ƁI NGI HIN GAR MUDUMBUŊ NAŊ 3:2 - Bible en langue guiziga

² Mimakir taŋ i Absalom, mangal ngi Maˀaka, zuŋ ngi Talmay, buy ngi ruwuy Gesur. Mumufaɗ taŋ i Adoniya, mangal ngi Hagit.

ƁI NGI HIN GAR MUDUMBUŊ NAŊ 3:2 ပူးပေါင်းရင်းမြစ်များ

SAMUYEL MUCUW NAŊ 13:1

A dirba nah na, ɓi migi ani: Absalom, mangal ngi Davite, sukum naŋ mongoso ada. Naŋ kuy haɗa teˀe. A zilaka Tamar. Amnoŋ, mangal mekelem ngi Davite, ara wuɗa Tamara ngi hin di.

SAMUYEL MUCUW NAŊ 13:38

Absalom mikil tuwa na, ara ɗum a Gesur, a gi vi makir a diga.

SAMUYEL MUCUW NAŊ 14:23

Zoˀap a zuɓa jiviɗe, aru nga Gesur. A mo ti Absalomo nga Zeruzaleme.

SAMUYEL MUCUW NAŊ 14:32

Absalom a mbiɗa da Zoˀapa: «I slin ng'avu ka, ɓa ki sawa, i slinuw, ɓa ki ra ɓa buyo: ‹Ya mumo ti Gesur na ngi mike? Avi ya na, zuwen ya misi a diga aruŋ zleˀe. Wurenna yi wuɗ ɓa i ra pura mihiri ngi buyo muduba. Yo da ɓi malambaˀ ada avu ya na, anja a kiɗiy vagay si!›»

SAMUYEL MUCUW NAŊ 15:8

Asi mike na, ya gawla ɗike, ti ya micifi a Gesur, hirwuy Siri zleˀe na, yi ɓa Bumbulvuŋ le ɗaˀ ɗaˀ le, yi sa gaŋ gwata. Yi ɓi le zleˀe: Da Bumbulvuŋ a mo ti ya le gisiŋ nga Zeruzaleme na, yi sa gaŋ slra naŋ.»

SAMUYEL MUCUW NAŊ 18:14

Zoˀap tuwa, a ɓi: «Y'anta wuɗ ɓa i mur a mbuŋ ɗik aka mata.» Ganday misi mihey puyoŋ puyoŋ, a hil makir a haŋ, waɗ ara zliga Absalomo a megeɗek ti taŋ dar dar, naɓa naŋ da ti siifa aruŋ ɗagay a wuzla widis madidiɗahay tuwa.

SAMUYEL MUCUW NAŊ 18:18

Absalomo, zle ti naŋ misi ar siifa aruŋ na, ɗugur mukuso kos kos ar sozo mazilaka sozo ngi buy na, i naŋ mukusoŋ. Asi a ɓi zleˀe ti kwacay naŋ na: «Y'anta ti mangal ɓa a sa zilaka slimiɗ ɗu ti naŋ ta.» Vurˀe, ɗugur mukuso kos kos tuwa, Absalom a zila ti slimiɗ naŋ. Hã dana aruŋ kwana, a zilaka ɗugur mukuso kos kos ngi Absalom.

SAMUYEL MUCUW NAŊ 3:3

Mucuw naŋ i Kilap, a ya ti Abigayel, ngwas ngi Nabal, mbur ngi ruwuy Karmel zleˀe, mimakir taŋ i Absalom, a ya ti Maˀaka, zuŋ ngi Talmay, buy ngi Gesur.

SAMUYEL MUCUW NAŊ 3:4

Mumufaɗ taŋ i Adoniya, a ya ti Agit, muzlum taŋ i Sefatiya, a ya ti Abital.

BUYOY MUDUMBUŊ NAŊ 1:5

Hirak ti di nah na, mangal ngi Davit ada, a zilaka Adoniya, yo mumuŋ naŋ i Hagit. A huhumo vu naŋ ti slimiɗ naŋ yarma, a ɓi: «Masa zuma buyo i yaha.» A hil mota ngi vurumoy ati pilisey, waɗ mizli mizilehey kukur zlum, a zluzluɓam a mbuŋ naŋ.

BUYOY MUDUMBUŊ NAŊ 1:6

Dambalaka, zle angi gil naŋ vuna si na, ko cine a bucaŋ ɗaˀ ta wãˀ si, ɓa a ɓaŋ ki gi di i gwat mi nah ka na, ko a ɓaŋ ɗaˀ ta. Yo ma na, naŋ vuna, naŋ kuy haɗa teˀe, mumuŋ a yaŋ i mijingaˀ ngi Absalom.

BUYOY MUDUMBUŊ NAŊ 2:22

Salomoŋ a mbiɗa da mumuŋ: «Adoniya, ki cufuɗaŋ da naŋ i Abisak, zuŋ Sunem mbri mbri maka? Naŋ misi i sukum ɗu madiɗa na, zuwen cufuɗaŋ zumabuy jaka. Cufuɗa da naŋ waɗ da ti masay Abiyatar ati Zoˀap, mangal ngi Seruya!»

ƁI NGI HIN GAR MUDUMBUŊ NAŊ 2:23

Amma buy madiɗa ngi Gesur ati ngi A rama, a tiɓaka walahay ngi Yayireye waɗ walahay Kenat ati prok naŋhaya. A tiɓam jom gar walahay kukur merkeɗ. Mizli ngi digahay cek i dideˀ ngi Makirey, cine ngi Galaˀat.

ƁI NGI HIN GAR MUDUMBUŊ NAŊ 3:1

Dideˀ ngi Davitey, naŋ miya taŋ a Hebroŋ, slimiɗ taŋ ani: Modogomo i Amnoŋ, a ya ti Ahinoˀam, zuŋ Zizreyel, Daniyel mijingaˀ naŋ, i mangal ngi Abigayel, zuŋ Karmel.

ƁI NGI HIN GAR MUDUMBUŊ NAŊ 3:3

Muzlum taŋ i Sefatiya, mangal ngi Abital. Mimerkeɗ taŋ i Itreˀam, a ya ti gwas naŋ Egla.

ZOZUWE 13:13

Amma na, Israyeley a ɓulaka Gesurihey ati Maˀakahay avra ta. Mizli Gesurihey ati Maˀakahay a cifam a wuzla Israyeleye hã dana aruŋ.