ABDIYAS 1:21 - Bible en langue guiziga

²¹ Mizli milahay a sa jiɗam nga muwã Siyoŋ, ɓa a waka hirwuy Edomo. Joˀ Bumbulvuŋ a sa cifi buy taŋ.

ABDIYAS 1:21 ပူးပေါင်းရင်းမြစ်များ

ZLI VIRZI 25:23

Bumbulvuŋ a mbiɗaŋ di: «I sukwi cuw misi a kwacay ɗike, i sukwi ngi mizli wal wal cuw masa boko tivi ka. Mekeleme a sa funa numuŋ ti gidaŋ, madiɗaŋ a sa gi gawla ngi meciɗeke.»

BUYOY MUCUW NAŊ 13:5

Akẽh na, Israyeleye, Buymisemuŋ a vula taŋ mbur mucuk taŋ le tisi haŋ ngi Siriheye. Joˀ Israyeley a cifam zuy zuy muduba a hay taŋhayakaɓa dumbuŋ zleˀe.

NEHEMI 9:27

Ka so na, dar ki vula taŋ asi haŋ ngi mizli mazliram ti taŋ ta, joˀ taŋ a guzuvuraka taŋ. Ti taŋ misi angi bonoy na, a wudam ng'avu ka. Ka ki cino widi taŋ na le paɗ ti muŋ. Dar ki vula taŋ mizli mucuk taŋhay tir bonoyo ɓa a lahaka taŋ tisi haŋ ngi mizli mazliram ti taŋ tahaya. Hana gar na, asi gi mezle ɗiki.

DIMISEY 102:15

Ɗugur naŋhay mindirama, ndra gawla ɗikeye, i ra wuɗam, yo ko hohoy naŋ vuna kwana, ara ga ndrˀircece.

DIMISEY 22:28

Anja mizli ngi si ruwuy keɗeɗe gar, a wulkam keŋ angi Bumbulvuŋ, yo a moko ng'avaŋ. Anja sukwi ngi mizli gar, a a hurkom huruk huruk a mbuŋ naŋ.

DIMISEY 22:29

Zuma buy i ngi Bumbulvuŋ! A wa sukwi ngi mizli ngi si ruwuyoyo gar.

DIMISEY 47:7

Hunumaka Buymisemuŋ ti dimisi, hunumakaŋ, hunumaka buy ndra madiɗa ti dimisi, hunumakaŋ.

DIMISEY 67:4

Anja mizli a hunumukuw Buymisemuŋ! Anja mizli gar a hunumukuw jom arleˀeŋ!

EZAYI 19:20

Hana a sa tiri i gwat mabigi gwat, yo sedewo mabiga Bumbulvuŋ misi gidaŋ wãˀa naŋ da a Ezipte. Da Eziptehey a sa wudam le ng'avu Bumbulvuŋ, asi mesene taŋhay maguzuvuraka taŋ na, a sa slino taŋ milih masa jiniˀis asi taŋ, yo a laha taŋ.

EZAYI 24:23

Kiya, a sa hin hirnga, pasa, a sa gi mesem. Haˀaw, Bumbulvuŋ misi gidaŋ wãˀa, i buy a hirnga muwã Siyoŋ waɗ a Zeruzaleme, naŋ ti dudok a mbuŋ mizli micawwahaya.

DANIYEL 12:3

Mizli misi lesley a sa wucuɗam kaɓa gwatay mawucuɗam ar birngiŋ a muŋ, mizli mitiram ti zigiduw taˀ ɓa a ndram teŋteŋ na, a sa wucuɗam ngi caˀa, kaɓa wurzlaŋ ngi muŋhoy.

DANIYEL 2:35

Akẽh na, ɓiri ho gar, hohoy muzluma, ɓiri gaza ati ɓiri bara waɗ ɓiri tapasl tapasl tuwa, himiɗ a kil taŋ jom arleˀe kaɓa himiɗ ngi sifi makil ti cekwesl ngi daw a məlaŋ. Ko li naŋ a ndir ta. Ɗugur muwaha gwat miciɗa tuwa, a tiri muwã madiɗa, a naha hirwuyo wãˀ.

DANIYEL 2:44

Dambala ar vi ngi buy tayna vuna, Buymuŋ a sa bo ti zumabuy masa kiɗ ta wãˀ, yo zumabuy nah kwana anta sa ndir da mizli mekelemey ta. A sa kiɗa zumabuy mekelemeye, a waha taŋ mber mber, joˀ naŋ a sa ndir ngi wãˀ,

DANIYEL 7:14

A vulakaŋ zumabuy, dudok ati li zumabuy. Mizli ngi ruwuyoy, sukwihey ati mi miwal wal gar, ara gam gawla naŋ. Gidaŋ naŋ ngi buyo, i gidaŋ ngi caˀ, masa kiɗ mi ta. Zuma buy naŋ anta sa kiɗ ta ndiɗaˀ.

DANIYEL 7:27

Na zumabuy, gi madiɗa muwãˀ waɗ micawwa ar zumabuy naŋ gar misi asi ruwuy kurzluˀ gara, a vulaka le da mizli ngi Buymisemuŋ Mimadiɗa wãˀa. Zuma buy naŋ, i zumabuy mandir ngi sete, gidaŋ ngi zuma buyoy, a sa gam gawla naŋ, yo a sa cinakaŋ mi.»

MISE 4:7

Mizli maram kiciɗek kiciɗek vuna, i sa ga ɓa mandiram i taŋ, muroko kileŋ kileŋ na, i sa ga ɓa a tiram sukwi migidaŋ. Ya Bumbulvuŋ i sa cifi i buy taŋ a muwã Siyoŋ, zle wurenna hã ngi sete.

ZAKARI 14:9

Dar Bumbulvuŋ a sa biga vu naŋ i buy madiɗa ngi si ruwuy gar. Tapasa, Bumbulvuŋ a sa ndir i naŋ tewle, yo slimiɗ inga naŋ tewle.

Matiye 6:10

Anja ki so zum buy a wuzla mizli. Anja gwat ka mawuɗo, a gi a ruwuy kaɓa naŋ magi a muŋ.

Matiye 6:13

Ki pula ndra i cam ar li ngi tikin ta, amma laha ndra tisi haŋ ngi Satana. [Asi Zumabuy, gidaŋ ati dudok i ngi ɗik hã ngi sete. Amin.» ]

Ɓimezle ngi Yesu Kristu LUK mitil di mi 22:30

Naŋ kine, kisa zumam gwat, kisa sam gwat ar Zumabuy ɗu, yo kisa cifam ar janga ngi buyoy ɓa ngi ga kiita da sukwi ngi Israyeley mitaˀ taˀ kuruˀ nga cuw na.»

TIMOTE MUDUMBUŊ NAŊ 4:16

Ji lesl vur hirnga ɗike, yo vur gwat ka madubuna da mizli, cici zlak anga. Da kanah na, naɓa kisa laha hirnga ɗik vuna, waɗ mizli macinaka mingiɓi ɗike gar gisiŋ.

Ɗerewol ZAK 5:20

sinaka sin le, mbur mamo ti mbur magi mungra baɗ tir jiviɗ naŋ malambaˀ na, a sa laha hutuŋ ngi mbur magi mungra nah, yo Buymisemuŋ a sa puyaŋ mungra naŋhay mihaɗa na avra.

ƁIMUNJUYO 11:15

Modro mitarnaˀ taŋ, a fa tulum naŋ. ˀAy ka ngi mizli a cin ti gidaŋ a muŋ, a ɓam: «Wurenna, zumabuy ngi ruwuyo i ngi Bumbulvuŋ ndra ati Mesi naŋ muduba, yo zumabuy nah a sa ndir hã ngi sete.»

ƁIMUNJUYO 19:6

Yo i cin ˀay kaɓa ngi zigiduw haɗi wuwwo, kaɓa hurum ngi yam ngir mubuliy, kaɓa vuŋ mandisl ti gidaŋ haɗi, a ɓam: «Haleluya! Bumbulvuŋ, Buymisemuŋ ndra, misi gidaŋ wãˀa, a biga zumabuy naŋ le.

ƁIMUNJUYO 20:4

Waɗ i pur janga ngi buyoy. Mizli masoko ngi cifi angi taŋ na, a vulaka taŋ jiviɗ ɓa a gam kiita. Waɗ ma na, i pur musuɗuk ngi mizli mikiɗaka taŋ zleˀe asi taŋ migam sedewo ngi Yesu ati ngi mingiɓi ngi Buymisemuŋ, waɗ musuɗuk ngi mizli midilkam a mbuŋ gwat misããmi ta, malla ko a mbuŋ foto naŋ ta, mulumam lammba a midibiɗ taŋ ta, malla ko avu haŋ taŋ ta. A moko ti siifa taŋ a muŋ, a zumam buy ati Kristu hã vi durmuk.

MIGI KIITAHAY 2:16

Akẽh na, Bumbulvuŋ a slino taŋ migi kiitahay, dar migi kiitahay a lahaka taŋ tisi haŋ ngi mivivuhoyo.

MIGI KIITAHAY 3:9

Israyeley a wudam ng'avu Bumbulvuŋ. Bumbulvuŋ a slino taŋ Otniyel mangal ngi Kenas, mijingaˀ ngi Kalep, ɓa a laha taŋ.