ƁI NGI HIN GAR MUDUMBUŊ NAŊ 17:9 - Bible en langue guiziga

⁹ I sa vula li cifi da sukwi ɗu Israyele, i sa cifaŋ virzi hǝrǝk hǝrǝk, a sa ndir wãˀ anga. Anta a sa zluwun mata.

ƁI NGI HIN GAR MUDUMBUŊ NAŊ 17:9 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 17:10

Diga ti ya mupula sukwi ɗu Israyel asi haŋ migi kiitahay, ɓa a jiginaka na, i hina hirnga da mesene ɗikeye le gar, joˀ yi ɓuw na: Ya Bumbulvuŋ, yi sa ɗuvuw hay taˀ.

ƁI NGI HIN GAR MUDUMBUŊ NAŊ 17:8

Ar li ka muru le gar na, y'ada ati ka, i kiɗa mesenehey misi a mbuŋ ɗike le gar. Slimiɗ ɗik a sa zil haɗa kaɓa ngi buy madiɗa ngi si ruwuyoy na, mbele ya.

DIMISEY 44:2

Haˀaw Bumbulvuŋ ndra, slra madiɗahay, ka miga taŋ ar hin ngi dideˀ ndrahay, zlezlezleˀe na, a slufam ndra di le, i cinaka ɓi nah le ti slimiɗ ndra.

DIMISEY 89:22

i sa jaŋ kaw gidaŋ gidaŋ, yo i sa vulaŋ gidaŋ ti hirbazla ɗu.

DIMISEY 92:13

Mbur mijeŋŋe a gil laɓ laɓ kaɓa dibinoje, a ki haŋ ɓaˀ ɓaˀ kaɓa miter ngi ruwuy Libaŋ.

BI NGI ISRAYELEY 2:23

A zikam a zikam na, buy Ezipte a mucu. Israyeley ara niˀicam ti slra i ngi beke migisiŋ gisiŋ, a wudam. Widi taŋ ti slra migisiŋ gisiŋ ngi beke na, a ndil sesẽŋ avu Buymisemuŋ.

EZAYI 49:17

Zeruzalem, mizli masa ndirukuw hiri naŋ a muŋ na, ara ndiloko kutum, yo mizli muwuhukuw, mumbuzlukuw na, ara kilam le kileŋ avu ka.

EZAYI 60:18

Zle dana, anta sa cinam ɓi ngi moˀore asi hirwuy ɗike mata, ko ar maakway ngi hirwuy ɗike kwana, hirya gwatay ati waha walahay gar na, anta sa cinam ɓi nah mata. Amma kisa zila mohol ɗikeye ‹Laha vu›, yo mizlingre ɗikeye, ‹Hunuma Bumbulvuŋ›.

EZAYI 61:3

ɓa i tuwuɗa loppol a hirnga mizli mutuwa Siyoŋhoyo. Haˀaw, i sa tuwuɗa taŋ di i loppol gisiŋ, i pa taŋ fucu a hirnga ta, i sa pa taŋ urdi mimezle haɗa ngi vula mumul, i urdi ngi tuwa vagay ta, i sa vula taŋ zana ngi muguzlum, ar deɗe ngi ndurɓo hiri taŋ. Hana gar na, ɓa mizli a sa zilaka taŋ ‹Widis ngi ɗuva hirnga da Buymisemuŋ, yo guva ngi Bumbulvuŋ, mihĩˀĩ ngi biga dudok naŋ›.

ZEREMI 24:6

I sa ɗuva hiri taˀ avu taŋ ngi mezle, yo i sa mo taŋ a muŋ ng'asi ruwuy hana. I sa ndira taŋ ti ndir muduba, y'anta sa waha taŋ ti wuh mata, i sa hirva taŋ ti hirvi muduba, y'anta sa muɗa taŋ avra mata.

ZEREMI 32:41

Masa ciriy hiri da ya, i ya masa mba taŋ ti gi mezle na. Haˀaw, i sa ga ɓa a cifam hǝɗ hǝɗ ngi wãˀ gisiŋ angi hirwuy hana, i sa ga ti mevel ɗu wãˀ, ti membezleŋ ngi vu ɗu wãˀ.»

EZEKIYEL 28:4

Ki lum zlili le haɗa ti sin ɗik mijileŋ waɗ ti lesl ɗik na. Ki lum di zlili ngi ɓiri tapasl tapasl ati ngi ɓiri bara.

EZEKIYEL 34:13

I sa bo taŋ ti wuzla mizli, i sa cikilo hirnga taŋ ti ngi hirwuy wal wala, i sa mo taŋ ng'asi ruwuy taŋ. I sa jigina taŋ a muwã Israyeley, a mi zlazlaray waɗ angi li misi mizli ara ara gar.

EZEKIYEL 37:25

Ki sa cifam angi hirwuy, ya muvula da gawla ɗu Zakop, i hirwuy dideˀ kumoy mucufam zleˀe angaŋ. Kum ati ziri kumoy waɗ dideˀ kumoyo, kisa cifam anga wãˀa. Gawla ɗu Davit a sa ndir i buy kum ngi wãˀa.

AMOS 9:15

I sa cufa taŋ joˀ kuy kuy ar hirwuy taŋ, anta sa ɓulaka taŋ tisi ruwuy taŋ mata, hirwuy ya muvula taŋ di na. I ya Bumbulvuŋ, Buymisemuŋ ɗik maɓi.»

EFESEY 5:6

Anja mbur a gukum gilaw ti ɓi malambaˀhay ta. Buymisemuŋ mazuɓ himaˀ ar mizli macinakaŋ mi ta na, aseˀeŋ.

ƁIMUNJUYO 21:4

A sa sõhõ taŋ tuwuy ngi hiri taŋhaya gar. Muc a sa gi anta mata, tuwuy ngi vagay, widi ati bonoy, a sa so anta mata. Asi gwat magalahay a susuymom le.»