ƁI NGI HIN GAR MUDUMBUŊ NAŊ 22:5 - Bible en langue guiziga

⁵ Davit a ɓi zleˀe na: «Ani mangal ɗu Salomoŋ i zuŋ, a nih t'aruŋ. Na hay ngi ndir da Bumbulvuŋ na, i hay ngi zila slimiɗ asi ruwuy kurzluˀ gar, asi naŋ madiɗaŋ, yo i hay misi ti dudok. Sey i wi vu ti gwatay haɗi ngi ndir naŋ.» Naŋ kine, Davit a sa muc tikeˀe na, a wi vu le ti gwatay haɗi.

ƁI NGI HIN GAR MUDUMBUŊ NAŊ 22:5 ပူးပေါင်းရင်းမြစ်များ

BUYOY MUDUMBUŊ NAŊ 3:7

Haˀaw Bumbulvuŋ, Buymisemuŋ ɗu, wurenna ki cifiy ya gawla ɗike le, ɓa i zum buy ar li ngi baha Davite. Amma, ani yi zuŋ aruŋ, yo i si na a zumaka buy vuna kahana kahana ta ma.

BUYOY MUDUMBUŊ NAŊ 9:8

Tapas mizli masa cohom gweˀ tivi Hay migila misenna mitiri diŋ na, hã a sa zuma taŋ hirnga, dar a sa cufuɗaka mizli: «Bumbulvuŋ a ga gwat da hirwuy hana ati Hay misenna kahana vur mike?

ƁI NGI HIN GAR MUDUMBUŊ NAŊ 29:1

Buy Davit a ɓa mizli mukusom akẽh gar: «Mangal ɗu Salomoŋ, Buymisemuŋ a wini i naŋ pal naŋ, i zuŋ aruŋ, yo a titil gi gwat ɗaˀ ta, na slra ngi gi na, naŋ haɗa, asi hay nah, a ndiraka da mbur ta, amma da Bumbulvuŋ Buymisemuŋ.

ƁI NGI HINEY MUCUW NAŊ 13:7

Mizli misuweˀ lambaˀ, mizli ngi pula girey ta mukos kos a cikeˀe na, a tikakaˀay da Roboˀam, mangal ngi Salomoŋ. Roboˀam i zuŋ, ar kpak naŋ na, a sin ɓi t'aruŋ, a cici zlak a mbuŋ taŋ gu ta.

ƁI NGI HINEY MUCUW NAŊ 2:4

Hay ya mawuɗ ngi ndira vuna, naŋ madiɗa haɗa, asi Buymisemuŋ ndra i madiɗa fineˀ kulihey gar.

ƁI NGI HINEY MUCUW NAŊ 2:5

Na zle, mbur mindila ngi ndiraŋ hay gu i wa ska? Asi muŋ, ti naŋ mihaɗi na tekeɗe kwana, a ndilaŋ ngi cifi joˀo gu ta. Yi wa ɓa hã i ndiraŋ haya na ka? Sey da hay ngi wuraŋ urdihey far kwa ta na.

ƁI NGI HINEY MUCUW NAŊ 2:8

ɓa a wikiy vu ti dumo haɗa, asi hay ya mawuɗ i ndira na, i hay madiɗa, mukuy haɗi.

ƁI NGI HINEY MUCUW NAŊ 7:21

Tapas mizli masa cohom gweˀ tivi hay migila misenna tuwa na, hã a sa zuma taŋ hirnga, a sa ɓam: ‹Bumbulvuŋ a ga gwat da hirwuy hana ati hay misenna kahana vurmike?›

ESDRAS 3:12

Mizli haɗi a wuzla masayay, levihey, buy ngi hay ngi wuzla mizli misi vi haɗa haɗahaya, mupuraka hay ngi Bumbulvuŋ misi zleˀe ti hiri taŋ na, a tuwam ti gidaŋ, naɓa ara ɗuvaka virzi ngi hay nawaya ngi Buymisemuŋ. Amma mizli haɗa ara jam salalay aya.

MIKUCUWULOY 4:3

Ya vuna kwana, ya teŋteŋ avu baha zleˀe ya, yo maha a wuɗiy kaɓa mawuɗam zuŋ kirmalay.

TILA MI 9:10

Gwat gar misi zliv haŋ ɗike wirwir ngi gi naŋ na, ga ti haŋ vu ɗike, asi slra ati slufa ɓi ngi slra ka miga, si na gi gwat malla sinmijileŋ gar na, anta ar li ngi mumucahay, ka masa ru ng'ara na ta.

EZAYI 64:11

Ani so na, Bumbulvuŋ ndra, gwat hana gar, keɗ keɗ na, ki cifi di teˀ gu sukwa? Ki gi gwat neˀ le vurˀe ta, yo ki tika ndra ˀay fineˀ gidaŋ wãˀ sukwa?

EZEKIYEL 7:20

Gwat mezle ngi ɗiyavu taŋ na, a tiram di gwat ngi huhumo vu, a ɗiyam di kuli taŋ malambaˀ, mukuy tahay wãˀ. Vurˀe, i sa tiri di i gwat ngi zliɗ ar kitikil avu taŋ.

Ɗerewol AZE 2:3

Hay hana i mezle kuy ta wãˀ zleˀe ar dumbuŋ naŋ, mbur mindiro ti siifa ada a wuzla kumo mupura ɗaˀ kwa? Ki puraka wurenna, naŋ mbrike? Kum mapuraka wurenna na i hay mupuɗaw aruŋ kwa?

Ɗerewol AZE 2:9

Ya Bumbulvuŋ misi gidaŋ wãˀa, i ɓi na: hay hana, mezle naŋ mukuy ta wãˀ na, a sa funa misi mudumbuŋ zleˀe na, yo i sa ga ɓa zuy a ndir ar li misenna.»

Ɓimezle ngi Yesu Kristu LUK mitil di mi 21:5

Mizli mekelemey ara ɓaka ɓi ngi hay ngi Bumbulvuŋ, a ɓam: «A gakaŋ wuya kuy haɗi ti ɗugur mezlehey ati gwatay muvulaka taŋ da Buymisemuŋ.» Joˀ Yesu a ɓi:

Ɓimezle ngi Yesu Kristu ZAŊ mitil di mi 13:1

Dumbuŋ angi muguzlum Pak masa gi na, Yesu a si na le, pas naŋ a ndila le, ɓa a pula duniya misenna, ɓa a cuh ng'avi Cine naŋ. Yesu a wuɗ mizli naŋhay misi ar duniya le, a wuɗ taŋ hã avu kiɗa mi naŋ.

Ɓimezle ngi Yesu Kristu ZAŊ mitil di mi 3:30

Anja naŋ a gil, ya kwana, yi mi nga dirba.»

Ɓimezle ngi Yesu Kristu ZAŊ mitil di mi 9:4

Ani, i papas aruŋ ɗagay, anja i gam slra ngi mbur mislino ya. Duvuɗ ara ndilawa, mbur magi slra ti duvuɗo gu, anta.