ƁI NGI HIN GAR MUDUMBUŊ NAŊ 5:2 - Bible en langue guiziga

² Naŋ kine, Zuda a tiri madiɗa angi sukum naŋhaya, Yarma a bo ti vaŋ, amma gi modogomo i ngi Zozef.

ƁI NGI HIN GAR MUDUMBUŊ NAŊ 5:2 ပူးပေါင်းရင်းမြစ်များ

ZLI VIRZI 25:31

Zakop a mbiɗaŋ di: «Puliy dana i hiɗika gi modogom ɗik na, ɓa i tiri modogom.»

ZLI VIRZI 35:23

Ziri mizile ngi Leyahay i ti: Ruben, modogom ngi Zakop, Simeyoŋ, Levi, Zuda, Isakar, waɗ Zabuloŋ.

ZLI VIRZI 48:5

Yo wurenna, ziri ɗik mizilehey mucuw, muyukuw taŋ a Ezipte aka, ti ya muso t'aruŋ na, taŋ i ziri ɗuwoy. Efrayim ati Manase a sa ndiram da ya, kaɓa ti Ruben ati Simeyoŋ na ya.

ZLI VIRZI 49:26

Ɗuwula mi, bunuk maɗuwuluw di, a funa maɗuwulaka da muwã ngi seteheye le, a funa gwat mezle ngi muwã misi zlezleheye le. Anja ɗuwula mi ngi cine, a ɗuwul nga hirnga Zozef, nga hirnga mbur muwuna a wuzla sukum naŋhaya.

SAMUYEL MUCUW NAŊ 8:15

Davit a zum buy ar hirwuy Israyel gar. A ga kiitakasl kasl da mizli naŋhaya gar.

ƁI NGI HIN GAR MUDUMBUŊ NAŊ 28:4

Bumbulvuŋ Buymisemuŋ ngi Israyel, a winiy le a wuzla muy ɗuwoyo, ɓa i cifi buy ngi Israyel ngi sete. Zleˀe na, a wini ngi buyo i Zuda. A dirba nah, ar sukwi ngi Zuda, a wini i hay ngi baha, yo a wuzla ziri ngi bahahaya, a hiyĩ le ɓa yi zum buy ar Israyel keɗeɗe gar.

DIMISEY 108:8

Buymisemuŋ a ɓi le angi hay nga naŋ: «Bugawla i ya! I wunka walahay Sikeme, yo i sla sozo ngi Sukoto mburzlaŋ mburzlaŋ.

DIMISEY 60:7

Laha ndra ti gidaŋ ɗiki, zila ndra mi, ɓa ndra yeme ɗikey na, i laham.

MISE 5:2

Vurˀe, Buymisemuŋ a sa pula Israyeleye mbak asi haŋ ngi mesene taŋhaya, hã ngwas misi zuŋ a kwacay na, a yi ɗagay. Akẽh na, sukum naŋhay mindiram na, a sa jumom ng'avi Israyeley.

SLUFA VU 2:3

Tir vay mbuŋ, sojehey mujumom ar ngay ngi Zuda na, a sa cifam tisi pas ngi miprik. Buyoy ar sukwi ngi Zuda, i ti: Nasoŋ mangal ngi Aminadap.

SLUFA VU 7:12

Hin mudumbuŋ muvula i: Nasoŋ, mangal ngi Aminadap, ngir sukwi ngi Zuda.

Matiye 2:6

«Ka Beteleyem, hirwuy Yude, ki prok miwãˀ ngi wuzla walahay madiɗa ngi si ruwuy Yudeheye ta, asi buy masa jigina Israyel, mizli ɗuwoy na, a sa bo tivi ka.»

ROMAHAY 8:29

Asi mike na, mizli Buymisemuŋ misina taŋ le daf dumbuŋ zleˀe si na, a wuna taŋ le dumbuŋ zleˀe ya, ɓa a bam vu heˀ ati Mangal naŋ, ɓa Mangal naŋ a tiri modogom a wuzla sukum naŋhay mihaɗi na.

Slu cuw 21:17

Mangal ngi ngwas naŋ mawuɗ ta tuwa na, anja cine a si na i modogom naŋ, a vulaŋ zlili naŋ gar makaw cuw jaka. Asi mangal micikiɗeffe ngi gawla naŋ, i naŋ. Gwat mavulaka da modogom nah na inga naŋ.

Slu cuw 33:17

Zozefe, naŋ gidaŋ kaɓa gusoŋ modogom, ɗuvakaŋ hirnga, durum naŋhaya taŋ gidaŋ kaɓa ngi mbana, a kiɗ di mizli. A ɓula taŋ sesẽŋ asi ruwuy mira kiɗo mi. Durum pal mekeleme, i sukwi masluf ta ngi Efrayim, yo numuŋ kwana, i sukwi mudurmuk mbeˀmbeˀ ngi Manase.»

HEBEREY 7:14

Naŋ kine, i sinaka le kuy kuy wãˀ, Buy ndra Yesu, a ya ka angi sukwi ngi Yuda, Moyis miɓa ɓi ngi masayay ar ɗerewol na, a ɓi vur sukwi ngi Yuda ɗaˀ ta.

ZOZUWE 14:6

Ngi hin numuŋ ada na, dideˀ ngi Zudahay a soko lumaka Zozuwe a Gilgal. Kalep, mangal ngi Yefune, mbur Kenas, a ɓa Zozuwe na: «Cina ayɗi, Moyis mbur ngi Bumbulvuŋ Buymisemuŋ, miɓaŋ vur ndra ati ka, a Kades-Barneya na, ki si na le kuy kuy.

ƁIMUNJUYO 5:5

Amma mbur pal a wuzla mizli micawwahay tuwa, a ɓiy: «Ki tuwuy ta, pura, mobor ngi si sukwi ngi Yuda, tizer ngi buy Davit, a cifi bugawla le. A sa turo sluruɓ mitaˀ taˀ tarnaˀ tayna, ɓa a wuna ɗerewolo.»

MIGI KIITAHAY 1:2

Bumbulvuŋ a mbiɗa taŋ di: «I sukwi ngi Zuda masa ru, asi i vula hirwuyo le asi haŋ naŋ.»

SAMUYEL MUDUMBUŊ NAŊ 16:1

Akẽh na, Buymisemuŋ a ɓa Samuyele na, «kisa kiɗa mi ngi lika Sawulo hã ti vunaka? Mihiziga avra na i ya vuna, yo naŋ anta i buy ngi Israyel mata. Naha durum ɗike ti mal ngi pi a hirnga, a ru. I slinuw ngi hay Zese a Betelyem, asi a wuzla ziri naŋhay na, yi wini mbur ngisi mevel ɗu le.»

SAMUYEL MUDUMBUŊ NAŊ 16:10

Zese a cuh ti ziri naŋhay tarnaˀa mbuŋ Samuyele, amma Samuyel a ɓaŋ: «Ko Buymisemuŋ a wini mbur purla a wuzla taŋ ta.»

SAMUYEL MUDUMBUŊ NAŊ 16:12

Zese a slin ara ziloko di, a ndilawa. Davite naŋ gagaza, naŋ kuy, yo mihiri naŋ a bun le. Dar Buymisemuŋ a ɓa Samuyele: «Hana i naŋ so, slikiɗ, paŋ mal ngi vula slra, ɓa a cifi i buy.»