ƁI NGI HIN GAR MUDUMBUŊ NAŊ 19:3 - Bible en langue guiziga

³ Amma yarma ngi Amoŋhoy a ɓaka Hanuno: «Davit mislino gawla naŋhay na, i ngi tikinuw ar li tuwa bunuk tew kwa? I ngi pura li, ngi pi mi da mizli, ɓa a sa tiɓaka ruwuyo ta kwa?»

ƁI NGI HIN GAR MUDUMBUŊ NAŊ 19:3 ပူးပေါင်းရင်းမြစ်များ

SAMUYEL MUCUW NAŊ 10:3

Amma mizli madiɗa ngi Amoŋhoy a ɓaka buy taŋ Hanuno na: «Davit mislino mizli naŋhay ngi so tikinuw ɓa ki taˀa tuwuyo na, ki wakaɓa a cik di i hirnga ti cik da bunuko gisiŋ kwa? Davit a slino gawla naŋhaya na, ngi jiɗa walahaya, a puraka, ɓa a sa zuma da naŋ ta kwa?»

ƁI NGI HIN GAR MUDUMBUŊ NAŊ 19:2

Davit a ɓi so na: «I sa ga mezle da Hanun mangal ngi Nahasa, asi cine a giy di le zleˀe kanah ya.» Davit a slin gawla naŋhay, ɓa ara tikinakaŋ ar li tuwa cine. Dar gawla naŋhay tuwa, a ndilam a hirwuy ngi Amoŋhoy.

ƁI NGI HIN GAR MUDUMBUŊ NAŊ 19:4

Akẽh na, Hanun a ja gawla ngi Davitey tuwa, a hija taŋ mazlamaya, a buko taŋ zanahaya hiɗiyaŋ hiɗiyaŋ hã a virzi, dar a ɓula taŋ.

MIGI KIITAHAY 18:2

Daŋhay a slinam mizli migi vurumoy zlum asi taŋ, zle a Kore ati Esetaol, ɓa ara puroko hirwuyo kuy kuy, ɓa a sinakaŋ. A ɓaka mizli muzlumoy tuwa: «A ra puroko ruwuyo kuy kuy!» Mizli muzlumoy tuwa, a ndilam ar muwã Efrayime, ara ndilam a hay Mika, a hinam a diga.

SAMUYEL MUDUMBUŊ NAŊ 29:4

Buy Filistihey a jam mevel ar Akise, a ɓakaŋ: «Ɓula mbur nah ɓa a mi ng'ar li ka muvulaŋ di, ɓa a cifi anga na. Anja aru asi ndra ng'ar vurumo ta, vur naŋ masa mbuɗo hiri a muŋ ngi kiɗa vu ati ndra. Mbur misenna a sa mi, ɓa buy naŋ a hĩyãŋ na mbri mbrike? Na sey da aru le ti hirnga ngi mizli ndrahay takwa?

SAMUYEL MUDUMBUŊ NAŊ 29:9

Akis a mbiɗa da Davite: «Haˀaw yi si na le, i hĩyuw haɗa kaɓa ki modro ngi Bumbulvuŋ. Amma buy Filistihey a ɓam na: Anja ki ru asi ndra ng'ar vurumo ta kini.