ƁI NGI HIN GAR MUDUMBUŊ NAŊ 5:17 - Bible en langue guiziga

¹⁷ Hirak ti Yotam mazum buy a ruwuy Zuda, yo Zeroboˀam mazum buy a ruwuy Israyel na, a tohoko slimiɗ ngi sukwi tayna le cek ar ɗerewol ngi toho slimiɗe.

ƁI NGI HIN GAR MUDUMBUŊ NAŊ 5:17 ပူးပေါင်းရင်းမြစ်များ

BUYOY MUCUW NAŊ 14:16

Zoˀas a mucu, a dikaka a Samari a ciki dideˀ naŋ, buy Israyeley. Mangal naŋ Zeroboˀam a zuɓa li naŋ.

BUYOY MUCUW NAŊ 14:23

Zeroboˀam, mangal ngi Zoˀas, buy Israyel micifi buy madiɗa a Samari na, naɓa Amasiya, mangal ngi Zoˀas, buy Zuda, a ɓul di i vi mukuruˀ nga zlum naŋ angi zuma buyo. Zeroboˀam a zum buy a Samari vi kukur mufaɗ ngaŋ purla.

BUYOY MUCUW NAŊ 14:28

Zeroboˀama, ɓi naŋ mekelemey mindirama, slra naŋhay ati gwat madiɗahay naŋ miga taŋ gar, wirwir naŋ ngi gi vurumoy gar na, i mutoho taŋ le angi ɗerewol mazilaka Ɗerewol ngi ɓi ngi slra ngi buy Zudahay. Yo hirwuy Damas ati Hamat, hirwuy Zuda mawa taŋ zleˀe gar na, i mutoho ɓi taŋ le gar angi ɗerewol nah.

BUYOY MUCUW NAŊ 15:32

Yotam, mangal ngi Azariya micifi buy madiɗa Zuda na, naɓa Peka, mangal ngi Remaliya a ɓul di i vi mucuw naŋ angi zuma buyo.

BUYOY MUCUW NAŊ 15:5

Buymisemuŋ a ga buyo a ngil kukula, hã avu hin ngi muc naŋ. A cifi angi hay naŋ baˀ avu mizli. Mangal naŋ Yotam, madiɗa ngi hay buyo a wa mizli ngi si ruwuyo.

ƁI NGI HIN GAR MUDUMBUŊ NAŊ 5:7

Beˀera, sukum naŋ ngi jambahaya, vur tizere vur tizere, slimiɗ taŋhay i mutoho le toh toh ar ɗerewol ngi toho slimiɗe: mudumbuŋ i Yehiyel, a dirba nah i Zakari,

ƁI NGI HINEY MUCUW NAŊ 27:1

Yotam micifi buy madiɗa na, naɓa naŋ ti vi kukur cuw nga zlum, a zum buy a Zeruzaleme vi kuruˀ nga merkeɗe. A zilaka mumuŋ naŋ Yerusa, zuŋ ngi Sadok.