AMOS 2:4 - Bible en langue guiziga

⁴ Bumbulvuŋ a ɓi na: «Vur mizli Zudahay makir malla mufaɗ mimbiɗam hirnga na, y'anta sa pula ɓi ya mujuwa a mevel ɗu ngi gi na teˀ vur i taŋ si ta. Asi a pulaka dubun ngi Bumbulvuŋ fuk, a jaka ɓimujuwa naŋhaya ta. Asi slir taŋ miziza cine taŋhay na, a ziza taŋ le ya.

AMOS 2:4 ပူးပေါင်းရင်းမြစ်များ

BUYOY MUCUW NAŊ 17:19

Zudahaya, Bumbulvuŋ Buymisemuŋ, taŋ, ɓi naŋ mujuwa na, taŋ vuna kwana, a jaka ɓi nah a hirnga ta ya. A sipam nga taŋ i ɓi ngi Israyeley ɓi micicaka jak.

ƁI NGI HINEY MUCUW NAŊ 25:14

Ti Amasiya mimawa, a dirba naŋ mulum bugawla a hirnga Edomoy na, a hilo kuli ngi Edomoy a haŋ, a tiri taŋ kuli naŋhay, a huruk huruk a mbuŋ taŋ, a wura taŋ urdi.

ƁI NGI HINEY MUCUW NAŊ 30:7

Ki gam kaɓa cine kumoy ati sukum kumoy na ta, Bumbulvuŋ Buymisemuŋ ngi dideˀ taŋhaya, taŋ a gam teŋteŋ ava ta, mbak hã a vula taŋ, ɓa mizli a ngizlaka taŋ, kaɓa kum mapuraka ani na.

NEHEMI 1:7

Kay, i gukuw gwat ngi ji mevel le gisiŋ gisiŋ, yo ɓimuɗuva ati ɓimujuwa waɗ ɓi ngi sirik ɗikey, ka muvula taŋ da gawla ɗik Moyis na, ko i jaka taŋ kaw le a hirnga ta.

NEHEMI 9:26

Amma gar ti nah kwana, a slikiɗam ɓi, a slam himaˀ le avu ka na si. A mbiɗam duba le kileŋ wãˀ avu Ɓimujuwa ɗike. Mijiviɗ ɗikey muhurdumom avu taŋ, ɓa anja a moko ng'avu ka na, a kiɗaka taŋ le vagay vagay.

EZAYI 28:15

Ki ɓam: «I ɗiyam ɓi ngi jumo ˀay le ati muco, i slam ˀay kiri le ati li ngi mizli mumucahaya. Bonoy masa ndilo na, a sa cuh, ko a luuma ndra ta, asi slire, i tiram di li ɗum ndra le, yo gi gwat ti kwacay cuwo, i li ɗum ndra.»

EZAYI 44:20

Kay, mizli tayna a vulaka vu taŋ da fucu ngataraŋ, gilaw ngir mevel taŋ a ziza taŋ le. Kuli taŋ anta laha taŋ ta. Ɓa mbur a ɓi: «Misi a haŋ ɗu hana, i gwat puɗaw ngi huruk huruk a mbuŋ naŋ ta» na, ko a ɓi ta.

ZEREMI 16:11

Ka kisa ɓa taŋ na: «I gukum di kahana, asi dideˀ kumoy a pulikiy le, ara sipam kulihey, a huruk hurukam, yo a hurukom a mbuŋ taŋ. A pulikiy ya le mbaka, yo gwat ya mudubuna taŋ di na, a jaka a hirnga ta.

ZEREMI 16:12

Na kumo ma na, gaɗay gaɗay le wãˀ ar dideˀ kumoyo ma: Mbur gar na, naŋ da hirdam hirdam ar cin ta naŋ malambaˀ wãˀ na, ko anta ciniy di ta.

ZEREMI 17:27

Amma da ki cinikiy mi, ki tiram ti sabata i hin mipal ta, ki pulaka jijira gwatay tir mizlingre Zeruzalemeye tapas hin ngi sabata ta na, naɓa yi sa bula vu mamuc ta wãˀ a mizlingreheye, ɓa a zlizlira hay mezle ngi Zeruzalemey na kuɗupu.»

ZEREMI 6:19

Mizli ngi si ruwuy keɗeɗe, cinam ɗi: Yi wuɗ i slino hiryi ng'ar mizli tayna, i migir ngi wuluk ngi kwacay taŋ malambaˀ na. Anta jam lesl ar mingiɓi ɗu ta, yo ɓi ɗu, ya madubuna taŋ di gar na, a burɗaka ɓi nah.

ZEREMI 8:2

A sa njikaka taŋ ar pas, ar kiya waɗ wurzlaŋhay taŋ muwuɗam taŋ zleˀe, mihuruk hurukam a mbuŋ taŋ, misipaka taŋ, mucufuɗam ɓihey avu taŋ, waɗ taŋ muhurkom a mbuŋ taŋ zleˀe na. Anta sa guɗumaka tesl tayna, ɓa a dikaka taŋ a muŋ ta, a sa ndiram ɓaˀ ɓaˀ avra ngi zãˀã li ngi guva.

ZEREMI 8:9

Misi sinmijileŋheye, a roko ti mesem, a sinaka a gam kini ta, a jaka taŋ le ar kwar, ara burɗaka mingiɓi ngi Bumbulvuŋ, taŋ maɓam i misi sinmijileŋhey vuna, ama ani ska?

ZEREMI 9:14

Bumbulvuŋ misi gidaŋ wãˀ, Buymisemuŋ ngi Israyele, a ɓi na, mbak ɗagay so: «I sa vula taŋ gwat miɗalakay ngi zumo, yo ngi si kwana, yam misi slalak araŋ.

EZEKIYEL 13:22

Asi mike na, ki hiryaka mevel ngi mbur mijeŋŋe ti ɓi ngi gilaway, dambalaka ya vuna i ɓaŋ ɓi ngi lik ta ngbaŋ. Yo mbur misi moˀore jak na, ki ɓakaŋ kaɓa gi gwat naŋ i mezleŋ, ani ɓa a ndir ti siifa na, ko a pula gi gwat malambaˀ naŋ na gu mata.

EZEKIYEL 20:13

Amma Israyeley a slikiɗam ɓi avu ya, a wuzlaɓuh mikirɗak kirɗaka. A sipaka jiviɗe kaɓa ɓimujuwa ɗu mawuɗ ta. Sirik ɗuwoy, maga ɓa mbur magi taŋ slra a ndir ti siifa na, a zliɗaka taŋ avra. Ndrehhe na, ara hiryaka ɓi ngi sabat ɗuwoyo. Dar yi ɓi: I sa vunaha himaˀ ɗu angi taŋ a wuzlaɓuh mikirɗak kirɗaka, ɓa a ngizlam kuɗup wãˀ.

EZEKIYEL 20:16

Asi a burɗaka ɓi ngi sirik ɗuwoyo le, a sipaka jiviɗe kaɓa ɓimujuwa ɗu mawuɗ ta, a hiryaka ɓi ngi sabat ɗuwoyo le, vur a vulaka mevel taŋ le haɗa da kuli taŋhay.

EZEKIYEL 20:18

A wuzlaɓuh mikirɗak kirɗaka, i ɓa ziri taŋhaya na: ‹Ki sipaka jiviɗe kaɓa ɓimujuwa ngi cine kumoy mawuɗ na ta, ki jaka sirik taŋhay na a hirnga ta, ki ra cam ar dili ti huruk huruk a mbuŋ kuli taŋhay.

EZEKIYEL 20:24

Vur a gam slra ti sirik ɗuwoyo ta, a burɗaka ɓimujuwa ɗuwoyo le, a hiryaka sabat ɗuwuyo le, yo a pulaka vu taŋ mbak da kuli ngi cine taŋhay.

EZEKIYEL 20:30

Vurˀe, ɓa Israyeleye na: Bumbulvuŋ, Buymisemuŋ a ɓi na: Ani, ki cam le ar dili ti kum masipaka gi gwat ngi cine kumoy na, ti kum mahuruk hurukam a mbuŋ gwat mukuy ta taŋhay na.

EZEKIYEL 22:28

Mijiviɗ taŋhay a puyaka taŋ gwat kor kor ɗum taŋ. A puram gwat ti kleŋ ngatara lambaˀ, yo a njikam ɓi ngi gi gilaw da mizli, a ɓam: ‹Bumbulvuŋ, Buymisemuŋ a ɓi kahana›, dambalaka i ya Bumbulvuŋ vuna miɓi ta ngbaŋ.

EZEKIYEL 22:8

Gwat ɗuwoy mipal na, ki pura taŋ hiris le, ki hirya sabat ɗuwoyo.

Ɗerewol OZE 12:2

Efrayim a mbi le ti himiɗi, a roko hiipas ar li kil asi himiɗ ngi si pas ngi mipriki, ara gam slir, yo ara gam moˀore haɗa haɗa. A ra jumom ˀay ati Asirihey, a vulaka mala da Eziptehey.

Ɗerewol OZE 12:3

Bumbulvuŋ a ro ar kiita ati Zudahaya, yo ara luuma mizli ngi Zakopoy asi gwat ngi gi taŋ malambaˀ na, a sa kuta taŋ weˀe avu gwat ngi gi taŋ.

Ɗerewol OZE 6:11

Zuda, da ka kwana, i ra ɗiyuw gwat ngi sifihey. «A sa gi tapas ya masa mo ti mizli ɗuwoy ng'ar li taŋ a muŋ.

AMOS 1:3

Bumbulvuŋ a ɓi ani: «I ra mbiɗa hirnga da mizli Siri ngi Damasay, asi a gam mungra madiɗahay le haɗa, wãˀ naŋ asi hana: a musukuɗoko mizli Galaˀataya le musukuɗ musukuɗ ti ɓiri ngi musukuɗo li. Vurˀe, y'anta sa pula ɓi ɗu ya mujuwa a mevel ɗu ngi gi na teˀ mata.

AMOS 3:2

A wuzla mizli ngi si ruwuyoy gar na, yi sin di i kum, vurˀe gwat malambaˀ miwãˀ kum migaka na, i sa cufuɗukum, ɓa kisa slufaka ɓi nah.

MISE 6:12

Walahay, mizli misi zlili ngi raˀahaya, i misi moˀorehey haɗa, yo mizli ngi raˀahaya, maɓam mi ngi gi gilaw na, mi ngi balam taŋ ati ngi irne taŋ, i ngi tikina vu tewle.

HABAKUK 2:18

Misina ɗiya gwatay, maɗiyam kuli miciɗa ti ciɗey, malla mipa ti pi ngi dubuna gwat mijeŋ ta da mizli na, a pul gir ngi mike? Misina ɗiya gwat tayna, a pulaka mevel taŋ da kuli mingbimmehey, taŋ miɗiyaka taŋ tihaŋ taŋ na, vur mike?

ROMAHAY 1:25

A mbiɗaka ɓi mikaslsla ngi Buymisemuŋ, a tiram di ɓi ngi slir. A dilkam a mbuŋ gwat Buymisemuŋ miga taŋ ti gi, a sipaka taŋ, mbak Buymisemuŋ miga gwatay vuna jaka. Anja wãˀ naŋ na, mizlir ngi hunum hã ngi set na, i naŋ Bumbulvuŋ vuna! Amin.

TESALONIKEY MUDUMBUŊ NAŊ 4:8

Asi mike na, da mbur a hiziga ɓi misenna le avra na, a hizig di i ɓi ngi mbur ta, amma a hizig di i Buymisemuŋ mavulukum ˀUf naŋ Mipal na.

PIYER MUDUMBUŊ NAŊ 1:18

Ki sinaka le, Buymisemuŋ mumbuɗo hirnga kum tir gi gwat malambaˀ kum mulumoko di avu dideˀ kumoy na, a vul di i ɓiri bara malla ɓiri tapasl tapasl, gwat ngi ruwuy mahiryamay na ta.

MIGI KIITAHAY 10:6

Mizli Israyeley a zlaka gi malambaˀ a mbuŋ Bumbulvuŋ sima. A huruk hurukam a mbuŋ Baˀal ati Astarte, waɗ a mbuŋ kuli ngi mizli Aramay, ngi Sidoŋhoy, ngi Moˀapay, kuli ngi Amoŋhoy, waɗ a mbuŋ kuli ngi mizli Filistihey. A pulaka Bumbulvuŋ mbak, a gam gawla naŋ mata.