gidaŋ: mbur ngi tikin taŋ, ɓa a taˀaka tuwuy anta.

TILA MI 5:8

Naŋ kine, hirwuyo i mizli gar maciram ti seˀe, yo buyo kwana, a ngir tisi gwat ngi migam aya.

EZAYI 28:1

Kay bonoy! Samari walahay mugudurak kaɓa loppol tuwa, ara cira hiri da mizli Efrayimey muwam le ti mbaazla. Samari naŋ ar ɗigar, a hirnga sozo magi gwat haɗa, gwat ngi wuya naŋ mukuy teˀe, i mufuyuk muɓuto le, a bam vu ati mbaazla miwa mizli le ɓaˀɓaˀa.

EZAYI 5:8

Kay! Mizli taŋ ar bonoy. A zliraka hayaya da cala da cala, guvahaya da cala da cala, hã a tiɓaka li cek, yo a cifam pal taŋ a wuzla walahaya.

EZAYI 56:12

Ko wa gar na, a ɓi: «Soko, supukum mbaazla, i sa sam arge. Ti prik kwana, kanah ma, mbaazla a ndir le haɗa teˀe.»

EZAYI 58:6

Gi dalyam ya mawuɗo, n'ani: mizli kum majuwaka taŋ ngi moˀore ti celeluhoy na, pulaka taŋ, cukoko taŋ galalaŋ ngi si ˀay taŋ avra, mizli muguzuvuraˀahaya, vulaka taŋ diimu. Wãˀ naŋ na, anja ki ngilaka galalaŋ ngi gi beke ti mizli na gar avra.

ZEREMI 50:11

Kum mizli Babiloŋhoy, ki zumaka hirwuy ɗu le, haˀaw, kum mumulom, jiɗam mececẽleŋ so! Haˀaw, kum zluzluɓam kaɓa bulkoŋ ar giziŋ miɗiɗi le, huhumom kaɓa pilisey migweˀ ngi cifi!

ZEREMI 50:27

Ngizlaka gusoŋhoyo gar, anja a ram taŋ ng'ar li kiɗ taŋ! Kay i bonoy avu taŋ! Hin taŋ a ndila le, hin ɓa sey a slufaka gwat ngi gi taŋ.

ZEREMI 51:34

Nabukodonozor, buy madiɗa ngi Babiloŋ, a humbuɗiy le nguɓoc nguɓoc, a siɗiy le seɗ seɗ kaɓa sikiɗ misiɗa le. A ndiy le suɗuk kaɓa ngoŋngoŋ, a mbi le kwacay ndeŋ ndeŋ ti muzuzur ɗu, waɗ a vunoho ya pirslik avra.

ZEREMI 6:6

Bumbulvuŋ misi gidaŋ wãˀa, a ɓi na: «Ngumaka widiseye, mbam muyuŋ mbeˀ mbeˀ a ciki Zeruzaleme, ɓa ngi ɗum: masa gaka bonoy na da walahay vuna ceke, asi a gam anga sey i moˀore tewle.

ZEREMI 7:6

Moholoy, mutuhu ati wudiga na, ki zumaka taŋ ta. Mbur migi gwat ta na, ki kiɗaka vagay ar li hana ta. Ki sipam kulihey ɓa hiryi a so ar kum ta.

EZEKIYEL 18:12

a zum gwat ngi mizli migeˀ ircecehey ati ngi misi murgahay, a hul, gwat mbur mijikaŋ di le ar deɗe ngi duvus na, a mi di da buy nah mata, a huruk huruk a mbuŋ kulihey, a gi gwat mukuyta wãˀ,

EZEKIYEL 22:12

Asi hirwuy ɗike, a wurkaka mburo, ɓa ara kiɗ hirnga. Mbur a didiɗ gwat ɓa a sa mo di ti yam anga haɗa. Ki zuma gwat ngi cil ɗike ti gidaŋ, amma ya, ki puyuk hirnga le ti ya. I ya Bumbulvuŋ, Buymisemuŋ maɓi.

EZEKIYEL 22:27

Buy ngi raˀahaya, taŋ kaɓa kiriɓuhoy manguwam gwat ngi zum taŋ, taŋ weˀ weˀ vu ngi kiɗa hirnga, ngi ziza mizli ɓa a ciram tisi taŋ ngi luuma gwata.

EZEKIYEL 22:29

Mizli ngi si ruwuyoy a guzuvuraka mizli, a hulom, a zumaka mizli migeˀ ircecehey le ati misi murgahaya. Mbur moholoyo, ar gwat ɓa a ga zuy na, a guzuvurakaŋ.

EZEKIYEL 22:7

Asi hirwuy ɗike, mbur a hirsa cine ati mumuŋ, a guzuvuraka mbur moholoyo, a zumaka gwat ngi mutuhuhoy ati ngi wudigahaya.

EZEKIYEL 34:16

I sa ra supo tumuŋ miziza le, maru ti liˀi kiŋkiŋ lamabaˀa, i sa mo di, mingila sara le, i sa mbizaŋ di, misi jiji, i sa vulaŋ gwat ngi zum, ɓa a slikiɗi. Amma ginew muzlumburahay ati migidaŋ gidaŋhaya, i sa ngizla taŋ. Joˀ i sa jigina tumuŋ ɗuwoyo jeŋŋe ti jiviɗ naŋ.»

EZEKIYEL 39:18

Ki sa zumam useˀ ngi bugawlahay, yo kisa sam pumbus ngi buy ngi si ruwuyoy. I sli di i ˀay ngi zlengerekey, ziri tumuŋhoy, bazuwayay, gusoŋhoy. Taŋ gar i gwat misãmi muzlumbra ngi Basaŋhay.

ZOWEL 3:3

I sa gi gwat migam ɗaˀ tahay a muŋ waɗ a ruwuyo, pumbus, vu waɗ musure ngi cunju.

AMOS 3:1

Mizli Israyeley, kum i muyoy, i ya Bumbulvuŋ mimo ti kum ti ruwuy Ezipte, cinaka ya maɓukum ani:

AMOS 3:3

Da mizli cuw a ɓam ar wal taŋ ta na, a ram zlaɓ zlaɓ a jiviɗe kwa?

AMOS 5:11

Na zle, ki ra guduburaka mbur misi murga, ki ra tiɓam cah avu gwat ngi migam naŋ. Vurˀe, hayay kum mindiraka taŋ ti ɗugur miciɗahay na, kum anta sa cifam ar taŋ ta, gudubun mimezlehey kum mihirvaka taŋ na, kum anta sa sam mbaazla naŋ ta.

AMOS 6:1

Mizli muroko setette a Siyoŋ, yo moroko pulam vu a muwã Samari na, kay, taŋ ar bonoy. A waka kaɓa taŋ i mizli madiɗa ngi wuzla sukwi ngi mizli, joˀ Israyeley ara ram ng'avu kum.

AMOS 6:6

Ki sam mbaazla ti sikiɗ mikitimbiˀ kitimbiˀi, mal mimezlehey pay pay avu vu. Amma mendere muluma sukwi ngi Zozef na, ko ki likaka neˀ le ta.

MALASI 3:5

I sa so a wuzla kumo ngi gukum kiita kumoyo. Mizli misi cucukoy ati migi madamahay, muhudum ti slirey ati muzuma migir ngi migi slrahay, ngi ngwas wudiga ati mutuhuhoy, muguzuvura moholoyoy, yo taŋ mazluwunam ti ya ta gar na, yi sa mbiɗa taŋ hirnga kutumo si. I ya Bumbulvuŋ misi gidaŋ wãˀ maɓi.»

SLUFA VU 21:33

A dirba nah, a muslam jik nga Basaŋ. Neˀ si na, Og, buy madiɗa ngi Basaŋ, a bo ti soje naŋhay gar, nga ji hirnga ti Israyeleye, ɓa a kiɗam vu a Edreyi.

Slu cuw 24:14

Mbur misi murga migeˀ ircece le, ko i sukum kum, i mbur mulak, ko mbur ngisi ruwuy kum, malla da ko mbur ngir walahay kum, ara gi slra avu kum ɓa ki wurkakaŋ na, ki zumakaŋ ta.

Slu cuw 28:33

Gwat ngi migam kumoy ati migir kumoy gar na, i mizli manja siney masa zumaka. A sa ndiram ar li zum kumo, ar li guzuvur kumo.