Manase a muc, ara luuma dideˀ naŋhay a ruwuy, a dikakaŋ ar jarne a hay naŋ. A zilaka jarne nah vuna ma na «Jarne ngi Uza.» Dar mangal naŋ Amoŋ a zum buy ar li naŋ.
Gawla naŋhay a zuɓaka vagay naŋ baɗ a Megido nga Zeruzalem, ara dikakaŋ ar zivi naŋ. Mizli ngi si ruwuyo a zuɓaka Zoˀakas, mangal ngi Zoziyasa, a pakaŋ mal ngi vula slra, a cakaŋ buy ar li ngi cine.
Dar buy madiɗa ngi Ezipte a cifa Eliyakim, mangal ngi Zoziyasa, i buy ar li ngi cine naŋ Zoziyasa, a mbiɗaŋ slimiɗe Zoˀakiŋ. A zuɓa Zoˀakas, naŋ mijaŋ ar dangay zleˀe tuwa, aru di nga Ezipte, hã a muc a diga.
Zoˀakim micifi buy madiɗa, naɓa naŋ ti vi kukur cuw nga zlum, a zum buy a Zeruzaleme vi kuruˀ ngaŋ kaˀa. A gi gwat malambaˀ a mihiri ngi Bumbulvuŋ Buymisemuŋ naŋ ta.
Yo mbak ɗagay so, i ya Bumbulvuŋ misi gidaŋ wãˀ maɓi da Zoˀakim mangal ngi Zoziyas, buy Zuda: «Anta sa tuwam kaɗam kaɗam ar vagay naŋ ta, mbur masa ɓi ka misi ani na, anta: ‹Aw zuŋ ngi ba! Aw zuŋ ngi ma!› Anta sa tuwakaŋ ka misi ani na ta: ‹Aw buy ɗu!› ‹Aw kumani ndra madiɗa!›
