ƁI NGI HIN GAR MUDUMBUŊ NAŊ 22:2 - Bible en langue guiziga

² Davit a ɓi ɓa a cikilaka mulakay misi asi ruwuy Israyele. A wini misina slra ngi ɗuguroy, ɓa a ciɗam ɗugur ngi ndira hay ngi Buymisemuŋ.

ƁI NGI HIN GAR MUDUMBUŊ NAŊ 22:2 ပူးပေါင်းရင်းမြစ်များ

SAMUYEL MUCUW NAŊ 5:11

Hiram, buy ngi Tir a slino mizli ng'avu Davite ti dum ngi miter, ti mikiɗa hayay, ti misina puɗka ɗugur ngi ndira mohol, a ndiraka hay da Davite.

BUYOY MUDUMBUŊ NAŊ 6:7

A ndiraka haya ti ɗugur miɗiyoko taŋ ɗiyeˀ ɗiyeˀ kine zle ar li busla ɗugur vuna si. Naŋ kine, ti taŋ mizikam ar li ndira hay gar na, ko a cinam ˀay ngi marto waɗ milngama ar li busla ɗuguro ta, malla ko hurum ngi ɓiri mekelem pal tekeɗe kwana, a cinam ta wãˀa si.

BUYOY MUCUW NAŊ 12:12

Da taŋ muslufaka dala le na, a vulaka asi haŋ ngi buyɓi ngi slrahay misi angi hay ngi Buymisemuŋ. Yo taŋ kwana, a wurkam di mizli miɗiya gwatay ati mikiɗa hayay magam slra ar hay ngi Bumbulvuŋ.

BUYOY MUCUW NAŊ 22:6

Migi slra tayna i micira dumoy, mikiɗa hayay, mindira hayay, yo ɓa a hiɗikam di mbalay ati ngi cira ɗugur jejekehey, ɓa ngi ɗiya hay ngi Buymisemuŋ.

ƁI NGI HIN GAR MUDUMBUŊ NAŊ 14:1

Hiram, buy madiɗa ngi Tir, a slino mizli ngavi Davite. A slinaŋ ti dum ngi miter, a slinaŋ miciɗa ɗuguroy, micira dumoy, ɓa a ndirakaŋ hay.

ƁI NGI HIN GAR MUDUMBUŊ NAŊ 29:1

Buy Davit a ɓa mizli mukusom akẽh gar: «Mangal ɗu Salomoŋ, Buymisemuŋ a wini i naŋ pal naŋ, i zuŋ aruŋ, yo a titil gi gwat ɗaˀ ta, na slra ngi gi na, naŋ haɗa, asi hay nah, a ndiraka da mbur ta, amma da Bumbulvuŋ Buymisemuŋ.

ƁI NGI HINEY MUCUW NAŊ 2:16

Salomoŋ a slufa mulakay misi asi ruwuy Israyele cek kaɓa cine naŋ Davit muslufa zleˀe na, mulakaya taŋ durmuk skat ti kukur zlum nga makir, ti skat skat merkeɗe.

ƁI NGI HINEY MUCUW NAŊ 2:17

Salomoŋ a hil mijijira gwatay asi taŋ, durmuk kukur tarnaˀ, miciɗa ɗuguroy a muwã durmuk kukur dangafaɗ, waɗ durmuk makir ti skat skat merkeɗ ngi jigina mizli ɓa a gam slra.

ESDRAS 3:7

Waɗ ma na, a wurkaka miciɗa ɗuguroy waɗ mujuwa marjahaya, yo a vulaka gwat ngi zum, gwat ngi si waɗ mal da mizli Sidoŋhoy ati mizli Tirey, ɓa taŋ kwana, a slinoko taŋ dum ngi widis miter ngi Libaŋ tir mubuliy, hã sesẽŋ a Zafa. A gaka kanah, asi Sirus, buy ngi Perse, a vula taŋ jiviɗ nah le.

EFESEY 2:12

Zleˀe na, kum kileŋ avu Kristu, kum i mulakay. Kum anta wuzla mizli ngi Buymisemuŋhoyo ta. Buymisemuŋ mujum ˀay ati mizli naŋhay, naŋ miɓa ɗaˀ le na, kum anta nga ta. Kum manja Buymisemuŋ ar duniya, yo manja njaha hiri.