AMOS 2:7 - Bible en langue guiziga

⁷ Yo ma na, putukulo mbur misi murga ar murɓuko, may naŋ a ja taŋ haɗa. A zumaka gwat ngi mizli mihina hirngahaya ma. Cine ati mangala a hinam ti ngwas misi purla. Naŋ kine, a hiryaka slimiɗ nga ya Bumbulvuŋ le.

AMOS 2:7 ပူးပေါင်းရင်းမြစ်များ

SAMUYEL MUCUW NAŊ 12:14

Ani ar ɓi ka miga hana na, ki gi malambaˀ le haɗa kuyta wãˀ avu Bumbulvuŋ. Amma na, mangal muyukuw di na, naŋ a sa muc ɓula.»

BUYOY MUDUMBUŊ NAŊ 21:4

Akap a mi nga hay naŋ ti lik, yo ti mevel, asi Nabot, mbur Zisreyel miɓaŋ: «Guva ngi dideˀ ɗuwoy mupulikiy di na, yi vuluw di ta.» A hin kuɓ ar arngawo naŋ, hiri pulaˀ ng'avu dalam, ko a ngum zuma gwat ta.

MIKUCUWULOY 28:21

Pura mbur ti pur na, naŋ kuy ta, amma mbur mupuɗaw ngbaŋ ni, ngi luuma ɗaf balam pala, ko a bi ngi gi mungra kwana, a gaŋ.

EZAYI 10:1

Mizli majuwam ɓi ngi gi malambaˀhay yo matohom gwat toh toh ar ɓi maso ti mendere na, kay taŋ ar bonoy.

EZAYI 10:2

Anta gam kiita mijeŋŋe da mizli hĩhĩyahaya ta, gwat ngi gi zuyo, a tikaka misi murga ngi si mizli ɗuwoyo, ɓa a gaka ta. A zumaka wudigahaya, a vaka gwat ngi mutuhuhoyo.

EZAYI 3:14

Bumbulvuŋ ara ru ti micawwa naŋhay ati buy ngi mizli naŋhaya ng'ar kiita. A cufuɗa taŋ: «Guva ngi gudubuno, i kum mihiryaka, yo hay kumoyo, ki nahaka taŋ le ti gwat kum mutuɓoko taŋ avu misi murgahay.

EZAYI 3:15

Ki kirahaka mizli ɗuwoy avra vur mike? Yo misi murgahaya, ki kurpaka taŋ asi sar vur mike?» I ya Bumbulvuŋ Buymisemuŋ misi gidaŋ wãˀ maɓi.

EZEKIYEL 22:11

Asi hirwuy ɗike, mbur a gi gwat mukuyta wãˀ ti ngwas ngi cil naŋ. Mbur mekelem a hirya vu naŋ ti gi gwat ngi hazi ati ngwas ngi mangal naŋ. Yo asi hirwuy ɗike, mbur numuŋ a ja sukum naŋ, zuŋ ngi cine, a hin di.

EZEKIYEL 36:20

Mizli ɗuwoy miram a wuzla sukwi mekelemey tuwa na, a hiryaka slimiɗ ɗu mipala le a diga. Asi mike na, mizli a ɓam a diga vur taŋ: ‹I mizli ngi Bumbulvuŋhay ngbaŋ, amma taŋ asi ruwuy nga naŋ ta.›

Ɗerewol OZE 4:14

Y'anta sa slufa sulome ngi ziri kum mongosohoy magaka ta, ko madama ngi ngwas ngi ziri kumoy magaka, y'anta slufa ta, asi masayay vuna, tihaŋ taŋ, ada bam ti ngwas sulomeheye baˀa, a wuɗkaka gwat ngi mikuli ati sulome vur Bumbulvuŋhoy: Mizli maslaam wala ngi gwat taka hana na, i mizizahay le.

LEVIHEY 18:15

Ki pura mbuŋ ngi dideˀ ɗik, ngwas ngi mangal ɗike ta, asi i ngwas ngi mangal ɗiki, ki pura mbuŋ naŋ ta.

LEVIHEY 18:21

Ziri ɗikeye, ko ki vul pal asi taŋ ngi gi mikuli da kuli Moleke ta. Da ki gaka le kanah na, kite ki hiryiy slimiɗ nga ya Buymisemuŋ ɗike le. I ya Bumbulvuŋ.

LEVIHEY 18:8

Ki pura mbuŋ ngi ngwas ngi bunuko ta, asi i mbuŋ ngi bunuku.

LEVIHEY 20:3

Ya vuna, i sa zuɓ himaˀ ar mbur nah. I sa gwahaŋ avra ti wuzla mizli naŋhaya, asi naŋ muvul zuŋ naŋ da kuli Molek, naŋ muso ti dili ng'ar hay ɗu, waɗ naŋ mihirya slimiɗ ɗu mipal na.

AMOS 4:1

Kum madiya sla ngi Basaŋhay, kum majiginam a muwã Samari, ki ra zumaka gwat ngi mizli migeˀ irceceheye, ki ra guzuvuraka misi murgahaya, ki ɓaka zil kumoyo: «so ti gwat ngi si, sukum di.»

AMOS 5:11

Na zle, ki ra guduburaka mbur misi murga, ki ra tiɓam cah avu gwat ngi migam naŋ. Vurˀe, hayay kum mindiraka taŋ ti ɗugur miciɗahay na, kum anta sa cifam ar taŋ ta, gudubun mimezlehey kum mihirvaka taŋ na, kum anta sa sam mbaazla naŋ ta.

AMOS 5:12

Asi yi si na le, ki slikiɗam ɓi le haɗa, yo ki gam mungra le haɗa fineˀ gidaŋ, ki guzuvuraka mbur mijeŋŋe, ki wuɗam sey goro taˀ le ngi gi gwata, ar li gi kiita na, ki dikaka ɓi mijeŋŋe ngi mbur misi murga dak le.

AMOS 8:4

Kum mizli maslikiɗam fõh fõh ng'ar misi murgahay, yo kum mawuɗam ngizla mizli muluɓ luɓ ngi si ruwuyoy na, cinam:

MISE 2:2

Da taŋ hĩhĩyam guvahay le na, a tiɓaka taŋ da taŋ. Da i hayay, a zuɓaka taŋ da taŋ. A jaka buy ngi haya jom ati hay naŋ wãˀ, yo a guzuvuraka mburo jom ati zlili naŋ wãˀ.

MISE 2:9

Ki ɓulaka ngwas ngi mizli ɗuwoy avra, tir hay taŋ mawuɗama. ya muɗuva hirnga da ziri taŋhay na, ki tiɓaka taŋ di ngi wãˀ.

SOFONI 3:3

Buy ngi raˀahaya, taŋ kaɓa moboroy ar li tuwuy, migi kiita naŋhaya, taŋ kaɓa kiriɓuhoy majam gwat ti li zuyyo ko a pulam neˀ le ngi humbuɗ ti miprike ta.

ROMAHAY 2:24

Vurˀe, a tohoko na: «Mizli mekelemey mazaka Buymisemuŋ na, vur kum mizli duniyahay vuna.»

KORENTIHEY MUDUMBUŊ 5:1

Ko amaka gar na, i cinam mizli a ɓam: gi sulome ada a hay kumo. I gi sulome mifineˀ gidaŋ, ko mizli duniyahay kwana, anta gaka ta. Asi mbur pal a wuzla kumo, ara ɗuva ngwas ngi cine.