AMOS 1:2 - Bible en langue guiziga

² Amos a ɓi na: «Bumbulvuŋ ara buco ti Siyoŋ kaɓa mobor, yo ˀay naŋ a cino kaˀ ti Zeruzaleme. Li zum ngi ginewey a hiryam le, yo hirnga muwã Karmel a muˀul le cay.»

AMOS 1:2 ပူးပေါင်းရင်းမြစ်များ

DIMISEY 29:4

ˀAy ngi Bumbulvuŋ a cin ti gidaŋ, Bumbulvuŋ a buc buc ngi buyoy.

DIMISEY 46:6

Buymisemuŋ naŋ da ar walahay nana, naŋ anta jijik ta. Zle li muwun le wun si na, Buymisemuŋ ara kil widi naŋ.

MIKUCUWULOY 20:2

Tuwuy ngi mobor a gi zluwun, zluwun ti buyo kanah ya. mbur maja mevel da buy na, a ca siifa naŋ le ar mendere.

EZAYI 33:9

Hirwuy ara tuwuy vagay, ara zizi. Muwã Libaŋ, a ro ti mesem, widis ngi raˀahay ara guvoˀom. Li micay ngi Saroŋ naŋ kaɓa li papala, Basaŋ ati Karmele, widisey anta mata.

EZAYI 35:2

Anja a pus giziŋ, anja a jiɗ mececẽleŋ, a ɓuruk yo a ji salalay. Buymisemuŋ a vulaŋ dudok ngi muwã Libaŋ le da naŋ, Muwã Karmel mimezle ati li micay ngi Saroŋ na, a vulaŋ di le ma. Dar mizli a sa puraka dudok ngi Bumbulvuŋ, ati mezle ngi Buymisemuŋ ndra.

EZAYI 42:13

Bumbulvuŋ ara bawa kaɓa bugawla, a gaŋ kiɗ vu kiɗ vu, kaɓa mbur ngi vurum. A hiziga widi ngi vurum fuk, a buc, dar a lum bugawla ar mesene naŋhaya.

ZEREMI 12:4

Hirwuy ara tuwuy vagay, yo giziŋ ngi ɓuh gar a ro hiikom. Na a sa kiɗ mi, hã ti vunaka? Gwat misãmi ngi ɓuhoy ara ngizlam, asi moˀore ngi mizli ngi ruwuy tayna, taŋ a ɓam na: «Gwat ndra magaka na, Buymisemuŋ anta pura ta.»

ZEREMI 14:2

«Mizli Zudahay a roko ti tuwuy ngi vagay, walahay naŋhay ara zizam, mizli curusl curusl a ruwuy, hiri hindrik hindrik, widi ngi Zeruzaleme, ara zuɓ nga muŋ.

ZEREMI 25:30

Ka na, kisa njika taŋ ɓi ya muɓuw taŋ tayna cek, kisa ɓa taŋ na: Bumbulvuŋ ara buco baɗ a muŋ, ara tilo mi baɗ ar hay naŋ mipala. Naŋ kanah, haˀaw ara buco ng'ar zlili naŋ, ara wudo widi ngi muɗuco yi ngi gudubunoy, a wudo ng'ar mizli ngisi ruwuy gar.

ZEREMI 28:8

Mijiviɗey migam slra dumbuŋ ar ndra ati ka na, a tilam mi le diga zlezle ti ɓi vur hirwuyoy mbeˀ mbeˀe, waɗ vur zumabuy madiɗahay, a tilam mi le ti ɓi ngi vurum, ɓi ngi hiryi waɗ ngi jiji mozorbono.

ZEREMI 50:19

I wuɗ i mi ti Israyele ng'ar li zum naŋ a muŋ, ɓa a sa luuma li zum naŋ a muwã Karmel ati Basaŋ, a sa zum hã a mbi pecek wãˀ, a muwã Efrayim waɗ a muwã Galaˀata.

Ɗerewol OZE 11:10

A sa ram ɓaˀa asi Bumbulvuŋ, Bumbulvuŋ matuwuy kaɓa mobor. Ziri a sa kiloko tisi pas ngi mipirike, ti jijik kirkir, asi tuwuy naŋ misi kaɓa ngi mobor tuwa.

Ɗerewol OZE 13:8

I zlukum ngi ji, kaɓa luˀuf mijaka ziri naŋhay le, i ngirukum didakaya pitikay pitikay. I sa nguwukum ngaw ngaw daˀ arleˀe kaɓa madiya mobor manguw useˀ, dar gwat ngi ɓuhoy a sa puwukum meɗ meɗ.

ZOWEL 1:19

Ya matil mi na ng'avi ka Bumbulvuŋ: vu ara zuma li jigina ginewey a ɓuh, irne vu njilim njilim, ara zuma widis ngir guvahaya cek.

ZOWEL 2:11

Bumbulvuŋ, naŋ ara ɓi ˀay kaˀ a muŋ, a mbuŋ soje naŋhaya. Soje naŋhaya taŋ haɗa teˀe: yo migi gwat, naŋ maɓa ɓi naŋ na, naŋ gidaŋ. Hin ngi Bumbulvuŋ i hin madiɗaŋ, a gi zluwun haɗi wãˀa: mbur maɓusa gu ada kwa?

AMOS 9:3

Ko da ara ɗumom ar mesengel ngi muwã Karmel kwana, i sa supo taŋ, i jo taŋ. Da ko a waka kaɓa a sumuɗom le avu ya ng'asi virzi ngi mubuliy kwana, i sa ɓakaw ɗaˀ si na, a humbuɗa taŋ a diga.

NAHUM 1:4

A mbura himaˀ da mubuliye, a hisik ngbatataŋ, a hisika yam ngi mizawaya cek. Ɓuh ngi Basaŋ ati Karmele, a vus ti vus, gwat tukuzo ngi ruwuy Libaŋhay a ɓutom.

SAMUYEL MUDUMBUŊ NAŊ 25:2

Mbur ada a Maˀoŋ, i mbur mugop haɗa teˀe. A ga slra naŋhaya gar a Karmel. Naŋ ti tumuŋhoy durmuk makir waɗ ˀaway durmuk purla. Aru nga Karmel nga sli ngwic ngi tumuŋ naŋhay.