AMOS 1:9 - Bible en langue guiziga

⁹ Bumbulvuŋ a ɓi ani: «I ra mbiɗa hirnga da mizli Fenisi ngi Tirey, asi a gam mungra madiɗahay le haɗa, wãˀ naŋ asi hana: Taŋ i mizli Israyeley mupurla ngbaŋ, ko a kam slimiɗ neˀ le kaɓa i sukum taŋhaya ta. A fucaka mizli ngir walahaya taˀ gar fec fec nga Edom. Vurˀe, y'anta sa pula ɓi ɗu ya mujuwa a mevel ɗu ngi gi na teˀ mata.

AMOS 1:9 ပူးပေါင်းရင်းမြစ်များ

SAMUYEL MUCUW NAŊ 5:11

Hiram, buy ngi Tir a slino mizli ng'avu Davite ti dum ngi miter, ti mikiɗa hayay, ti misina puɗka ɗugur ngi ndira mohol, a ndiraka hay da Davite.

DIMISEY 83:7

I mizli Edomoy ati Ismayeley, mizli Moˀapay ati Agaray.

ZEREMI 25:22

da buy ngi ruwuy Tirey gar, ngi Sidoŋhoy waɗ da mizli ngir matura ngi duba mubuliy gar,

ZEREMI 47:4

Asi hin ngi ngizla Filistihey ara ndilawa, hin ngi susuymo mizli milahahay le, mindilaka le ngi jina Tir ati Sidoŋ. Haˀaw, Bumbulvuŋ ara ngizla Filistiheye, mizli mulohoko tir matura ngi Kaftoroy.

EZEKIYEL 27:1

Bumbulvuŋ a ɓiy mi naŋ ani:

EZEKIYEL 27:27

Zlili ɗik, cikili ngi gwat ɗik ati gwat ngi terere ɗikeye, migi slra ɗik ngir yamay ati madiɗa taŋhaya, mizli maɗiyaka ndisl ɗikey, mizli magukuw cikili ngi gwat ngi terere ɗikey, mizli ngi vurum ɗikey gar, yo mizli mikirmiɗ kirmiɗ asi ruwuy ɗik na gar, tapas mubuliy masa nduw yik na, a sa ndilam nga wuzla mubuliye.

EZEKIYEL 28:1

Bumbulvuŋ a ɓiy mi naŋ ani:

EZEKIYEL 28:18

Malambaˀ ɗik mihaɗa, yo gi terere ɗik ti jiviɗ mijeŋŋe ta na, mbak ki hirya li huruk huruk ɗike ti naŋ. Vurˀe, i wuɗ i bul vu a hay ɗike, ɓa a zlizliruw. I tiri ti ka fucu, a mihiri ngi mizli mupur ɗikey gar.

AMOS 1:11

Bumbulvuŋ a ɓi ani: «I ra mbiɗa hirnga da mizli Edomoy, asi a gam mungra madiɗahay le haɗa, vendeke naŋ asi hana: A gidiɗaka sukum taŋ Israyeleye ti maslalam, pak paka, ko mesem neˀ a hiri tekeɗe anta. Taŋ misi mevel fõh fõh tuwa na, anta pulaka nguma vu mbak le ta, yo anta pulaka ji vu a kwacaya mbak le ta, a roko kaŋ kaŋ ara. y'anta pula ɓi ɗu ya mujuwa a mevel ɗu ngi gi na teˀ vur i taŋ si ta.

AMOS 1:6

Bumbulvuŋ a ɓi na: «I ra mbiɗa hirnga da mizli Filisti ngi Gazahaya, asi a gam mungra madiɗahay le haɗa, wãˀ naŋ asi hana: a fucaka mizli ngir walahaya taˀ gar nga Edom. Vurˀe, y'anta sa pula ɓi ɗu ya mujuwa a mevel ɗu ngi gi na teˀ mata.

ABDIYAS 1:11

Tapas kum mizliram dibiɗ ati taŋ, yo mizli mulakay majaka soje taŋhay, mizli mekelemey micam nga viŋ taŋhay, dar a gam ceregezleŋ ngi zuma zlili ngi Zeruzaleme na, naɓa kum vuna kwana, kum zleˀe kaɓa mizli mulak tayna vuna ya.

ZAKARI 9:1

Bumbulvuŋ a til mi. Mingiɓi ngi Bumbulvuŋ a ndil a Hadrak, a Damas, waɗ a kiɗ mi a diga. Asi mike na, mizli titrahaya i ngi Bumbulvuŋhoyo ya, kaɓa sukwi Israyeley gar.

Matiye 11:21

«Kum Koraziney, kay, kum ar bonoy! Kum Betsaydahay, kay, kum ar bonoy! Asi cekenehey ya miga taŋ a hay kum na, da yi ga taŋ zleˀe a Tir ati Sidoŋ na, anja mizli ngi raˀahay a kam zana ngi vagay le, a putukulom le ar fucu, ɓa a bigaka a mbiɗaka mevel taŋ le.

Matiye 11:22

Amma yi ɓukum na: tapas gi kiita na, a sa gukum di da kumo fineˀ ngi mizli ngi ruwuy Tir ati Sidoŋ.

Ɓimezle ngi Yesu Kristu LUK mitil di mi 10:13

Kay, Korazin, ka ar bonoy! Kay, Betsayda, ka ar bonoy! Asi cekenehey migam a hay kum na, da a gam zleˀe a Tir ati Sidoŋ na, anja taŋ a mbiɗaka mevele le zlezle si, zana ngi vagay ɓaˀ ɓaˀ avu vu, waɗ joˀ ar fucu.

Ɓimezle ngi Yesu Kristu LUK mitil di mi 10:14

Haˀaw, tapas gi kiita na, kiita ngi Tir ati ngi Sidoŋ a sa gi kefek fineˀ ngi kumo.