AMOS 3:7 - Bible en langue guiziga

⁷ Naŋ kine, Bumbulvuŋ Buymisemuŋ, naŋ anta gi gwat neˀ manja a njika da mijiviɗ gawla naŋhaya ta.

AMOS 3:7 ပူးပေါင်းရင်းမြစ်များ

ZLI VIRZI 18:17

Bumbulvuŋ a ɓi ti kwacay naŋ: «Gwat ya maga na, i ɗumo avu Abrahama ma kwa?

ZLI VIRZI 6:13

Dar Buymisemuŋ a ɓa Nowe na: «Hin ngi kiɗa mi ngi gwat mamusuwunamay gar a ndila le! Asi a nahaka hirwuyo le ti moˀore taŋ na, i wuɗ i ngizla taŋ pay asi ruwuyo.

BUYOY MUCUW NAŊ 22:13

Ɓi ngi ɗerewol mulumoko di hana na, ara cufuɗaka Bumbulvuŋ aseˀe vur ya, vur mizli Zudahay gar. Asi mingiɓi hana i ɓi madiɗa, Bumbulvuŋ a zuɓ himaˀ le fõh fõh ar ndra, asi dideˀ ndrahay a jaka ɓi nga naŋ Bumbulvuŋ a hirnga ta, yo a gaka gwata kaɓa mutohoko cek ar ɗerewol hana na ta.»

BUYOY MUCUW NAŊ 22:20

Vurˀe, yi sa puluw ka, kisa muc ti mucu, ki ra muc ti zuy. Bonoy, ya masa go di ng'ar li hana na, ko k'anta sa pura keɗ le ta. Dar misliney ara mbiɗaka ɓi nah da buyo.»

BUYOY MUCUW NAŊ 6:12

Mbur purla a wuzla gawla soje naŋhaya, a mbiɗaŋ di: «Buy kumani ɗu, mbur anta loŋ ta, sey Elize, mijiviɗ ngi Bumbulvuŋ ar hirwuy Israyel. Ɓi ka maɓa yaŋŋa ar ka mutup a viŋ ɗik na, naŋ a ndila le ngi njika da buy Israyele.»

DIMISEY 25:14

Bumbulvuŋ a pula vu naŋ mbak da mizli mazluwunam di, a dubuna taŋ ɓi ngi jumoˀay naŋ.

EZAYI 18:4

Asi Bumbulvuŋ a ɓiy zleˀe na: «I sa pul vu, i puro hiri tir li ya misi ara, kaɓa pas misi a hirnga li minjahha, magi hiri ngirzliw. kaɓa mulbuɗ mangis ar kiya ngi sifi.»

ZEREMI 23:22

Da a cicam le ɗaˀ zleˀe ar li ngilawuy ɗu na, anja ani a ɓaka mingiɓi ɗu da mizli ɗuwoyo, ɓa a cinaka so. Anja ani a mbuɗoko hiri taŋ le tir sipi jiviɗ malambaˀ taŋ na, waɗ tir gi gwat taŋ mikaslsla ta na.»

EZEKIYEL 29:21

Angi hin nah na, i sa ska gidaŋ ngi Israyeleye. Yo ka vuna Ezekiyel, i sa ga ɓa ki ɓi zuy a wuzla taŋ muduba. Dar a sa sinaka yi Bumbulvuŋ.»

DANIYEL 10:21

Amma yi sa tiluw mi ti ɓi ngi gwat mutoho ar Ɗerewol ngi ɓi mikaslsla. Mbur masa jiniˀis asi ya anta, sey Misel yarma, modro kum na tewle.

DANIYEL 11:2

Wurenna, i wuɗ i ɓuw ɓi mikaslsla so. Pura buyoy a sa boko makir a ruwuy Perse, amma mumufaɗ taŋ a sa cikil zlili haɗa wãˀ fineˀ nga taŋ gar. Da naŋ misa lum gidaŋ le ti zlili nah na tuwa so na, a sa slikiɗ ɓi avu zumabuy ngi ruwuy Greke.

DANIYEL 2:47

Buy a ɓa Daniyele na: «Gisiŋ, Buymisemuŋ kumo, i madiɗa fineˀ kuliheye, i madiɗa ar buyoyo, yo i minjika gwat maslaam wala tahay. Ka minjikiy gwat mufuna wuluk ngi mbur nah na, vurˀe.»

Ɓimezle ngi Yesu Kristu ZAŊ mitil di mi 15:15

Y'anta zulukum gawla ɗuwoy mata, asi gawla ngi mburo, gwat buy naŋ maga na, naŋ anta si na ta. Amma yi zulukum ngama ɗuwoy, asi mingiɓi ya micino di avu Baha gar na, yi ɓukum di le.

ƁIMUNJUYO 1:1

Gwatay magam na, Yesu Kristu a njika taŋ le ar li babara. Gwatay masa gam gweˀ na, Buymisemuŋ a pulaŋ ɓi nah ɓa a biga da gawla naŋhay. Kristu a slina modro naŋ ng'avi gawla naŋ Zaŋ, ɓa a bigaŋ ɓi nah.

ƁIMUNJUYO 1:19

Gwat ka mupura ati ka mapura magi wurenna, waɗ masa gi a dirba gar na, tohoŋ.

ƁIMUNJUYO 10:7

Amma tapas mizli masa cinam modro mitarnaˀ naŋ masa zla fi tulum naŋ na, naɓa Buymisemuŋ a sa kiɗa mi ngi ɓi naŋ muɗum na, kaɓa naŋ mitil mi ti ɓi nah da mijiviɗ, gawla naŋhay zleˀe.»

ƁIMUNJUYO 4:1

A dirba nah na, i pur miviŋ muwuna le baŋ a muŋ, joˀ ˀay ya micina mudumbuŋ ka tulum zleˀe tuwa, a ɓiy: «Jiɗo ng'aka, i sa buguw gwatay masa gam a dirba nah ma.»

SAMUYEL MUDUMBUŊ NAŊ 9:15

Dambalaka, dumbuŋ angi so ngi Sawul na, Buymisemuŋ a ɓa ɓi nah le ɗaˀ le da Samuyele si. A ɓaŋ le zleˀe: