ABDIYAS 1:12 - Bible en langue guiziga

¹² Edomoy, hin ngi bonoy ngi sukum kumoy na, anja ki hĩyãka ta. Hin ngi bonoy ngi Zudahay mangizlam na, ki mumulom di ta. Ar hin ngi tuwuyo ki singiram ar taŋ ta.

ABDIYAS 1:12 ပူးပေါင်းရင်းမြစ်များ

Ɗerewol JOP 18:20

Gwat masa gi ava na, hã a sa zuma hirnga da mizli ngi si pas ngi pastaˀhaya, a sa ga mizli misi tisi pas ngi miprikeye kuyta wãˀ.

Ɗerewol JOP 31:29

Mesene ɗu, da ɓi mulumaŋ le na, i mumul le ɗaˀ aseˀe kwa? I jiɗ mececẽleŋ le ɗaˀ asi hiryi mulumaŋ le kwa?

DIMISEY 22:17

Mizli malambaˀhay ara gunikiy, mizli misi moˀore ka kiri tayna, anta pulikiy li feŋ ta, a slinikiy haŋ ati saraya le njoŋ njoŋ.

DIMISEY 31:18

Bumbulvuŋ ɗu, ya muziluw na, ki puliy mesem mesem ta! Amma anja misi moˀoreheye, a ndiram mesem mesem ɓula, yo a ndiram siriw ka mumucahay.

DIMISEY 35:15

Da sar a biy le na, a cikilam, a singiram ar ya: misi blehey a jumom angi ya, vur mike na, yi si na ta, anta taˀaka widi teˀ le ta.

DIMISEY 37:13

Amma Bumbulvuŋ ara singir angi mbur maziriɗaŋ mi, asi Bumbulvuŋ ara pura, hin ngi pula cuwal naŋ ara ndilawa.

DIMISEY 54:7

Anja mendere a mbiɗi nga hirnga mizli macikiɗikiy na! Buymisemuŋ ɗu, ngizla taŋ kuɗup ti gi teŋteŋ ɗike.

DIMISEY 59:10

I ro hiri taˀ avu ka, ki gidaŋ ɗu. Li ɗu muguno ti mohol, i ka Buymisemuŋ.

DIMISEY 92:11

Ki vuliy gidaŋ ngi mbana le, ki piy urdi le ng'avu vu.

MIKUCUWULOY 17:5

Mbur masingir ar mbur misi viya na, a zi di i Migi naŋ, mbur mamumul ti ɓi ngi hiryi na, anta sa lih avu kuti ti bonoyo ta.

EZAYI 37:24

Ki ɓa mislin ɗikeye, ɓa a zikiy ya Bumbulvuŋ, joˀ ki ɓi na: Ya ti mota ngi vurumoy mbeˀmbeˀe, ya hã a hirnga muwã, a wuzlaɓuh misindik ngi Libaŋ, ɓa ngi nguma dum mimezle ngi miter naŋhay, ati dum ngi migidaŋ mimezle musubur naŋhaya, yo ya sesẽŋ ar naŋ mikiɗ mi ndok wãˀ, sesẽŋ ar widis naŋ mingiriɗ wãˀ na.

TUWUY 2:16

Mesene ɗikey gar, a ɓam ɓi ngi jigina mi avu ka. A fuyukom deŋ, a ngirɗam sliŋ, a ɓam: «I ndakaŋ le suɗuk. Yawwa! Hana i hin ndra makutukoko tuwa so: I nduloko le anga, i ra puraka.»

TUWUY 4:21

Kum mizli Edomoy, kum mujoasi ruwuy Us na, mumulom, zluzluɓam! A sa vulukukum mbaazla, kisam aya, kisa wam duwlak duwlak, jo kisa ndiram gulndiŋ gulndiŋ kine!

EZEKIYEL 35:12

Dar kisa sina, yi Bumbulvuŋ. Ka miza muwã Israyeley na, yi cine le gar, ki ɓi: ‹A tiram wuzlaɓuhoy le kirɗak kirɗak! A vulaka ndra taŋ le ngi li zum ngi ginew ndrahay!›

EZEKIYEL 35:15

Ti ka mupura hirwuy Israyel ngi mizli ɗuwoy, mitiri diŋ na, ki mumul le vurˀe, na i sa tiri ti ka diŋ kanah ya. Muwã Edom a sa tiri wuzlaɓuh mikirɗak kirɗak, hirwuy Edom keɗeɗe. Dar mizli a sa sinaka, yi Bumbulvuŋ.»

EZEKIYEL 36:5

Ya Bumbulvuŋ, Buymisemuŋ i ɓi na: Hadam, ya maɓi ti mevel vik vik ka vu ar sukwi mekelemey gar waɗ ar Edom keɗeɗe na, vur a tiɓaka hirwuy ɗu le da taŋ. Asi taŋ mitiɓaka gwat ngir li zum ti ginew ngi si ruwuy ɗu na, a mumulom le haɗa vurˀe, yo taŋ ti hiris hã ar membezleŋ ngi vu taŋ.

MISE 4:11

Ani wurenna, sukwi ngi mizli haɗa a kusom le ar ka, A ɓam: «Anja ki hiryi, yo Zeruzalem diŋ na, anja i singilakaŋ.»

Ɓimezle ngi Yesu Kristu LUK mitil di mi 19:41

Yo ti Yesu mindil gweˀ avu Zeruzaleme, naŋ mupura keɗ na, a tuwaŋ.

Ɗerewol ZAK 3:5

Naŋ kanah ya, irne i gwat meciɗek ngi vu dumvu ngi mburo, amma a huhumo vu naŋ ti ɓi ɓi ngi gi gwat madiɗahay haɗi. Puraka ɗi: Vu ndiveɗ kini na, a wura ɓuh sikinih gar.

PIYER MUCUW NAŊ 2:18

A ɓam ɓi ngi huhumvu, mingiɓi migilaw gilaw. Mizli mulohoko wureˀ aruŋ, ti wuzla mizli misi ar malambaˀ na ma na, a wuɗam ji taŋ ti may gwat ngi dumvu taŋ magi mesem na.

ZUDE 1:16

Mizli tayna, t'anta cinam ndum ta ndrehhe, ara mbulom mi. Taŋ vur may gwat ngi vu taŋ tew si. A ɓam ɓi ngi huhumvu taŋ. Mizli zliv li lum ada avu taŋ na, a puram mupuɗaw i taŋ.

ƁIMUNJUYO 13:5

A pulaka jiviɗ da gwat misããmi ɓa a bo ti ɓi ngi huhumvu, waɗ ɓi ngi zi Buymisemuŋ. A vulakaŋ gidaŋ ngi ga slra naŋ, hã kiya kukur mufaɗ nga cuw.

SAMUYEL MUDUMBUŊ NAŊ 2:3

Ɓi mi kum mukoloŋ koloŋ ngi huhumo vu kum na, ki maka hiri naŋ ava mata. Anja mi ngi sliŋ a bo ti balam kumo ta: asi Buymisemuŋ i Bumbulvuŋ misina gwataya le gar, gwat ngi gi ngi mizli gar na, ma sla ɓi nah i naŋ.