ƁI NGI HIN GAR MUDUMBUŊ NAŊ 9:1 - Bible en langue guiziga

¹ A slufaka Israyeleye le gar, vur hay vur hay, a tohoko taŋ ar ɗerewol ngi toho slimiɗ ngi buy ngi Israyeley. A jaka mizli Zudahay nga Babiloŋ, asi taŋ miteŋteŋ avu Buymisemuŋ ta.

ƁI NGI HIN GAR MUDUMBUŊ NAŊ 9:1 ပူးပေါင်းရင်းမြစ်များ

BUYOY MUDUMBUŊ NAŊ 14:19

Mindir is ngi slra ngi Zeroboˀamaya i mutoho taŋ le angi ɗerewol mazilaka «Ɓi ngi buy Israyeley.» Ɗerewol nah na, a sluf ɓi ngi vurumoy naŋ miga taŋ, yo ɓi ngi naŋ muzum buy.

BUYOY MUCUW NAŊ 24:14

Mizli Zeruzalemey ati mizli madiɗahay gar, mizli gambarahay gar, mizli misina ɗiya gwatay ati gudihey gar, jom gar na, a gam gwat ngi mizli durmuk kuruˀu. Nabukodonozor a ja taŋ ng'a ruwuy naŋ. Sey mindiram i mizli misi murga ngi si ruwuyoy tewle.

BUYOY MUCUW NAŊ 24:15

Nabukodonozor a ja Zoˀakiŋ, nga Babiloŋ, yo mumuŋ ngi buy ati ngwas naŋhay, mizli ngi si mevelehay gar waɗ mizli madiɗa ngi si ruwuy naŋhay gar na, a ja taŋ baɗ ti Zeruzaleme nga Babiloŋ.

BUYOY MUCUW NAŊ 24:16

Migi vurumoy gwat ngi durmuk tarnaˀ ati mikiɗa hayay waɗ muvuɗa gwataya, gwat ngi durmuk pal, mizli mindilaka le ngi gi vurum gar na, a ja taŋ nga Babiloŋ.

ƁI NGI HIN GAR MUDUMBUŊ NAŊ 8:40

Ziri mizile ngi Ulamay, i mizli miwirwir migi vurumoy, misinaka wi luvuto le. A yam ziri mizilehey ati dideˀ mizilehey le haɗi, taŋ jom gar mizli skat ti kukur zlum. Mizli mizilaka slimiɗ taŋhaya tayna gar na, i dideˀ ngi Benjameŋhey.

ƁI NGI HINEY MUCUW NAŊ 33:11

Bumbulvuŋ a ga, joˀ soje ngi buy Asirihey a soko nga kiɗa vu ati taŋ: a jaka Manase, a cakaŋ kunayeley a balama, a juwakaŋ ti celelu ngi ɓiri gaza, vah vah hiri cuw, a ram di nga Babiloŋ.

ESDRAS 2:1

Nabukodonozor, buy madiɗa ngi Babiloŋ, mizli, naŋ mija taŋ zleˀe nga Babiloŋ na, mizli asi taŋ mumoko nga Zeruzalem waɗ nga Zuda, mbur gar aru ng'ar walahay nga naŋ nga naŋ na, t'ani.

ESDRAS 2:59

Mizli mumoko ti Tel-Mela, Tel-Harsa, ti Kerup, ti Adaŋ waɗ ti Imer na, muy taŋhay ati dideˀ taŋ mizileheye, i Israyeley kwa mbrike na, taŋ a sinaka gu ta.

NEHEMI 11:1

Buy ngi mizli, a cifam ti hay taŋhaya a Zeruzalem. Mizli mindiramaya, a wuzla mizli kuruˀ na, a gam ceregezleŋ ngi wini mbur purla, ɓa naŋ ara cifi a Zeruzalem, walahay mipal. Amma mungoltir mekelemeye, a cifam ko ar walahay wanaka zuy.

NEHEMI 7:5

Akẽh na, Buymisemuŋ ɗu a ciy wuluk keŋ a hirnga ɓa i kuso mizli madiɗa ngi buyoy ati buyoyo waɗ mizli mekelemey gar, ɓa ngi toho slimiɗ ngi mizli gar. I luuma ɗerewol mutohoko slimiɗ ngi mizli dumbuŋ zleˀe mumoko tir li mihilaka taŋ nga diga na. Yo ar ɗerewol nah na, a tohoko mingiɓi ani:

NEHEMI 7:64

Mizli tayna a sipaka ɗerewol ngi slimiɗ ngi dideˀ taŋhaya gar gar, ko a lumaka ta. Dar mizli a njikaka taŋ di kpah ar li babara, a ɓaka taŋ: taŋ i mizli misi dilihey, mubahay le avra tir slra ngi mikuli.

EZAYI 3:2

Mizli migidaŋhay ati mizli ngi vurumoy, migi kiitahay ati mijiviɗey, mipi daˀasay ati mizli micawwahay,

ZEREMI 13:19

Walahay misi tir vay ruwuyoyo, i migicahay le, ko mbur loŋ maso ngi wun taŋ naŋ anta mata wãˀ. A jaka Zudahaya le cek nga hirwuy mulak, a jaka mizli le gar.»

ZEREMI 39:9

Nebuzaradaŋ, buy ngi mijigina hayaya, a ja mizli misi zlilihey mindiram a Zeruzaleme ati mizli mizizam hirnga, mira lumakaŋ, na zle misi zlilihey mindiram na gar si.

DANIYEL 1:2

Bumbulvuŋ a vula Zoˀakiŋ asi haŋ ngi Nabukodonozor. Joˀ Nabukodonozor a hil cah avu gazlanga ngir hay ngi Buymisemuŋ. A ji mizli ng'ar dangay ngi Babiloŋ, yo a pa gwat mitiɓa ar vurumo ng'ar hay ngi kuli naŋhay, ar hay ngi pi zlili.