ƁI NGI HIN GAR MUDUMBUŊ NAŊ 24:1 - Bible en langue guiziga

¹ A ngicaka ziri ngi Aroŋhoyo le ti ngay ti ngay. Ziri mizile ngi Aroŋhoyo mufaɗa, i ti: Nadap, Abihu, Elazar, waɗ Itamar.

ƁI NGI HIN GAR MUDUMBUŊ NAŊ 24:1 ပူးပေါင်းရင်းမြစ်များ

BI NGI ISRAYELEY 6:23

Aroŋ a zuɓ ngi ngwasa i Eliseba, zuŋ ngi Aminadap, yo i sukum mongoso ngi Nasoŋ, Eliseba a yi ziri mizilehey mufaɗ ti Aroŋ, i ti: Nadap, Abihu, Elazar waɗ Itamar.

ƁI NGI HIN GAR MUDUMBUŊ NAŊ 23:6

Davit a ngica Leviheye, vur dideˀ vur dideˀ, ngi Gersoŋhoy, ngi Kehatay waɗ ngi Merarihey.

SLUFA VU 26:60

Aroŋ a yi ziri mizilehey mufaɗa: Nadaɓ, Abihu, Elazar, waɗ Itamar.

SLUFA VU 3:2

Aroŋ naŋ ti ziri mizilehey mufaɗa. Modogomo, a zilaka Nadaɓ, numuŋhoy i ti Abihu, Elazar waɗ Itamar.

ƁI NGI HIN GAR MUDUMBUŊ NAŊ 6:3

Ziri mizile ngi Kehatay i ti: Amram, Isar, Hebroŋ waɗ Uziyel.

BI NGI ISRAYELEY 28:1

«Moyis, sukum ɗik Aroŋ waɗ ziri naŋ mizileheye, ti Nadaŋ, Abihu, Elazar waɗ Itamara, zilo taŋ nga ciki ɗiki, baˀ pal avu Israyel mekelemeye, ɓa a gikiy mikuli.

ƁI NGI HIN GAR MUDUMBUŊ NAŊ 28:13

Dar a vulaŋ slimiɗ ngi masayay ati levihey, mingica taŋ le ngac ngac, slrahay ngi gi ar hay ngi Buymisemuŋ waɗ gwat ngi gi slrahay ar hay ngi Buymisemuŋ.

ƁI NGI HINEY MUCUW NAŊ 5:11

Hirak ti masayay muboko tir li mipala na, taŋ cek a tiram le taŋ pal, anta vur sila vur sila mata ɓula.

ƁI NGI HINEY MUCUW NAŊ 8:14

Salomoŋ a cifa mizli ar slra taŋ ar slra taŋ, kaɓa cine naŋ Davit mujuwa ɓi nah zleˀe, ngay masayaya, waɗ ngi leviheye, ɓa ngi hunuma Bumbulvuŋ vur hin gar ti dimisi, yo ɓa ngi jina masayay ar slra taŋ. A cifa mijigina mizlingreheye ti ngay avu miviŋheye tiɗeˀe. Davit, mbur ngi Buymisemuŋ, ɓi naŋ miɓa ɗaˀ le zleˀe tuwa na, naŋ kahana so.

ƁI NGI HINEY MUCUW NAŊ 23:8

Levihey ati Zudahay gar, a gaka kaɓa masay Yoyada, miɓa taŋ ɗaˀ ɗaˀ le tuwa. Buy gar na, a cikila mizli naŋhaya, mizli mazlaka slra tapas sabat ati misi makiɗaka mi ngi slra tapasa gar, asi Yoyada a vul musuka vu taˀ le da mizli ar ngic taŋ ta.

ƁI NGI HINEY MUCUW NAŊ 31:2

Ezekiyas a cifa masayay ati leviheye, mizli ti hunum taŋ ti hunum taŋ, bac nga hirnga hunum taŋ vuna ma na, a vula slra ngi mburo ngi mburo. A vul da masayay ati leviheye, i slra ngi mikuli mizlam zlam, mikuli ngi ngiɓiˀay, slra ngi mezegweley, gi sise ati ngi hunuma Bumbulvuŋ a mizlingre walahay guɗuk ngi Bumbulvuŋ.

ESDRAS 6:18

A cufaka masayaya kaslslaka hunum taŋ, yo leviheye ti ngay taŋ ya, vur slra ngi Buymisemuŋ, taŋ magaka a Zeruzaleme, kaɓa miɓaka ɗaˀ le ar ɗerewol ngi Moyise.

SLUFA VU 3:4

Amma Nadaɓ ati Abihu a micam a mbuŋ Bumbulvuŋ, a wuzlaɓuh mikirɗak kirɗak ngi Sinay, asi a gam mikuli ti urdi ar vu muho gar. Ziri mizile taŋhay anta. Magaka slra ngi mikuli a ciki cine taŋ Aroŋ i Elazar ati Itamar.

ƁI NGI HIN GAR MUDUMBUŊ NAŊ 6:34

Aroŋ ati ziri naŋhaya, slra nga taŋ i zluma ginewey ar li gi mikuli waɗ wura urdi ar li nga naŋ ya. Gwat ngi gi ar li mipal wãˀ na, magaka i taŋ. Magaka mezegwel ngi puya mungra ngi Israyeley i taŋ ma, a gaka kasl kasl kaɓa Moyis, gawla ngi Buymisemuŋ miɓa taŋ di ɗaˀ le na.

ESDRAS 7:5

Abisuwa, Pinas, Elazar, mangal ngi Aroŋ, masay madiɗa.