ƁI NGI HIN GAR MUDUMBUŊ NAŊ 17:5 - Bible en langue guiziga

⁵ Na zle, diga ya mubo ti Israyeley ti ruwuy Ezipte na, i cifi ɗaˀ ar haya ta. I cifi aka aka ar guɗuku.

ƁI NGI HIN GAR MUDUMBUŊ NAŊ 17:5 ပူးပေါင်းရင်းမြစ်များ

SAMUYEL MUCUW NAŊ 6:17

A soko ti akoti tuwa, a hur guɗuk Davit miɗiya hĩˀĩ vurˀeŋ. Davit a ga mikuli da Buymisemuŋ, mikuli mizlam zlam wãˀ waɗ mikuli ngi jumoˀay.

SAMUYEL MUCUW NAŊ 7:6

Asi mike na, zle ti ya mubo ti Israyeley ti Ezipte, hã dana na, yi cifi joˀ le ar haya ta. Ya mikisa Israyeley na, ar deɗe ngi hay ɗu i guɗuku.

BUYOY MUDUMBUŊ NAŊ 8:16

‹Zle ti ya mubo ti mizli ɗuwoy Israyeley ti Ezipte na, a wuzla walahay ngir sukwi ngi Israyeley gar na, ɓa walahay hana a sa ndirikiy hay anga ngi zila slimiɗ ɗu na, ko yi wini ta. Amma yi wuna Davite le ɓa a tiri buy ngi Israyel mizli ɗuwoy na ɓula.›

BUYOY MUDUMBUŊ NAŊ 8:27

Ani na, Bumbulvuŋ vuna a cifi a ruwuyo gisiŋ sukwani? Birngiŋ, ko ti naŋ mihaɗa gar na kwana, a ndila ngi cifi ti naŋ ta na si. Sokkota Hay ya mindira hana jak kwa.

BUYOY MUDUMBUŊ NAŊ 8:4

Naŋ kine, masayay ati levihey, a jijiraka akoti ngi jumoˀay ngi Bumbulvuŋ ati guɗuk ngi zlir ati Bumbulvuŋ waɗ gwat muvulahay da Bumbulvuŋ misi anga gar.

ƁI NGI HINEY MUCUW NAŊ 2:6

Wurenna so na, sliniy ti mbur misina slra ngi ɓiri tapasl tapasl, ngi ɓiri bara, ngi ɓiri gaza, ngi ɓiri ho gar, misina ji gabaga munduva cihhe, gagaza mindezze waɗ gagaza miwitwit, yo mbur misina ciɗa gwatay le, a sa jumom ati misina ɗiya gwatay misi a ciki ɗu a Zuda waɗ a Zeruzalemey aka, mizli baha Davit miwi taŋ vu zleˀe si.

ƁI NGI HINEY MUCUW NAŊ 6:18

Ani na, Buymisemuŋ vuna, zliv a cifi ati mizli a ruwuyo gisiŋ sukwani? Muŋ, ko ti naŋ mibirngiŋ gar na, a cifi di joˀ gu ta. Sokkota hay ya mindira hana jak kwa?

ƁI NGI HINEY MUCUW NAŊ 6:5

‹Zle ti ya mubo ti Israyel mizli ɗuwoy ti Ezipte na, a wuzla walahay ngir sukwi Israyel gar, ɓa walahay hana a sa ndirikiy hay anga ngi zila slimiɗ ɗu na, ko i wini ta. Yo i wini mbur mekelem ɓa a tiri buy ngi Israyel, mizli ɗuwoyo ta.

ƁI NGI HINEY MUCUW NAŊ 6:6

Amma i wina Zeruzaleme le, ɓa i ndir angaŋ. Yo i wina Davite le ɓa a cifi buy ngi Israyel, mizli ɗuwoy.›