ƁI NGI HIN GAR MUDUMBUŊ NAŊ 5:1 - Bible en langue guiziga

¹ Ruben i modogom ngi Zakop zleˀe, amma a dirba naŋ mihin ti ngwas ngi cine na, gi modogom naŋ a tuwuɗ ng'avi ziri mizile ngi Zozefey, Zozef i mangal ngi Zakop vuna ya. Ruben a tiri i modogom mata.

ƁI NGI HIN GAR MUDUMBUŊ NAŊ 5:1 ပူးပေါင်းရင်းမြစ်များ

ZLI VIRZI 25:23

Bumbulvuŋ a mbiɗaŋ di: «I sukwi cuw misi a kwacay ɗike, i sukwi ngi mizli wal wal cuw masa boko tivi ka. Mekeleme a sa funa numuŋ ti gidaŋ, madiɗaŋ a sa gi gawla ngi meciɗeke.»

ZLI VIRZI 25:31

Zakop a mbiɗaŋ di: «Puliy dana i hiɗika gi modogom ɗik na, ɓa i tiri modogom.»

ZLI VIRZI 29:32

Dar Leya a gi hur, a yi mangal mizile, a zila Ruben, asi a ɓi na: «Bumbulvuŋ a puriy ya migeˀ ircece na le, wurenna zil ɗu a sa wuɗiy muduba.»

ZLI VIRZI 35:22

Dambalaka, ti Israyel misi ti hay naŋ ar li nah na, Ruben a ra hin ti Bila, mangasl ngi cine, Israyel a cine ɓi nah le. Zakopo naŋ ti ziri mizilehey kuruˀ nga cuw.

ZLI VIRZI 46:8

Israyeley musoko nga Ezipte na, slimiɗ taŋhay ani: i ti Zakop ati ziri naŋhay. Modogom ngi Zakop, i Ruben.

ZLI VIRZI 48:5

Yo wurenna, ziri ɗik mizilehey mucuw, muyukuw taŋ a Ezipte aka, ti ya muso t'aruŋ na, taŋ i ziri ɗuwoy. Efrayim ati Manase a sa ndiram da ya, kaɓa ti Ruben ati Simeyoŋ na ya.

ƁI NGI HIN GAR MUDUMBUŊ NAŊ 2:1

Zakop, mazilaka Israyele ma na, slimiɗ ngi ziri naŋhay ani: Ruben, Simeyoŋ, Levi, Zuda, Isakar, Zabuloŋ,

ƁI NGI HIN GAR MUDUMBUŊ NAŊ 26:10

Hosa ngir muy ngi Merari, a yi ziri mizilehey mufaɗ: Semri i buy, i modogom ta ngbaŋ, amma cine a cifaŋ kaɓa buy.

BI NGI ISRAYELEY 6:14

Slimiɗ ngi buy ngi hay Israyeley ani: Ruben modogom ngi Zakopo, ziri naŋhay i ti Hanok, Pallu, Hesroŋ waɗ Karmi, sukwi ngi Ruben i hana so.

LEVIHEY 18:8

Ki pura mbuŋ ngi ngwas ngi bunuko ta, asi i mbuŋ ngi bunuku.

LEVIHEY 20:11

Da mbur a hin le ti ngwas ngi cine na, kite a pura mbuŋ ngi cine le. A kiɗaka taŋ vagay vagay cuw taŋ. Pumbus taŋ a mbiɗi nga hirnga taŋ vuna tehhe.

SLUFA VU 1:5

Slimiɗ ngi mizli masa junukumo, t'ani: Ar sukwi ngi Rubene, i Elisur mangal ngi Sedewur.

SLUFA VU 16:1

Mbur levi ada, a zilaka Kore, i mangal ngi Isar, mbur Kehat, a pa mi da ti Dataŋ ati Abiram ziri ngi Eliyapay, waɗ da On, mangal ngi Pelet.

SLUFA VU 26:5

Dumbuŋ na, i sukwi ngi Ruben, modogom ngi Zakop. Dideˀ taŋhay ani: Henok a yi Henokoy, Palu a yi Paluhoy,

KORENTIHEY MUDUMBUŊ 5:1

Ko amaka gar na, i cinam mizli a ɓam: gi sulome ada a hay kumo. I gi sulome mifineˀ gidaŋ, ko mizli duniyahay kwana, anta gaka ta. Asi mbur pal a wuzla kumo, ara ɗuva ngwas ngi cine.

Slu cuw 21:17

Mangal ngi ngwas naŋ mawuɗ ta tuwa na, anja cine a si na i modogom naŋ, a vulaŋ zlili naŋ gar makaw cuw jaka. Asi mangal micikiɗeffe ngi gawla naŋ, i naŋ. Gwat mavulaka da modogom nah na inga naŋ.

Slu cuw 27:20

«Mbur mahin ti ngwas pal a wuzla ngi cine naŋhay na, i minisa le, asi a ja haŋ le avu gwat mihĩˀĩ ngi cine.» Mizli gar a sa mbiɗaka: «Amin».

Slu cuw 33:17

Zozefe, naŋ gidaŋ kaɓa gusoŋ modogom, ɗuvakaŋ hirnga, durum naŋhaya taŋ gidaŋ kaɓa ngi mbana, a kiɗ di mizli. A ɓula taŋ sesẽŋ asi ruwuy mira kiɗo mi. Durum pal mekeleme, i sukwi masluf ta ngi Efrayim, yo numuŋ kwana, i sukwi mudurmuk mbeˀmbeˀ ngi Manase.»

KOLOSOY 1:15

Kristu i foto ngi Buymisemuŋ mizli mapuraka gu ta na, i modogom ar gwatay Buymisemuŋ miga taŋ gar.

ZOZUWE 14:6

Ngi hin numuŋ ada na, dideˀ ngi Zudahay a soko lumaka Zozuwe a Gilgal. Kalep, mangal ngi Yefune, mbur Kenas, a ɓa Zozuwe na: «Cina ayɗi, Moyis mbur ngi Bumbulvuŋ Buymisemuŋ, miɓaŋ vur ndra ati ka, a Kades-Barneya na, ki si na le kuy kuy.