ABDIYAS 1:10 - Bible en langue guiziga

¹⁰ Kum masa pam mesem, yo taŋ masa ngizlukum pay wãˀ na, asi moˀore kum migaka da sukum kum, dideˀ ngi Zakopoy na.

ABDIYAS 1:10 ပူးပေါင်းရင်းမြစ်များ

ZLI VIRZI 27:11

Zakop a mbiɗa da mumuŋ naŋ Rebeka: «Sukum ɗu Esawa, vu naŋ gar i ngwici, amma ya, y'anta ti naŋ ta.

ZLI VIRZI 27:41

Esaw a gi mesene ti Zakopo, vur ɗuwula mi naŋ muluma avu cine naŋ na. A ɓi ti kwacay naŋ: «Baha a wuɗo muc gweˀe, tapasa, i sa kiɗa sukum ɗu Zakopo vagay.»

ƁI NGI HINEY MUCUW NAŊ 28:17

Edomoy a soko ma nga kiɗa vu ati Zudahay, yo a jam mizli ng'ar beke ma.

DIMISEY 109:29

Mizli makupikiy ɓi na, anja busukum ngi vi dangwal taŋ a diɗi, yo anja mesem a sirta taŋ sirit wãˀ kaɓa godo.

DIMISEY 132:18

I sa sirta mesene naŋhaya sirit ti mesem, amma naŋ, loppol ngi hirnga naŋ a sa wucuɗ deŋ.»

DIMISEY 137:7

Bumbulvuŋ, wuluk ar mingiɓi ngi Edomoy miɓaka tapas mitikaka Zeruzalem na, a ɓam: «Wahaka hay ngir walahay madiɗa, wahaka jom ti moholo ngirnin wãˀ!»

DIMISEY 69:7

Bumbulvuŋ, Buymisemuŋ, misi gidaŋ wãˀ, mizli manjaham hiri asi ka na, anja i pa taŋ mesem ta. Buymisemuŋ ngi Israyel, mizli miteŋteŋ ɗikeye, anja i so taŋ ti futuru ta!

DIMISEY 89:45

Dudok naŋ misi ti naŋ na, ki zizaŋ di le avra, ki putukusoŋ janga naŋ ngi buyo le a ruwuy.

MIKUCUWULOY 10:6

Ɗuwula mi a ndir a hirnga mbur mijeŋŋe, amma mbur misi moˀore, a ɗumo moˀore ɗum ar mingiɓi naŋ.

MIKUCUWULOY 17:5

Mbur masingir ar mbur misi viya na, a zi di i Migi naŋ, mbur mamumul ti ɓi ngi hiryi na, anta sa lih avu kuti ti bonoyo ta.

ZEREMI 12:14

Bumbulvuŋ a ɓi na: «Midigwi ɗu misi moˀorehey, majaka haŋ avu zlili ɗu, ya muvula da Israyel, mizli ɗuwoy na, i sa ɓula taŋ tisi ruwuy taŋ, yo i sa tuɓo mizli ngi Zudahay misi a wuzla taŋ na ma.

ZEREMI 3:25

Hunukum tup ar mesem ndra, anja mi ndra a ruwuy na, a sirta ndra ngbulum wãˀ! Haˀaw i zluɓam ɓi le avu Bumbulvuŋ Buymisemuŋ ndra gisiŋ, ndra ati cine ndraˀahaya, zle ti ndra misi ti zuŋ, hã dana, i cinaka mi da Bumbulvuŋ, Buymisemuŋ ndr

ZEREMI 49:13

Haˀ aw, hadam ti slimiɗ ɗu vuna a muŋ, walahay Bosra a sa ndir daŋ daŋ, diŋ hilgim, joˀ mizli a sa zam vu ti naŋ, yo a nisam vu ti naŋ. Prok naŋhay gar, a sa ndiram i diŋhey hilgim hilgim ngi set. I ya Bumbulvuŋ maɓi

ZEREMI 51:51

Ndra macinaka mizli mazam ndra na, anta ga ndra kuy ta, mesem ara kiɗa ndra: asi mizli mulakay a cam le ng'ar li mipal misi ar hay ngi Bumbulvuŋ na.

TUWUY 4:21

Kum mizli Edomoy, kum mujoasi ruwuy Us na, mumulom, zluzluɓam! A sa vulukukum mbaazla, kisam aya, kisa wam duwlak duwlak, jo kisa ndiram gulndiŋ gulndiŋ kine!

TUWUY 4:22

Kum mizli Siyoŋhoy, bonoy kum vur gi moˀore kum na, a kiɗ mi le muduba, Buymisemuŋ anta sa jukum nga ruwuy mulaka mata. Amma kum mizli Edomoyo, Buymisemuŋ a sa kutukum vur moˀore kumo: a sa njika mungra kumoyo ngbay ar li babaraŋ.

EZEKIYEL 35:9

I sa tiri ti ka wuzlaɓuh mikirɗak kirɗak, hã ngi sete, yo mizli anta sa cifam ar walahay ɗikeye mata. Dar kisa sina, yi Bumbulvuŋ.

EZEKIYEL 7:18

A sakam buhu ar deɗe ngi zana, zluwun a sa jijika taŋ ngbaˀ ngbaˀ. Mesem a sa kiɗa taŋ gar ɓaˀɓaˀ, a sa hijaka hirngahaya kuleɗ kuleɗe.

AMOS 1:11

Bumbulvuŋ a ɓi ani: «I ra mbiɗa hirnga da mizli Edomoy, asi a gam mungra madiɗahay le haɗa, vendeke naŋ asi hana: A gidiɗaka sukum taŋ Israyeleye ti maslalam, pak paka, ko mesem neˀ a hiri tekeɗe anta. Taŋ misi mevel fõh fõh tuwa na, anta pulaka nguma vu mbak le ta, yo anta pulaka ji vu a kwacaya mbak le ta, a roko kaŋ kaŋ ara. y'anta pula ɓi ɗu ya mujuwa a mevel ɗu ngi gi na teˀ vur i taŋ si ta.

MISE 7:10

Mesene ndrahay a sa puraka keɗ keɗ na, mesem a sirta taŋ ngbulum. Taŋ a ɓam ndra zleˀe na: «Bumbulvuŋ, Buymisemuŋ kumo, naŋ maka?» A sa kirpaka taŋ asi sar, kaɓa ndileɓ a jiviɗi, joˀ ndr'i sa puraka taŋ cum cum.

Slu cuw 23:7

Ar hin ngi siifa kum gar na, vur sukwi ngi mizli mucuw tayna, gwat ngi lum taŋ malla taŋ misi ar wuya na, ko ki kam slimiɗ ar taŋ ta.

Slu cuw 23:8

Ki puraka Edomoyo ka mizli malambaˀ muwãˀhay ta, asi i sukum kumoy. Ki puraka Ezipteheye ka mizli malambaˀ muwãˀhay ta, asi ki gam moholoy le ɗaˀ asi ruwuy taŋ.