ABDIYAS 1:5 - Bible en langue guiziga

⁵ Pura ɗi: da muhuloy a coko le ngi hay ɗike, yo da mivi vuhoy a soko le ngi hay ɗike ti duvuɗu na, a pulukuw mbak k'ada setette kwa! A huloko gwat ngi hay ɗikeye cek ta kwa? Yo da muhuva gudubunoy a ngilaka yi ngi gudubuno le na, a pulam miya naŋ ngi ngile neˀkini si takwa?

ABDIYAS 1:5 ပူးပေါင်းရင်းမြစ်များ

SAMUYEL MUCUW NAŊ 1:19

Israyel, gambara ɗikey migi vurumoyo, a kiɗaka taŋ le, bugawla ɗikey a micam le ɓaˀ ɓaˀ a muwãˀ.

EZAYI 14:12

Ka, wurzlaŋ mawucuɗu, bangay ngi wuna li, ki diɗo ti muŋ mbri mbri maka? Ka mangizla sukwi ngi mizli tuwa, a pukuw haŋ nga ruwuyo mbri mbri maka?

EZAYI 17:6

masa ndir sey i holoko, yo kaɓa mazluvam yi ngi tutumbur ti dum mijek, yi naŋ cuw malla makir mindiram ar metetengeɗe, yi naŋ mufaɗ malla zlum mindiram avu mihaŋ naŋhay. I ya Bumbulvuŋ Buymisemuŋ ngi Israyel maɓi.

EZAYI 24:13

Asi ruwuy waɗ a wuzla mizli, gwat mindire, sey ngi zluv ti zluv kaɓa yi ngi tutumbur, kaɓa magam holok ngi gudubun, a dirba ngil naŋ mikiɗ mi le.

ZEREMI 49:9

Da mingila yi ngi gudubunoy a sa soko le a hay kumo na, anta sa pulam yi naŋ doc ko purla le ta. Da muhuloy a soko le ti duvuɗ na, gwat zliv taŋ mahiryaka gu gar na, a sa hiryakaŋ.

ZEREMI 50:23

Kay! Babiloŋ, tel ngi waha hirwuy keɗeɗe tuwa, a wahaka le meɗ meɗe! Kay! Babiloŋ a tiri le daŋ daŋ a wuzla sukwi ngi mizli!

ZEREMI 6:9

Bumbulvuŋ misi gidaŋ wãˀa, a ɓi na: «Mizli Israyeley mindiram na: Anja a jaka taŋ cesl cesl, kuy kuy, kaɓa mbur misli yi ngi gudubun majo is naŋ mindiramay cesl aka cesl aka na! Anja ki mahiri ngi ka haŋ ɓaˀa ɓaˀa ar mihaŋ naŋhaya, kaɓa mbur misli yi ngi gudubun!

TUWUY 1:1

ˀEy eh! Walahay misi mizli haɗa araŋ, mbak ɗoɗok pal naŋ ka ngwas wudiga mbrike! Zleˀe na, slimiɗ naŋ a zil deŋ a wuzla sukwi ngi mizli ngbaŋ, i maˀãy a wuzla hirwuy ngi buy miwi liheye, ani wurenna i beke ngi gi slra mitakˀay so.

ABDIYAS 1:9

Ka walahay Temaŋ, soje bugawla ɗikeye, didak a sa muɗa taŋ haɗi, hã mbur gar misi a muwã Esaw na, a sa kiɗakaŋ vagay, asi kiɗa hirnga a gi le haɗi.

MISE 7:1

Kay! Yˀar bonoy! Ya kaɓa mbur, misi ar hin ngi sifi ngi gwatay, misi ar hin ngi ngila yi ngi gudubun. Amma ko gudubun ngi zum anta, ko yi naŋ micikiɗeffe, ya mawuɗ haɗa na, ko purla anta si!

SOFONI 2:15

Walahay macir hiri, muro zuy zuyo naŋ kahana so. Naŋ ara ɓi zleˀe na: «I ya si ta na, i wa aruŋ maka!» Na a sa tiri ɗoɗok, yo a sa tiri kuɓuŋ ngi gwat misãmihey mbri mbri maka? Ko wa gar macuh a cikeˀe, a curuɓ, a hira hirnga har har.

Slu cuw 24:21

Da ki ra slaka yi ngi gudubun kumoyo na, ki gaka holok naŋ ta, holok naŋ da moholoyoy, mutuhuhoy waɗ wudigahay.

ƁIMUNJUYO 18:10

A sa cicam zar kileŋ ti zluwun ngi bonoy, naŋ masa na, a sa ɓam: «Bonoy! Bonoy! Babiloŋ, walahay madiɗa, walahay migidaŋ! A gukuw kiita si na, ar pas purla si!»