ABDIYAS 1:19 - Bible en langue guiziga

¹⁹ Mizli Zudahay mikini tir vay ruwuyo a sa pam a muwã Edom. Misi ngir li vay zugudumoyo ar hirwuy ngi Filistihey. Yo a sa pam a Samari, li ngi dideˀ ngi Efrayimey. Yo dideˀ ngi Benjameŋheye, a sa pam a Galaˀat.

ABDIYAS 1:19 ပူးပေါင်းရင်းမြစ်များ

BUYOY MUCUW NAŊ 17:24

Buy Asiri a so ti mizli Babiloŋhoy, mizli Kutahay, Awahay ati mizli Hamatay waɗ Sefarvayimey. A vula taŋ li, a pam ar walahay Samariheye ar li ngi Israyeleye a pam, a cifam ar walahay ngi ruwuy Samariheye.

ƁI NGI HIN GAR MUDUMBUŊ NAŊ 5:26

Dar Buymisemuŋ ngi Israyele, a slikiɗa mevel da buy Asirihey, Pul ati Tegal-Falazar, ɓa a cam, a jaka mizli Rubeney, Gatay waɗ reta ngi sukwi ngi Manase tuwa, nga hirwuy Hala, Habor, Hara waɗ nga ciki mizaw Gozaŋ, t'ada a diga hã dana aruŋ.

ESDRAS 4:17

Buy Artakzerses a mbiɗa taŋ di ani: «Ɗerewol hana da Rehum, buy miwi li ati Simesay, mbur mutoho gwat, waɗ da cil kum mekelemey mipam a Samari waɗ tir li mindir tisi pas ngi pastaˀ ngi mizaw Efrata, jam jam kum.

ESDRAS 4:2

a ram ng'avu Zorobabel waɗ ng'avu buy ngi hay ngi wuzla mizli, a ɓaka taŋ: «I wuɗam i jumom ati kum ngi ndira haya. Asi mike na, diga avu Asarhadoŋ, buy Siri, muhulo ndra ng'aka na, ndr'ada sipaka Buymisemuŋ kumo na ya, yo ndr'ada gakaŋ mikuli.»

DIMISEY 69:35

Muŋ ati hirwuy waɗ mubuliy ati gwatay mawusamwenewene anga gar na, hunumaka Buymisemuŋ.

ZEREMI 32:44

A sa wam dala ti kilo ngi hiɗika guva, a sa tohom ɗerewol ngi cikili ngi guva, a sa ɗuvam haŋ taˀ taˀ angi ɗerewol a mbuŋ sedewohoy miziloko taŋ le. Hana gar na, a sa gi asi hirwuy Benjameŋ, ar prok ngi Zeruzalemey, angi walahay Zudahay, hirwuy ngi muwãhay, hirwuy vay mukutukoy ati hirwuy vay ruwuyoy, asi i wuɗ i mo taŋ nga ruwuy taŋ a muŋ I ya Bumbulvuŋ maɓi.»

ZEREMI 49:1

Bumbulvuŋ a ɓi vur Amoŋhoyo na: Israyele naŋ anta ti ziri mizileheye mata kwa? Mbur ngi zuma hay naŋ anta kwa? Na i kuli Milkom mazuma hirwuy Gata vur mike? Yo i mizli naŋhay macifam ar walahay naŋhaya vur mike?

EZEKIYEL 25:16

Vurˀe, Ya Bumbulvuŋ, Buymisemuŋ i ɓi na: Y'ani i ra biga gidaŋ ɗu avu Filistiheye. I ra ngica mizli Kaftoroy avra, yo mizli mindiram ngi ciki mubuliye, i sa kiɗa hilfa taŋ kap avra.

EZEKIYEL 36:28

Hirwuy, ya muvula da dideˀ kumoy na, kisa cifam anga. Ki sa ndiram kum i mizli ɗuwoy, ya i sa ndir yi Buymisemuŋ kum.

AMOS 1:13

Bumbulvuŋ a ɓi ani: «I ra mbiɗa hirnga da mizli Amoŋhoy, asi a gam mungra madiɗahay le haɗa, wãˀ naŋ asi hana: Ɓa hirwuy taŋ a sik firndiw asi ruwuy Galaˀata na, a nduzoko kwacay ngi ngwas misi ti huroyo. Vurˀe, y'anta sa pula ɓi ɗu ya mujuwa a mevel ɗu na teˀ mata.

AMOS 1:8

I sa susuyumo buy ngi Asdoto, waɗ buy mikaw ti ganday ngi buyoy a Askaloŋ. I sa ma mevele hirik ng'ar Ekroŋ, dar Filistihey mindiram ti siifa, a sa zizam. I ya Bumbulvuŋ Buymisemuŋ maɓi.»

AMOS 9:12

Akẽh na, hirwuy Edom mindir waɗ ngi sukwi mekelemey gar, misi slimiɗ ɗu mazil ar taŋ gar na, dar Israyeley a sa tiɓaka da taŋ. I ya Bumbulvuŋ maɓi, i ga cummo.»

MISE 7:14

Jigina mizli ɗikeye ti ganday ɗike. I ginew ɗik mitaˀ gezleŋ, mi ngi ɗiki, taŋ misek pal taŋ asi widis mingiriɗi, a wuzla widis mayamay. Anja a zumam ar pala ngi Basaŋ waɗ ngi Galaˀata kaɓa ti hin misi zleˀe.

SLUFA VU 1:32

Sukwi ngi Efrayim, mangal ngi Zozefe: a tohoko mizli purla purla gar, mizli mindilaka le vi kukur cuw, malla mufunaka le gar, yo magam slra ngi soje gu na, a tohoko slimiɗ taŋ ngir tizer taŋ vur muy vur muy, yo vur wazlaray vur wazlaraya:

ZOZUWE 13:25

Hirwuy taŋ mulumam nga taŋ i Yazer, walahay ngisi ruwuy Galaˀatay gar, waɗ reta ngi hirwuy Amoŋhey, hã sesẽŋ a Aroˀer, migweˀ avu Raba.

ZOZUWE 13:31

Reta ngi hirwuy Galaˀata, walahayay ngi ruwuy Asetarot ati ngi Edreyi, walahayay ngisi ruwuy Basaŋ, buy Ok mazum buy angi taŋ angi taŋ gar. Hirwuy tayna gar na, i ngi reta ngi dideˀ ngi Makirey muvulaka taŋ di vur muyo vur muyo, Makir mangal ngi Manase.

ZOZUWE 15:21

Dideˀ ngi Zudahaya, walahay taŋhay mikileŋ kileŋ wãˀ, kini tir maakway ngi hirwuy Edomo, tir vay ruwuy naŋ na, t'ani: Kapseyel, Eder, Yagur,

ZOZUWE 15:33

Walahay ngir zugudumo: i Esetaˀol, Sora, Asena,