ƁI NGI HIN GAR MUDUMBUŊ NAŊ 17:16 - Bible en langue guiziga

¹⁶ Akẽh na, buy Davit a so cifi a mbuŋ Bumbulvuŋ, dar ɓi: «Bumbulvuŋ Buymisemuŋ ɗu, ndra ati hay ɗo, ndr'i ndilaka ɓa ki gi ti ndra kaɓa hana ta.

ƁI NGI HIN GAR MUDUMBUŊ NAŊ 17:16 ပူးပေါင်းရင်းမြစ်များ

ZLI VIRZI 32:10

A dirba nah, Zakop a dir dibiɗ: «Aw Buymisemuŋ ngi dideˀ ɗu Abraham ati ngi baha Izak, ka Bumbulvuŋ miɓiy: Mi nga hirwuy ɗik, nga wuzla muy ɗikey, i sa guw mezle tuwa na,

SAMUYEL MUCUW NAŊ 7:18

Dar Davit ara cici a mbuŋ Buymisemuŋ, ar guɗuk ngi Bumbulvuŋ, a ɓi: «Bumbulvuŋ Buymisemuŋ, ɗu, ya malla mizli ngi hay ɗuwoyo, gwat ka muvula hana gar na, i ndilaka ɓa i lumaka ta.

BUYOY MUCUW NAŊ 19:14

Ezekiyas a tiɓa letir tuwa ti haŋ mislineye, a slufaŋ. A dirba nah, a jiɗ di ng'ar hay ngi Bumbulvuŋ. Ezekiyas a puska letire, a biga da Buymisemuŋ.

ƁI NGI HIN GAR MUDUMBUŊ NAŊ 17:15

Buymisemuŋ a biga gwat da Nataŋ, joˀ Nataŋ ara slufa mingiɓi nah ati gwat naŋ mupura cek da Davite.

ƁI NGI HIN GAR MUDUMBUŊ NAŊ 17:17

Amma tivi ka, naŋ muk t'aruŋ Buymisemuŋ ɗu. Ani ki ra ɓi ɓi ngi sa gi gwat da hay ɗu nga mbuŋ ma. Bumbulvuŋ Buymisemuŋ ɗu, ki ra puriy kaɓa mbur madiɗaŋ.

ƁI NGI HIN GAR MUDUMBUŊ NAŊ 29:14

Yi waka? Yo sukwi ɗu i waka? Ɓa i lumam gidaŋ ngi vula gwat ti mevel purla kahana naka? Gwat gar a bo tivi ka, gwat ɓa i vulukuw di gu na, sey a bo tivi ka.

ƁI NGI HINEY MUCUW NAŊ 1:8

Salomoŋ a mbiɗaŋ di: «Buymisemuŋ ɗu, ki ga mezle le haɗa da baha Davite, yo ki cifi ti ya buy le ar li naŋ ma.

DIMISEY 144:3

Bumbulvuŋ ɗu, mbur vuna i mi, ɓa ki ki slimiɗ ara naka? Mbur titra vuna i mi, ɓa ki wuluk ara naka?

SLRA 26:22

Y'ada hã dana aruŋ na, mbele Buymisemuŋ majiginiy. Yi ra gi sedewo avu ziri ati mizli madiɗahay gar. Mijiviɗey ati Moyise, a ɓaka ɓi ngi gwat masa gi na le zleˀe si, y'anta ɓi ɓi mifineˀ nga taŋ na mata, asi a ɓam na:

KORENTIHEY MUCUW NAŊ 1:10

Milaha ndra tir muc misi kahana na, i naŋ. Yo a sa laha ndra ti ra ava ma. I njaham hiri le asi naŋ, a sa laha ndra ti ra ava ma.

EFESEY 3:8

Mitiɓihey ngi dirbahay wãˀ na, yi mikiɗa mi taŋ ndok wãˀ. Dambalaka na, Ɓimezle ngi Kristu mihaɗi makiɗ mi ta na, Buymisemuŋ a giy mezle le, ɓa i til di mi da mizli Yudehey ta na.

MIGI KIITAHAY 6:15

Amma Zedeyoŋ a mbiɗaŋ di: «Ambuh kumani ɗu! I sa laha Israyeleye mbri mbrike? Sukwi ɗu, muy ɗuwoy ar sukwi ngi Manase i miĩya wãˀ, yo ya kwana, yi zuŋ hiri meciɗek wãˀ a hay baha!»

SAMUYEL MUDUMBUŊ NAŊ 7:12

Samuyel a zuɓ ɗugur waɗ a ng'akaˀ ar wala ngir Mispa ati Daŋ. A vula slimiɗ da li nah Ebeŋ-Ezer, mbiɗeˀvra ‹ɗugur mijini›, asi a ɓi na: «Buymisemuŋ mijino ndra na sesẽŋ aka.»

SAMUYEL MUDUMBUŊ NAŊ 9:21

Sawul a mbiɗaŋ di: «Yi mbur Benjameŋ, sukwi mimeciɗek ngi wuzla sukwi ngi Israyeley takwa? Yo ma na, muy ɗuwoy i ngi dirba wãˀ a wuzla sukwi ngi Benjameŋ takwa? Ki ɓiy ɓi misi kanah mbri mbri maka?»