ƁI NGI HIN GAR MUDUMBUŊ NAŊ 19:9 - Bible en langue guiziga

⁹ Mizli Amoŋhoy, ara cinjaham a mizlingreŋ ngi walahay taŋ hirnga, ɓa ngi kiɗa vu. Buy madiɗa muso nga jini taŋ tuwa, taŋ a cinjaham pal taŋ a ɓuh.

ƁI NGI HIN GAR MUDUMBUŊ NAŊ 19:9 ပူးပေါင်းရင်းမြစ်များ

SAMUYEL MUCUW NAŊ 10:8

Soje Amoŋhoy a bam, ara cinjaham ɓa ngi kiɗa vu gweˀ avu mizlingre ngi ci ng'ar walahay taŋ. Mizli A ram ngi Sobahay ati ngi Rehoboy, yo mizli ngi Toboy ati Maˀakahaya taŋ ngac pal a duba gala.

SAMUYEL MUCUW NAŊ 18:4

Buy a mbiɗa taŋ di: «I sa ga gwat kum mawuɗama.» Mizli, ti taŋ mira bam, mizli skat skat, mizli durmuk durmuk na, naɓa buyo naŋ da deŋ gweˀ a mizlingre ngi walahaya.

BUYOY MUDUMBUŊ NAŊ 20:1

Ben-Hadat, buy Siri, a kuso soje naŋhaya gar. Buyoy kukur makir nga cuw mujumoko ng'avaŋ, naŋ ti pilisey ati mota ngi vurumoyo ma. Aru, a ndaha hirnga ngi walahay Samari, a zlaŋ ngi kiɗa vu.

BUYOY MUDUMBUŊ NAŊ 20:24

Wurenna so na, gwat ka masa ga anihĩ: Buy gar na, kiraha tir li ngi slra naŋ avra, ci buy miwi li ar li naŋ.

ƁI NGI HIN GAR MUDUMBUŊ NAŊ 19:10

Zoˀap a pura keɗ keɗ na, kiɗa vu naŋ ti dirba tumbuŋ. A wini soje mezle mezle a wuzla Israyeleye, a cinjaha taŋ a puɗak angi Siriheye.

ƁI NGI HIN GAR MUDUMBUŊ NAŊ 19:8

Davit micina cin si na, a slina Zoˀap ati soje gambaraˀahaya cek.

ƁI NGI HINEY MUCUW NAŊ 13:3

Abiya a zla vurumo ti soje hirngahay durmuk skat skat mufaɗ, i soje midar daray. Zeroboˀam kwana, a cinjih ngi kiɗa vu ati Abiya i soje naŋ muwuna taŋ ti wini, durmuk skat skat dangafaɗ, i soje miwirwirey.

ƁI NGI HINEY MUCUW NAŊ 14:10

Asa a tila mi da Bumbulvuŋ Buymisemuŋ naŋ, a ɓaŋ: «Bumbulvuŋ, mbur maci ar wala ngi mbur migidaŋ ati hĩhĩy kaɓa ka anta, sey ka. Jina ndra Bumbulvuŋ Buymisemuŋ ndra! Asi ndra mijaham jah na ti ka, yo ndra musoko nga kiɗa vu ati zigiduw mitaˀ hana na, ti slimiɗ ɗiki. Bumbulvuŋ, ki Buymisemuŋ ndra. Ki pula mbur a tikuwˀay ta.»

EZAYI 28:6

A sa vula wuluk mijeŋŋe da mbur magi kiita mijeŋŋe, a sa vula wirwir da mizli maɓulaka mesene taŋhay misi a mizlingre ngi walahaya.

ZEREMI 50:42

Taŋ ti lek ati ziwitey kaw kaw a haŋ, i misi moˀorehey haɗi, ircece anta avu taŋ ta. Hurum taŋ kaɓa ngi yam ar mubuliy, taŋ gilaˀ gilaˀ ar pilisey, ka Babiloŋ, a cinjaham le ar ka, kaɓa mizli macinjaham ngi gi vurum.

ZOWEL 2:5

A hurumom kaɓa mota ngi vurumoy majiɗam a hirnga muwã, kaɓa hurum ngi vu mandisl ar li wura giziŋ muˀuloŋ, kaɓa mizli migidaŋhay micinjaham le ngi gi vurum.

SAMUYEL MUDUMBUŊ NAŊ 17:2

Sawulo ya kwana, naŋ ati soje Israyeleye, a kusom a pam sar ar sozo mazilaka ‹widis madiɗakaŋ›, a cinjaham ngi kiɗa vu gaŋ gaŋ ti Filistiheye.