ƁI NGI HIN GAR MUDUMBUŊ NAŊ 17:20 - Bible en langue guiziga

²⁰ Bumbulvuŋ, mbur ngi wi ti ka anta, mbak ka le na, Buymisemuŋ mekelem anta, i cinaka le ti slimiɗ ndra, a ɓaka ndreehe kanah.

ƁI NGI HIN GAR MUDUMBUŊ NAŊ 17:20 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 17:19

Bumbulvuŋ, ka miga gwat madiɗa tayna cek na, asi ka misi ti mevel mezle avu gawla ɗike, yo ɓa ngi biga ka madiɗa haɗa.

ƁI NGI HIN GAR MUDUMBUŊ NAŊ 17:21

Naŋ kine ya, sukwi mekelem a ruwuyo, misi kaɓa sukwi Israyel ada kwa? I sukwi ka Buymisemuŋ mira tuɓo di asi haŋ Eziptehey, ɓa a tiri sukwi, ɗiki. Slimiɗ naŋ ara zil, ara gi gwat ngi gi zluwun ngi ɓula sukwi ngi mizli a mbuŋ sukwi naŋ.

DIMISEY 44:1

Dimis ngi wuzla dimis ngi sukwi Kore. I mulumo di ar ɗerewol ngi buy dimis.

DIMISEY 86:8

Bumbulvuŋ, a wuzla gwat mizli mahuruk hurukam avu taŋ gar na, munduluw ka anta! Gwat ka maga gar na, ko ngi wa ati naŋ anta.

DIMISEY 89:6

Bumbulvuŋ, anja modro ɗik ngi muŋhoy a hunumukuw asi gwat ngi zuma hirng'aka maga na, yo anja a hunumukuw ar kus ngi mizli ɗikey a muŋ asi gi teŋteŋ ɗik na.

DIMISEY 89:8

Buymisemuŋ, ar li ngilawuy ngi mizli ɗikeye, ki ga taŋ zluwun haɗi teˀe, Buymisemuŋ ki gi zluwun da mbur haɗa fineˀ mugun hirnga ɗikeye gar.

DIMISEY 97:9

Asi mike na, ka Bumbulvuŋ, ka Mifineˀ gwat ngi si ruwuyoy gar na, mawo kulihey gar baɗ a muŋ i kaha!

BI NGI ISRAYELEY 15:11

Bumbulvuŋ, a wuzla kuliheye, ngi wi ati ka ada kwa? Buymisemuŋ mipal kaɓa ka ada kwa? Buymisemuŋ misi gwat ngi gi naŋ a gi zluwun da mbur na, ada kwa? Buymisemuŋ magi gwat mezle ngi pur hiri ngal ngal na, ada kwa?

BI NGI ISRAYELEY 18:11

Wurenna, i si na le muduba, Bumbulvuŋ naŋ madiɗa fineˀ kuliheye, a biga ti Eziptehey maguzuvuraka Israyeley.»

BI NGI ISRAYELEY 8:10

A hilaka taŋ zikitiŋ zikitiŋ, Ezipte gar a zĩˀĩ gec tititi.

BI NGI ISRAYELEY 9:14

Asi wurenna, i wuɗ i slino bonoyoy cek ng'ar ka muduba, nga hirnga ɗik vuna, ng'ar gawla ɗikey waɗ ng'ar mizli ɗikey, ɓa kisa sina, ko mbur pal ngi wa ti ya anta asi ruwuyo ta.

EZAYI 40:18

Ki wuɗam ki waka Buymisemuŋ ati waka? Gwat mubam vu ati naŋ neˀ ada kwa?

EZAYI 40:25

Buymisemuŋ mipal a ɓi: «Ki sa wikiy ati waka? Misi rak rak ati ya i waka?»

EZAYI 43:10

«Sedewo ɗuwoy i kum mizli ɗuwoy, gawla ɗuwoy i kum, ya muwunukum, ɓa ki slaka wala ngi ɓi, ɓa ki tiɓikiy a mevel kumo, yo ɓa ki sinaka kuy kuy, yi Buymisemuŋ. Buymisemuŋ mekelem dumbuŋ ar ya, ɓa ki huruk hurukam a mbuŋ naŋ na, anta, yo a dirba ɗu kwana, anta ma. I ya Bumbulvuŋ maɓi.

EZAYI 44:6

Israyeley, Bumbulvuŋ, buy madiɗa kum, mimbiɗi hirnga kum, Bumbulvuŋ, Misi Gidaŋ wãˀa, a ɓukum na: «Mudumbuŋ i ya, ngi dirba i ya ma. Mbak ya le na, Buymisemuŋ mekelem anta.

EZAYI 45:22

Kum mizli ngi si duniya gurzluˀ gar, mbuɗoko hiri ng'avi ya, ɓa kisa lahama. Asi mike, Buymisemuŋ i ya, mekelem anta.

EZAYI 45:5

Bumbulvuŋ i ya, mekelem anta, mbak ya le na, Buymisemuŋ mekelem anta. I sirkuw le ngi vurumo, manja ki siniy.

EZAYI 63:12

Mbur muvula gidaŋ da Moyis ti haŋ migidaŋ tuwa naŋ amaka? Mbur muwucaha yam ngi mubuliy wucah a mbuŋ mizli naŋhay, ɓa slimiɗ naŋ a zil ngi caˀa tuwa, naŋ amaka?

EFESEY 3:20

Buymisemuŋ a ndila le ngi ga ndra gwata haɗa, a sluf ta, fineˀ ndra macufuɗakaŋ ati ndra mawulkaka na. Asi ara gi slra a hur ndra ti gidaŋ naŋ.

Slu cuw 3:24

«Aw Bumbulvuŋ Buymisemuŋ ɗu, madiɗa ɗik ati gidaŋ ngi zumabuy ɗike, ki biga le da gawla ɗike. Buymisemuŋ mekelem ada muŋ malla ada a ruwuyo, mindila gi slra ɗik mezle na kwa?

Slu cuw 33:26

A dirba nah, Moyis a ɓi ma: «Yesuruŋ, kuli mibam vu ati Bumbulvuŋ ɗike anta! Naŋ ti gidaŋ, a ngiro muŋ ati gazlavaya cããt, ara sawa nga jini ɗike.

Slu cuw 4:35

Kumo ki bam ti jiŋ le, ki puraka gwat tayna le, ɓa ki sinaka Bumbulvuŋ i Buymisemuŋ, mekelem mbak naŋ le na, anta mata.

Slu cuw 4:39

Sinaka sin le dana, yo wulkaka ndrehhe: Bumbulvuŋ naŋ purla, i Buymisemuŋ, naŋ ar birngiŋ a muŋ waɗ a ruwuyo ma, yo mekelem mbak naŋ le na, anta mata.

SAMUYEL MUDUMBUŊ NAŊ 2:2

Buymisemuŋ naŋ pal, misi kaɓa naŋ anta. Mbur mekelem pal misi kaɓa ka anta. Mijini ˀis misi kaɓa Bumbulvuŋ ndr'anta.