ƁI NGI HIN GAR MUDUMBUŊ NAŊ 22:9 - Bible en langue guiziga

⁹ Pura, a yukuw mangal le, naŋ i mbur mijam jam ati mizli, Y'anta sa pula mesene naŋhay mugun hirnga naŋ na, a gakaŋ ngaˀa ta. A sa zilaka Salomoŋ, asi ar hin ngi zumabuy naŋ na, Israyeley a sa ndiram jam jam manja zluwun.

ƁI NGI HIN GAR MUDUMBUŊ NAŊ 22:9 ပူးပေါင်းရင်းမြစ်များ

BUYOY MUDUMBUŊ NAŊ 1:13

Aru, ci ng'avu buy Davite, ɓa ki ɓaŋ: ‹Buy, kumani ɗu, miɓi ti hudum da ya ngwas migi slra ɗik na i ka ta kwa? Ki ɓiy zleˀe na, a dirba ɗike, masa zum buy, yo masa cifi ar janga ɗik ngi buyo, i mangal ɗu Salomoŋ kini takwa? Na, mitiri buy i Adoniya na mbri mbri maka?›»

BUYOY MUDUMBUŊ NAŊ 2:15

Adoniya a ɓaŋ: «Ki si na le, buyo zleˀe, anja inga ya, yo Israyeley gar a roko hiri tataˀ avu ya, ɓa macifi buy i ya zleˀe. Amma, ɓi nah a sa gi kanah mata, i sukum ɗu Salomoŋ misa cifi buyo. Naŋ migi kanah na, asi i wuɗ ngi Bumbulvuŋ.

BUYOY MUDUMBUŊ NAŊ 3:7

Haˀaw Bumbulvuŋ, Buymisemuŋ ɗu, wurenna ki cifiy ya gawla ɗike le, ɓa i zum buy ar li ngi baha Davite. Amma, ani yi zuŋ aruŋ, yo i si na a zumaka buy vuna kahana kahana ta ma.

BUYOY MUDUMBUŊ NAŊ 4:20

Mizli ngi Zudahay ati ngi Israyeleye, taŋ haɗi teˀe. Taŋ haɗa, a slufam ta wãˀ kaɓa muyuŋ a mi mubuliy. Tˀada ti gwat ngi zum ati gwat ngi si, hã mbaka, yo taŋ ar cira hiri ma.

BUYOY MUDUMBUŊ NAŊ 5:4

Li vay si pas madiɗ vay ruwuy ngi mizaw Efrat, zle a Tifsa, hã a ndila Gaza na, Salomoŋ a wa buy ngi ruwuy tayna le gar na, a hinam hirnga a mbuŋ naŋ. A cifam zuy zuy ati hirwuy ngi ciki naŋhay gar.

BUYOY MUDUMBUŊ NAŊ 8:56

«Sise da Bumbulvuŋ muvula zuy da Israyel, mizli naŋhay, kaɓa naŋ miɓa ɗaˀ le zleˀe na. Ɓi mezlehey, naŋ miɓa taŋ, muboko ti balam Moyis gar na, ɓa mindir munja a gi slra na, anta.

ƁI NGI HIN GAR MUDUMBUŊ NAŊ 17:11

Naŋ kine, da hin ɗik misa ndila le ɓa ki muc so na, i sa wini pal asi ziri ɗik mizileheye, ɓa a cifi ar li ɗike. I sa cica zumabuy naŋ gidaŋ gidaŋ.

ƁI NGI HIN GAR MUDUMBUŊ NAŊ 22:18

A ɓa taŋ: «Bumbulvuŋ Buymisemuŋ kumo, naŋ anta ati kum ta kwa? A jinukum le ko tir wanaka gar, ɓa ki cifam zuy zuy ta kwa? Naŋ kine, mizli misi zlezle a si ruwuyo, a vuliy taŋ le asi haŋ ɗu, wurenna, a hinam hirnga le a mbuŋ Bumbulvuŋ waɗ a mbuŋ sukwi naŋ.

ƁI NGI HINEY MUCUW NAŊ 6:15

Gwat ka miɓa ɗaˀ le zleˀe da baha, gawla ɗik Davit na, ki ga le. Ɓi ka miɓa ti balam ɗik na, ki ga le ti haŋ ɗike, kaɓa ndra mira puraka dana ani na.

Ɗerewol JOP 34:29

Amma da Buymisemuŋ a cifi le teˀ teˀ na, masa jaŋ ti kiita i waka? Da a ɗumo mihiri naŋ le na, masa pura kwaŋ i waka? Dambalaka ara ki slimiɗ ar sukwi ngi mizli titirahay ar duniya vuna ngbaŋ.

DIMISEY 72:1

Dimis ngi wuzla dimis, Salomoŋ mutoho taŋ. Aw Buymisemuŋ, pula jiviɗ da buy madiɗa, ɓa a gi kiita misi purla ati ka. Vula wuluk mijeŋŋe da mangal ngi buy madiɗa.

DIMISEY 72:7

Ar zumabuy naŋ, anja mbur mijeŋŋe a sik, anja zlili a ɓul ngi caˀa, kaɓa kiya misi a muŋ na ya!

EZAYI 26:12

Aw Bumbulvuŋ, ki ra vula ndra zuy, gwat ndra magaka gar na, makiɗa mi naŋ i ka vuna.

EZAYI 45:7

I ga li minjahha, yo i ga luvuŋ ma, i go zuy da mizli, yo i go taŋ bonoy ma. Tayna cek na, maga taŋ i ya Bumbulvuŋ.

EZAYI 57:19

I sa ga ɓa a zlam dimis ngi hunuma vu. Mizli mikileŋ kileŋhey ati migweˀ gweˀheye, a ndiram zuy zuy, Haˀaw, i sa mbulo taŋ. Maɓi i ya Bumbulvuŋ.

EZAYI 66:12

Asi ya Bumbulvuŋ i ɓi na: «Ani i wuɗ i ga ɓa zuy a gi a Zeruzaleme, kaɓa mizaw misi yam naŋ masli sleˀ le ta, yo i sa ga ɓa dudok ngi sukwi ngi mizli a ndir ar naŋ, kaɓa mekepel mazuɓu. Naŋ a sa vulukum ɗuwa, a sa lupukum a duba, waɗ a sa cufukum kutuk kutuk ar sar.

Ɗerewol AZE 2:9

Ya Bumbulvuŋ misi gidaŋ wãˀa, i ɓi na: hay hana, mezle naŋ mukuy ta wãˀ na, a sa funa misi mudumbuŋ zleˀe na, yo i sa ga ɓa zuy a ndir ar li misenna.»

MIGI KIITAHAY 6:24

Zedeyoŋ a ndir li gi mikuli da Bumbulvuŋ ar li nah vuna, dar a zila li tuwa: «Bumbulvuŋ ngi zuy.» Hã dana aruŋ kwana, li gi mikuli nah, naŋ da a Ofra, walahay ngi muy ngi Abiyezere.