ƁI NGI HIN GAR MUDUMBUŊ NAŊ 5:26 - Bible en langue guiziga

²⁶ Dar Buymisemuŋ ngi Israyele, a slikiɗa mevel da buy Asirihey, Pul ati Tegal-Falazar, ɓa a cam, a jaka mizli Rubeney, Gatay waɗ reta ngi sukwi ngi Manase tuwa, nga hirwuy Hala, Habor, Hara waɗ nga ciki mizaw Gozaŋ, t'ada a diga hã dana aruŋ.

ƁI NGI HIN GAR MUDUMBUŊ NAŊ 5:26 ပူးပေါင်းရင်းမြစ်များ

SAMUYEL MUCUW NAŊ 24:1

Ti di numuŋ ada na, Bumbulvuŋ a ji mevel ar Israyeleye ma. Joˀ a pa mi da Davite ɓa a gi gwat taŋ mawuɗam ta. A ɓaŋ: «Aru, slufa Israyeley ati Zudahaya.»

BUYOY MUCUW NAŊ 15:19

Buy Asiri mazilaka Pulo, ara zuma hirwuyo. Akẽh na, Manahem a vulaŋ ɓiri bara, tan kukur makir, ɓa Pul a zuɓaŋ haŋ, anja ɓa a cici gidaŋ gidaŋ ar zumabuy naŋ.

BUYOY MUCUW NAŊ 15:29

Ti hin ngi zumabuy ngi Peka, buy Israyele na, Teglat-Falasar, buy Asiri, a so zuma walahay Yoŋ, Abel-Bet-Maˀaka, Yanowa, Kedes ati Hasor, yo Galaˀat, Galile ati hirwuy Neftali gar. A jaka mizli ngi si ruwuy hanayna nga Asiri.

BUYOY MUCUW NAŊ 16:7

Ahas a slin mizli ng'avu Tiglat-Falasar, buy Siri, ɓa a ɓakaŋ, Ahas a ɓuw na: «Ya i gawla ɗik, yo yi mangal ɗiki. Sawa ɓa ki lihiy avu buy Siri ati buy Israyel mizlikiy ngi kiɗa vu na takwa.»

BUYOY MUCUW NAŊ 17:6

Angi vi mungoltir naŋ ngi zumabuy ngi Oze na, buy Asiri a tiɓa hirwuy Samari le. A ja Israyeleye cek nga hirwuy Asiri. Buy Asiri ara pa taŋ a cifam a Hala, a Habor, a mizaw Gozaŋ waɗ ar walahay ngi ruwuy Medihey.

BUYOY MUCUW NAŊ 18:11

Buy Asiri a jo Israyeleye nga Asiri, a cufa taŋ a Hala, a ayzaw Habor a Gozaŋ, yo waɗ ar walahay Medihey.

BUYOY MUCUW NAŊ 19:12

Mizli ngi si ruwuy Gozaŋ ati ngi Haraŋ waɗ ngi Resefeye, dideˀ ɗuwoy a ngizlaka taŋ le, waɗ mizli ngi Telasaray, walahay hirnga ngi dideˀ ngi Edeneye. Kuli ngi sukwi ngi mizli ngi si ruwuy tayna vuna a lahaka taŋ le sukwani?

ƁI NGI HIN GAR MUDUMBUŊ NAŊ 5:22

A kiɗaka mizli sunok sunok, a gi kanah, asi miga vurum i Buymisemuŋ. Dar taŋ a pam ar li ngi Hagriheye, a ndiram a diga, hã ar hin ngi ɓul taŋ ngaˀr beke.

ƁI NGI HIN GAR MUDUMBUŊ NAŊ 5:6

yo Baˀala kwana a yi Beˀera micifi buy ngi mizli Rubeney. Buy ngi ruwuy Asiri, mazilaka Teglat-Falazar a ja nga ruwuy naŋ.

ƁI NGI HIN GAR MUDUMBUŊ NAŊ 9:1

A slufaka Israyeleye le gar, vur hay vur hay, a tohoko taŋ ar ɗerewol ngi toho slimiɗ ngi buy ngi Israyeley. A jaka mizli Zudahay nga Babiloŋ, asi taŋ miteŋteŋ avu Buymisemuŋ ta.

ƁI NGI HINEY MUCUW NAŊ 28:20

Teglat-Falasar, buy Asiri, anja ɓa aru nga jina Ahas tuwa ma na, naŋ aru nga zlaŋ ngi kiɗa vu jak ma.

ƁI NGI HINEY MUCUW NAŊ 30:6

Letirey buy ati mizli hirnga naŋhay mutohoko taŋ tuwa, mijiviɗey a ram taŋ da mizli ngi si ruwuy Israyel ati Zuda zlar gar, a tilam mi ti ɓi ngi buyo da mizli, a ɓaka taŋ: «Israyeley, kum mulohoko tisi haŋ ngi buy Asirihey na, moko a muŋ ng'avu Bumbulvuŋ Buymisemuŋ ngi Abraham, ngi Izak waɗ ngi Zakopo, ɓa naŋ kwana, a mo ng'avu kum aya.

ƁI NGI HINEY MUCUW NAŊ 33:11

Bumbulvuŋ a ga, joˀ soje ngi buy Asirihey a soko nga kiɗa vu ati taŋ: a jaka Manase, a cakaŋ kunayeley a balama, a juwakaŋ ti celelu ngi ɓiri gaza, vah vah hiri cuw, a ram di nga Babiloŋ.

ESDRAS 1:5

Akẽh na, buy ngi wuzla muyoy ar sukwi ngi Zuda ati ngi Benjameŋ, yo masayay ati levihey, waɗ mizli gar, Buymisemuŋ mica taŋ wuluk ngi ru nga ndira hay ngi Bumbulvuŋ a Zeruzaleme, a jaka jiviɗe, a ram so.

EZAYI 37:12

Mizli ngi si ruwuy Gozaŋ ati ngi Haraŋ waɗ ngi Resefeye, dideˀ ɗu mudumbuŋhoy a ngizlaka taŋ le, waɗ mizli ngi Telasaray, walahay hirnga ngi dideˀ ngi Edenheye. Kuli ngi sukwi ngi mizli ngi si ruwuy tayna vuna, a lahaka taŋ le sukwani?

EZAYI 37:18

Haˀaw Bumbulvuŋ, i sinaka le, buy Asirihey a ngizlaka sukwi ngi mizli le jom ati hirwuy taŋhaya gisiŋ gwaɗ naŋ.