ƁI NGI HIN GAR MUDUMBUŊ NAŊ 4:9 - Bible en langue guiziga

⁹ A wuzla sukum naŋhaya, a wuɗam ɓi ngi Yabese haɗa. Mumuŋ a caŋ slimiɗe Yabes na, a mbiɗeˀvra: ‹I ya ti tuwaˀa.›

ƁI NGI HIN GAR MUDUMBUŊ NAŊ 4:9 ပူးပေါင်းရင်းမြစ်များ

ZLI VIRZI 3:16

Buymisemuŋ a ɓa ngwasa ma: «I sa ga ɓa hur a guw bonoy haɗi. Ki sa ya ziri ɗikey ti bonoy. Ki sa hĩyã cifi ati zil ɗike, amma naŋ a sa wuw.»

ZLI VIRZI 34:19

Gawla a mur ngi ga gwat taŋ miɓaka na mata, asi ara wuɗ zuŋ ngi Zakopo. Asi mangal vuna i hirnga a hay cine.

ZLI VIRZI 35:18

Ti musuwun mawuɗ a sli gweˀ na, Rasel a ca slimiɗ da mangala Ben-Oni, mbiɗeˀvra mangal ngir bonoy. Amma cine a zila Benjameŋ, mbiɗeˀvra mangal misi tir vay hazum.

ƁI NGI HIN GAR MUDUMBUŊ NAŊ 4:10

Yabes a dir dibiɗ ani: «Buymisemuŋ ngi Israyel, ɗuwuliy mi, ska hirwuy ɗu, jiy kaw a haŋ ɗiki, ɓula hiryi ati bonoyo kileŋ avu ya!» Dar Buymisemuŋ a gaŋ gwat naŋ mucufuɗa tuwa.

ƁI NGI HIN GAR MUDUMBUŊ NAŊ 4:8

Kos i cine ngi Anup ati Sobeba. I dideˀ misintiwaka ngi Aharehel, mangal ngi Harum.

ƁI NGI HIN GAR MUDUMBUŊ NAŊ 7:23

Efrayim a sinam vu ati ngwas naŋ ma, a yaŋ mangal mizile, a zila Beriya, asi hay naŋ a ro ti hiryi.

MIKUCUWULOY 23:25

Ga ɓa bunuk ati munuko, a mumulom, ngwas miyi ɗik ar duniya, a zluzluɓu.

EZAYI 43:4

Asi mike na, kum puɗaw haɗa a mihiri ɗu, kum ɗongor, yo i ra wuɗukum. Vurˀe, i vul sukwi ngi mizli taˀ ar deɗe kumo, zigiduw taˀ ngi mbiɗa hirnga kumo.

SLRA 17:11

Yude ngi Bereheye, i mizli miteŋteŋhey fineˀ ngi Tesalonikeye, a tiɓaka ɓi ngi Buymisemuŋ ti mevel purla. Vur hin gar na, ara wunjilaka Ɓimutoho, ɓa a puraka ɓi Pol maɓa na, naŋ kanah gisiŋ kwana.

SAMUYEL MUDUMBUŊ NAŊ 4:21

Amma a zila mangala Ikabot, mbiɗeˀvra: dudok anta mata. A ɓi: «dudok anta ar hirwuy Israyele mata.» Kanaha asi taŋ muzuɓaka akoti ngi Buymisemuŋ, yo waɗ asi muc ngi dideˀ naŋ ati ngi zil naŋ na.