ƁI NGI HIN GAR MUDUMBUŊ NAŊ 5:23 - Bible en langue guiziga

²³ Reta ngi sukwi ngi Manase, a soko, a pam a ruwuy mazli zle a Basaŋ hã sesẽŋ a Baˀal-Hermoŋ, a Senir a muwã Hermoŋ. Sukwi ngi Manase naŋ haɗi.

ƁI NGI HIN GAR MUDUMBUŊ NAŊ 5:23 ပူးပေါင်းရင်းမြစ်များ

DIMIS MIMEZLE 4:8

Haˀaw mangasl ɗu nga ya, so asi ya zle a Libaŋ, so asi ya zle a Libaŋ! Po sar ti muwã Amana, ti hirnga muwã Senir waɗ ti Hermoŋ, tir kuɓuŋ ngi moboroy, yo tir muwã ngi dirlengeheye.

DIMISEY 133:3

Naŋ kaɓa wulngar a muwã Hermoŋ, magico nga hirnga muwã Siyoŋ. Asi Bumbulvuŋ maɗuwula mi naŋ, yo mavul siifa ngi set na, a diga.

ZOZUWE 13:11

Waɗ ma na, hirwuy Galaˀat ati hirwuy ngi mizli Gesurihey ati ngi Maˀakahay, waɗ hirwuy muwã Hermoŋ gar ati hirwuy Basaŋ, hã sesẽŋ a Salka.

ƁI NGI HIN GAR MUDUMBUŊ NAŊ 5:24

Buy ngi hay taŋhay gar, slimiɗ t'ani: Efer, Isey, Aliyel, Aziriyel, Irmeya, Hodaviya waɗ Yadiyel. Taŋ cek i mizli miwirwirey, slimiɗ taŋ ara zil.

EZEKIYEL 27:5

A wuɗam dum ngi widis migidaŋ mimezle ngi ruwuy Senir, a ɗiyukuw dumvu ɗike gar ti naŋ. A wuɗam dum ngi miter ngi ruwuy Libaŋ ngi luwa zana himiɗ mahizigiɗuw ar yama ti naŋ.

SLUFA VU 26:28

Dideˀ ngi Zozefe, miyaka taŋ i Manase ati Efrayim.

Slu cuw 33:17

Zozefe, naŋ gidaŋ kaɓa gusoŋ modogom, ɗuvakaŋ hirnga, durum naŋhaya taŋ gidaŋ kaɓa ngi mbana, a kiɗ di mizli. A ɓula taŋ sesẽŋ asi ruwuy mira kiɗo mi. Durum pal mekeleme, i sukwi masluf ta ngi Efrayim, yo numuŋ kwana, i sukwi mudurmuk mbeˀmbeˀ ngi Manase.»