AMOS 3:2 - Bible en langue guiziga

² A wuzla mizli ngi si ruwuyoy gar na, yi sin di i kum, vurˀe gwat malambaˀ miwãˀ kum migaka na, i sa cufuɗukum, ɓa kisa slufaka ɓi nah.

AMOS 3:2 ပူးပေါင်းရင်းမြစ်များ

ZLI VIRZI 10:32

Naŋ kahana, sukwi mubo tivi ziri ngi Noweheye vur wazlaray vur wazlaray, a jumom vur hirwuy vur hirwuy. A dirba mekepel madiɗa, sukwi ngi mizli mizliɗam hirnga asi ruwuy gar na, a boko baɗ avu taŋ.

ZLI VIRZI 18:19

Ya muwunaŋ na, ɓa a ɓa ziri naŋhay ati dideˀ naŋhaya, ɓa a jaka ɓimuɗuva ɗu kuy kuy a hirngaŋ, ɓa a gam gwat mijeŋŋe, yo mi kaslsla. Vurˀe, i sa gaŋ gwat ya miɓaŋ di ɗaˀ le tuwa.»

DIMISEY 147:19

A til mi ti mingiɓi naŋ da Zakop, ɓi naŋ mawuɗ waɗ ɓi naŋ muɗuva na, a ɓa da Israyel.

BI NGI ISRAYELEY 32:34

Wurenna, aru so, aru ti mizli ng'ar li ya mubuguw di na, i modro ɗik masa ki ɓaˀ a mbuŋ ɗike. Amma tapas ya misa ndil le a wuzla taŋ na, i sa kuta taŋ ti bonoy vur mungra taŋ na.»

EZAYI 63:19

A ziko le haɗa, ndr'i mizli, ka mazum buy ar ndra na mata, mizli mazilam ndra ti slimiɗ ɗik na mata. Da a gi zleˀe na, i wuɗam anja ki ngiro muŋ ŋcaht, ki po sar. Ɓa hã muwãhay a wusam hiɓik hiɓik a mbuŋ ɗike.

ZEREMI 1:15

I sa zilo mizli muyoy misi ar zumabuy tir vay muŋ na gar. A sa ndiloko, mbur gar na, a sa ɗuva janga naŋ ngi buyo, a mizlingreŋ nga Zeruzaleme, njiɓaŋŋa gun mohol naŋhaya, yo a sa zlaka walahay Zudahaya gar ngi kiɗa vu. I ya Bumbulvuŋ maɓi.

ZEREMI 10:25

Pa himaˀ ɗike ng'ar sukwi misinukuw ta na, ng'ar mizli mazilam di i slimiɗ ɗik ta na. Asi ara zumaka mizli ngi zakopoyo, ara zumaka taŋ, a ngizlaka taŋ le njeleleŋ, a tiram ti hirwuy naŋ le daŋ daŋ.

ZEREMI 11:22

Bumbulvuŋ misi gidaŋ wãˀa, a ɓi na, yo mbak ɗagay so: «I wuɗ i guco mi da mizli tayna: gawla taŋhay a sa micam ti kiɗ ti maslalam, ziri taŋ mizile ati mongosohoy a sa micam ti may.

ZEREMI 13:21

Mizli makutukuw kuti ngi bonoyo, kisa ɓi vur taŋ mbrike? I ka vuna misirka taŋ, ɓa a wukuwo. Haˀaw, ɓi nah a sa giruw, kaɓa kwacay magira ngwas ngi yi.

ZEREMI 14:10

Bumbulvuŋ a ɓa mizli tayna tuwa na: «Kanah, a wuɗam nga taŋ i liˀi, hirnga kaˀ lambaˀa, t'anta deŋ ar li purla ta.» Vurˀe, gwat ngi gi taŋ anta cira hiri da Bumbulvuŋ ta, malambaˀ taŋ a ro keŋŋe a hirnga naŋ, a kuta taŋ kuti ngi bonoy asi malambaˀ taŋ na.

ZEREMI 9:25

Mbiɗeˀvra, Eziptehey, Zudahay, Edomoy, Amoŋhoy, Moˀapay, waɗ sukwi ngi mizli mihija li tinikey misi a wuzlaɓuh mikirɗak kirɗak na. Asi sukwi ngi mizli gar a cam mizaw ta, yo ko mizli Israyeley vuna kwana, a cam mizaw a mevel taŋ ta ya.

EZEKIYEL 5:9

I guw gwat ya miga ɗaˀ ta ngi mbuɗuw hirnga, asi gi gwat malambaˀ ɗikey na. I gwat misi y'anta sa ga mata ndiɗaˀ wãˀ.

EZEKIYEL 9:6

Midigilahay, gawla ati diilihey, ziri ati ngwasay gar na, kiɗaka taŋ vagay vagay, hã ki ngizlaka taŋ wãˀ. Amma mbur misi ti lammba a midibiɗ gar na, ki wusakaŋ ta. Zlaka angi hay nga ya Buymisemuŋ.» Dar mizli tuwa, a zlaka avu micawwahay misi a mbuŋ hay ngi Buymisemuŋ.

DANIYEL 9:12

Mingiɓi Buymisemuŋ miɓa zleˀe da ndra ati da buy miwi lihey muwam ndra na, a ga le wãˀ muduba. Ki so ndra ti mendere madiɗa, ko a gi ɗaˀ asi ruwuyo kaɓa magi ani a Zeruzalem na ta.

Ɗerewol OZE 2:13

Cira hiri naŋ gar, muguzlum naŋhay, ngi kiyakaˀ ati sabat naŋhay, waɗ kus naŋhay ngi wuzla mizli, yi sa ga ɓa a kiɗam mi.

Ɗerewol OZE 5:3

Sukwi Efrayime, yi si na le, yo Israyeleye, i muɗumohoy avu ya ta. Kum mihizigiɗaka Efrayimey ɓa a gam madama na, vurˀe, Israyeley gar a tiram le taŋ ti dili.

Ɗerewol OZE 8:13

Ar deɗe ngi mikuli na, a gaka ti useˀ, a zumakaŋ, amma anta cira hiri da Bumbulvuŋ ta. Wurenna i ra wuluk keŋ ar malambaˀ taŋhaya. ara slufa mungra taŋhaya. Sey a mam nga Ezipte a muŋ.

Ɗerewol OZE 9:9

Efrayimey, ki roko giw ti didak ar gwat malambaˀ, kaɓa ar hin ngi Gibeya. Buymisemuŋ a sa wuluk keŋ ar malambaˀ taŋ madiɗa na, a sa slufa taŋ ɓi ngi mungra taŋhaya.

AMOS 2:4

Bumbulvuŋ a ɓi na: «Vur mizli Zudahay makir malla mufaɗ mimbiɗam hirnga na, y'anta sa pula ɓi ya mujuwa a mevel ɗu ngi gi na teˀ vur i taŋ si ta. Asi a pulaka dubun ngi Bumbulvuŋ fuk, a jaka ɓimujuwa naŋhaya ta. Asi slir taŋ miziza cine taŋhay na, a ziza taŋ le ya.

AMOS 3:3

Da mizli cuw a ɓam ar wal taŋ ta na, a ram zlaɓ zlaɓ a jiviɗe kwa?

AMOS 6:1

Mizli muroko setette a Siyoŋ, yo moroko pulam vu a muwã Samari na, kay, taŋ ar bonoy. A waka kaɓa taŋ i mizli madiɗa ngi wuzla sukwi ngi mizli, joˀ Israyeley ara ram ng'avu kum.

MISE 2:3

Vurˀe, ya Bumbulvuŋ i ɓi na: «Ani i juwa le a kwacay ɗu ngi go mendere ng'ar mizli tayna, ko kum anta sa muɗoko ˀay kumoy ti raˀa gu ta, kum anta sa ram hirnga paɗ a muŋ gu ta, vur a sa gi i pas ngi bonoy.»

NAHUM 3:4

Hirwuy Niniv, ki sulome, ki migi madama haɗa, ki tikina mizli ti kuy ɗik mazli ta wãˀ na, sukwi ngi mizli, ki gi taŋ beke le ti sulome ɗik na, yo mizli, ki gi taŋ beke le ti cucuk ɗike.

SLRA 17:26

A go mizli keɗeɗe, ɓa ngi cifi asi ruwuy kurzluˀ gar na, ti vu mbur purla. A sla taŋ hin ngi sifi le, yo a cira taŋ maakway ngi li taŋ masa cifam anga le.

ROMAHAY 2:9

Mbur magi gwat malambaˀ gar na, a sa si bonoy, a sa lik haɗa, Yudehey dumbuŋ waɗ sukwi mekelemey gar.

KORENTIHEY MUDUMBUŊ 8:3

Amma da mbur ara wuɗ Buymisemuŋ na, Buymisemuŋ a sinaŋ le.

Slu cuw 10:15

Ti zlezle na, Bumbulvuŋ mujum ati mizli ɓa a wuɗ taŋ na, ati cine kumoy, yo a dirba taŋ kwana, i kum dideˀ taŋhay, a wunukum a wuzla sukwi ngi mizli gar, kaɓa kum mapuraka dana ani na.

Slu cuw 26:18

Naŋ kwana, a ga le ɓa kumo ki ɓam: ki tiram mizli naŋ mihĩˀĩhey le, kaɓa naŋ muɓukum di ɗaˀ le zleˀe tuwa, joˀ ki sipaka ɓimuɗuva naŋhaya gar.

Slu cuw 32:9

Amma a wi vu le ti sukwi Israyele da naŋ. A gwaha dideˀ ngi Zakopoyo le gwah da naŋ ɓa a jigina taŋ.

Slu cuw 4:32

Moyis a ɓi: Wulkaka gwatay migam zlezle zleˀe, ti taŋ muyukum t'aruŋ, zle ti Buymisemuŋ miga mizli a ruwuyo, yo wulkaka gwatay migam ar duniya zlar: gwat madiɗa misi kanah migi ada kwa? Kiɗa slir ngi gwat kanah, i cinam le ɗaˀ kwa?

Slu cuw 7:6

asi kum i mizli muvulahay le da Bumbulvuŋ Buymisemuŋ kum. A wuzla mizli ngisi ruwuyoy gar na, Buymismuŋ a wini di i kum, ɓa ki tiram kum i mi nga naŋhay.

PIYER MUDUMBUŊ NAŊ 4:17

Asi mike na, i zli hin ngi gi kiita, ɓa Buymisemuŋ a zla gi naŋ tivu mizli naŋhay ɗagay. Ani, da a zla le avu ndra na, mizli mangumam tiɓa Ɓimezle ngi Buymisemuŋ ta na, kiita nga taŋ a sa kiɗ mi mbrike?