AMOS 1:3 - Bible en langue guiziga

³ Bumbulvuŋ a ɓi ani: «I ra mbiɗa hirnga da mizli Siri ngi Damasay, asi a gam mungra madiɗahay le haɗa, wãˀ naŋ asi hana: a musukuɗoko mizli Galaˀataya le musukuɗ musukuɗ ti ɓiri ngi musukuɗo li. Vurˀe, y'anta sa pula ɓi ɗu ya mujuwa a mevel ɗu ngi gi na teˀ mata.

AMOS 1:3 ပူးပေါင်းရင်းမြစ်များ

BUYOY MUDUMBUŊ NAŊ 19:17

Mizli masa laham avu kiɗ vagay vagay ti maslalam ngi Hazayel gar na, i Zehu masa kiɗa taŋ. Yo mizli masa laham avu kiɗ vagay vagay ti maslaam ngi Zehu gar na, i Elize masa kiɗa taŋ.

BUYOY MUCUW NAŊ 13:3

Buymisemuŋ a slikiɗ himaˀ ar Israyeleye. A vula taŋ asi haŋ ngi Hazayel, buy Siri, hã a zikam, waɗ a vula taŋ asi haŋ ngi Ben-Hadat, mangal ngi Hazayele.

BUYOY MUCUW NAŊ 13:7

Taŋ mupulam mizli ngi vurumoy da Zoˀakasa na, mizli misi pilisey kukur zlum, mota ngi vurumoy kuruˀu, waɗ mizli misi saray durmuk kuruˀu. Asi buy Siri a ngizla mizli mekelemeye le. A guzuvura taŋ le guzuvar guzuvar kaɓa lagwada mahil asi sar.

BUYOY MUCUW NAŊ 16:9

Buy Asiri a cine mi ngi Ahas mucufuɗaŋ tuwa le, a bi nga gi vurum ti hirwuy Damasa, a zuma le. A ja mizli ngi raˀahaya nga Kir, waɗ a kiɗa Resiŋ vagay.

BUYOY MUCUW NAŊ 8:12

Hazayel a ɓa Elize tuwa: «Ki tuwuy vur mike buy ɗu?» Elize a mbiɗaŋ di: «Ya matuwuy na, asi malambaˀhay ani, ka masa ga da Israyeley na le: Li taŋhay misi mbur a ndil angi taŋ ti tuwaˀtuwaˀ na, kisa wura taŋ ti vu. Gawla taŋhaya, kisa kiɗa taŋ ti maslalam. Ki sa njirsla ziri meciɗek taŋhaya, yo ngwas taŋhay misi ti huroyo kisa ngira taŋ.»

Ɗerewol JOP 19:3

Ki zikiy ani is kuruˀ si. Mesem a gukum ngi guzuvur ɗu ta mbrike?

Ɗerewol JOP 5:19

Gir mira lumuw is mbeˀ mbeˀ kwana, a lihuw a lihuw, ko gwat maguw neˀ anta.

MIKUCUWULOY 6:16

Gwatay ada merkeɗe, Bumbulvuŋ mahirisa taŋ, na zle taŋ tarnaˀ ti naŋ mapura kuyta wãˀa:

TILA MI 11:2

Vul zlili ɗike cah da mizli tarnaˀ malla dangafaɗa, asi mike na, masa lumuw a ruwuy aka i mendere wanaka na, ki si na ta.

EZAYI 28:27

Anja sar ngi mota ngi ru ar yam a ngruwa nizele ta, yo sar ngi mota ngi pilis a cuh baɗ ar kumeŋ ta, amma, a ɗugoko nizele ti tokom, yo a ɗugoko kumeŋ kwana, ti bonoy.

EZAYI 41:15

Ani i sa gi ti kum kaɓa ɓiri ngi siɗila guva. nawaya naŋ kine, misi sliŋ yoŋ yoŋ. Ki sa ngurfoko muwãhaya meɗmeɗe, li miɗingireye, kisa tiram taŋ kaɓa cekwesl.

EZAYI 7:16

Dumbuŋ ɓa mangal a sa si na wuna mezle avu malambaˀa na, hirwuy ka mazluwun ti buyoy mucuw ngi raˀahay tuwa, mizli ngi raˀahay a sa pulaka.

EZAYI 7:8

Asi walahay hirnga ngisi ruwuy Siri, i walahay Damas, yo Resiŋ, i buy ngi Damas tewle. A ndir vi kukur merkeɗ nga zlum, sukwi Efrayime a sa kiɗi.

EZAYI 8:4

Asi mangala, dumbuŋ ɓa a sa si na zila ‹Baha› ati ‹Maha› na, a sa soko ti zlili ngi Damas ati gwat mitiɓa ar vurum a Samari nga mbuŋ buy Asiri.»

AMOS 1:11

Bumbulvuŋ a ɓi ani: «I ra mbiɗa hirnga da mizli Edomoy, asi a gam mungra madiɗahay le haɗa, vendeke naŋ asi hana: A gidiɗaka sukum taŋ Israyeleye ti maslalam, pak paka, ko mesem neˀ a hiri tekeɗe anta. Taŋ misi mevel fõh fõh tuwa na, anta pulaka nguma vu mbak le ta, yo anta pulaka ji vu a kwacaya mbak le ta, a roko kaŋ kaŋ ara. y'anta pula ɓi ɗu ya mujuwa a mevel ɗu ngi gi na teˀ vur i taŋ si ta.

AMOS 1:13

Bumbulvuŋ a ɓi ani: «I ra mbiɗa hirnga da mizli Amoŋhoy, asi a gam mungra madiɗahay le haɗa, wãˀ naŋ asi hana: Ɓa hirwuy taŋ a sik firndiw asi ruwuy Galaˀata na, a nduzoko kwacay ngi ngwas misi ti huroyo. Vurˀe, y'anta sa pula ɓi ɗu ya mujuwa a mevel ɗu na teˀ mata.

AMOS 1:6

Bumbulvuŋ a ɓi na: «I ra mbiɗa hirnga da mizli Filisti ngi Gazahaya, asi a gam mungra madiɗahay le haɗa, wãˀ naŋ asi hana: a fucaka mizli ngir walahaya taˀ gar nga Edom. Vurˀe, y'anta sa pula ɓi ɗu ya mujuwa a mevel ɗu ngi gi na teˀ mata.

AMOS 1:9

Bumbulvuŋ a ɓi ani: «I ra mbiɗa hirnga da mizli Fenisi ngi Tirey, asi a gam mungra madiɗahay le haɗa, wãˀ naŋ asi hana: Taŋ i mizli Israyeley mupurla ngbaŋ, ko a kam slimiɗ neˀ le kaɓa i sukum taŋhaya ta. A fucaka mizli ngir walahaya taˀ gar fec fec nga Edom. Vurˀe, y'anta sa pula ɓi ɗu ya mujuwa a mevel ɗu ngi gi na teˀ mata.

AMOS 2:1

Bumbulvuŋ a ɓi ani: «I ra mbiɗa hirnga da mizli Moˀapaya, asi a gam mungra madiɗahay le haɗa, wãˀ naŋ asi hana: a zlumaka tesl ngi buy Edomo le hetetete, a tiri buɗ buɗ ka fucu. Vurˀe, y'anta sa pula ɓi ɗu ya mujuwa a mevel ɗu ngi gi na teˀ mata.

AMOS 2:4

Bumbulvuŋ a ɓi na: «Vur mizli Zudahay makir malla mufaɗ mimbiɗam hirnga na, y'anta sa pula ɓi ya mujuwa a mevel ɗu ngi gi na teˀ vur i taŋ si ta. Asi a pulaka dubun ngi Bumbulvuŋ fuk, a jaka ɓimujuwa naŋhaya ta. Asi slir taŋ miziza cine taŋhay na, a ziza taŋ le ya.

AMOS 2:6

Bumbulvuŋ a ɓi ani: «I ra mbiɗa hirnga da Israyeley, asi a gam mungra madiɗahay le haɗa, wãˀ naŋ asi hana: mbur mijeŋŋe a hiɗikam di dala le, mbur misi murga a hiɗikam di mapiya piya sar pal. Vurˀe, y'anta sa pula ɓi ɗu ya mujuwa a mevel ngi gi na teˀ mata.

ZAKARI 9:1

Bumbulvuŋ a til mi. Mingiɓi ngi Bumbulvuŋ a ndil a Hadrak, a Damas, waɗ a kiɗ mi a diga. Asi mike na, mizli titrahaya i ngi Bumbulvuŋhoyo ya, kaɓa sukwi Israyeley gar.

ZAKARI 9:2

Naŋ kine, mingiɓi a ndil le a Hamat, a Damas, waɗ a Tir ati Sidoŋ ma, li, mizli misi ti sinmijileŋ jileŋhey a diga haɗa.