ABDIYAS 1:17 - Bible en langue guiziga

¹⁷ Amma mizli mindiram ti siifahay, a sa ɗumom a muwã Siyoŋ, Siyoŋ a sa tiri pal a muŋ. Mizli ngi Zakopoy a sa tiɓaka li taŋ a muŋ avu mizli mitiɓaka avu taŋ zleˀe na.

ABDIYAS 1:17 ပူးပေါင်းရင်းမြစ်များ

DIMISEY 69:35

Muŋ ati hirwuy waɗ mubuliy ati gwatay mawusamwenewene anga gar na, hunumaka Buymisemuŋ.

EZAYI 1:27

Walahay Siyoŋ a sa lih asi naŋ magi gwat mijeŋŋe, yo mizli ngi raˀahay mimbiɗam mevel na, a sa laham asi taŋ magaka gwata kasl kasla.

EZAYI 4:2

Ti hin nah, Bumbulvuŋ a sa vul ɗongor ati dudok da mizli, yo hirwuy a sa ga ɓa mizli Israyeley mindiram ti siifa na, hiri cira taŋ, yo a zilam slimiɗe.

EZAYI 46:13

Gi jeŋŋe ɗu, naŋ gweˀe, naŋ anta kileŋ ta, ɓi ngi ya malih vu na, naŋ anta mur mata. I sa vulo ɓi ngi laha vu da mizli Siyoŋhoyo, i sa ga ɓa Israyeley a lumam dudok ɗu.

EZAYI 60:21

Naŋ kanah, mizli ɗikey gar taŋ, a sa tiram mizli mijeŋŋehey, taŋ a sa zumaka hirwuyo da taŋ ngi wãˀ, kaɓa mazumam hay. Taŋ na, i ya miga taŋ hĩˀĩ ti haŋ ɗu, ɓa ngi biga dudok ɗu, a sa ndiram kaɓa widisey ar jarne.

EZAYI 65:9

I sa vula dideˀ da sukwi ngi Zakopo, yo i sa vul da sukwi ngi Zuda, i mbur masa zuma hirwuy muwã ɗuwoyo, mizli ya muwuna taŋ na, i mizli masa zumaka ruwuy muwã tayna, gawla ɗuwoy a sa ndiram angi taŋ.

ZEREMI 31:23

Bumbulvuŋ misi gidaŋ wãˀ, Buymisemuŋ ngi Israyele, a ɓi na: «Ti ya misa ɗiya Israyele le hiri naŋ muŋ na, a sa ɓaka ɓi ani angi hirwuy Zuda waɗ angi walahay naŋhaya: Ka li migi kiita mijeŋŋe, muwã mipal, anja Bumbulvuŋ a ɗuwuluw mi!»

ZEREMI 44:14

Is ngi mizli Zudahay mindiram, yo mikilam nga ɗum a Ezipte na, asi taŋ, ko mbur masa lih malla masa ndir ti siifa loŋ le anta. Hirwuy Zuda, taŋ muroko ti may ngi mi ng'a cifi a diga na, ko mbur masa mi loŋ anta, t'anta sa mam mata, sey mizli njireˀ kini milaham le.»

ZEREMI 44:28

I mizli njiraˀ kini masa laham avu kiɗ ti maslalam, masa mam baɗ ti Ezipte nga hirwuy Zuda a muŋ. Dar mizli Yudehey gar mindiram ti siifa, musoko nga ɗum a Ezipte na, a sa sinaka, migi kaslsla na, i mingiɓi ɗu kwa malla inga taŋ kwana!

ZEREMI 46:28

Ka gawla ɗu Zakopo, ki zluwun ta, asi y'ada ati ka. mizli, ya muzliɗukum hirnga ngi hay taŋ na, i ra ngizla taŋ kuɗup. Amma kumo, y'anta sa ngizlukum ta. I guw kiita da ka ar kaslsla naŋ, ɓa i puluw teˀ, kaɓa ki gi gwat ta na, a gi ta ɓula!» I ya Bumbulvuŋ maɓi.

EZEKIYEL 36:12

I sa ga ɓa Israyel mizli ɗuwoy a laˀam ar ka, joˀ kisa ndir da taŋ. Ki sa ndir ki gwat taŋ, yo k'anta sa pulaŋ ɗoɗok manja zuŋ mata.

EZEKIYEL 7:16

Mizli mulakay a sa kilam nga muwãhay, taŋ gar kaɓa gonokoy matuwam ar sozo, mbur gar na asi mungra nga naŋ nga naŋ.

DANIYEL 7:18

Amma mizli ngi Bumbulvuŋ Buymisemuŋ Mimadiɗa wãˀ, a sa lumaka zuma buyo, a sa ndir inga taŋ ngi wãˀ ngi sete.»

ZOWEL 3:5

Akẽh na, ko waka gar mizila slimiɗ ngi Bumbulvuŋ le na, a sa lihi. Asi mike na, mizli ada masa ndiram ti siifa a muwã Siyoŋ waɗ a Zeruzaleme, kaɓa Bumbulvuŋ miɓa zleˀe, i mizli naŋ Bumbulvuŋ masa zila taŋ.

AMOS 9:8

Ani Bumbulvuŋ, Buymisemuŋ ɗu, a ro hiri taˀ ar zumabuy ngi Israyel muzluɓ ɓi. A ɓi: I wuɗ i ngizlakap wãˀ asi ruwuyo. Amma, y'anta ngizla hay ngi Zakopo kap wãˀ ta ɓula. I ya Bumbulvuŋ maɓi.

ZAKARI 8:12

Asi mike na, i sa vulo zuy asi ruwuyo, gudubun a sa yi, hirwuy a sa gi gwata, muŋ a sa pulo yama jor jor haɗa, i sa vula nah gar da mizli mindiramay na, ɓa a ndir da taŋ.

ZAKARI 8:3

Ya Bumbulvuŋ i ɓi ani: I ra mawa ng'avi Siyoŋ, ɓa i cifi a Zeruzaleme. A sa zilaka Zeruzaleme «Walahay-miteŋteŋ», yo a sa zilaka muwã ngi Bumbulvuŋ misi gidaŋ wãˀa ma na, «Muwã Mipal».

ƁIMUNJUYO 21:27

Gwat misi dili anta sa ci angi walahay nah ta wãˀ. Ko mbur magi gwat ngi hirya li, magi slir gar na, anta sa ci anga ta. Masa cama, sey i mizli misi slimiɗ taŋ i mutoho le angi ɗerewol ngi siifa, ɗerewol ngi tumuŋ tuwa.