ƁI NGI HIN GAR MUDUMBUŊ NAŊ 17:1 - Bible en langue guiziga

¹ A cufaka Davite le ar hay naŋ muduba. Ngi pas numuŋ ada na, Davit a ɓa mijiviɗ Nataŋ: «Ya yi hin ar hay miɗiya ti dum ngi miter, na akoti ngi jumoˀay ngi Bumbulvuŋ naŋ ar guɗuk miɗiya ti godo na, ki wuluk mbrike?»

ƁI NGI HIN GAR MUDUMBUŊ NAŊ 17:1 ပူးပေါင်းရင်းမြစ်များ

SAMUYEL MUCUW NAŊ 12:1

Bumbulvuŋ a slina Nataŋ ng'avu Davit. Nataŋ ara luuma Davite, a ɓaŋ: «Ar walahay mekelem ada na, mizli ada cuw. Mekelem i mbur misi zlili, yo mbur numuŋ i misi murga.

SAMUYEL MUCUW NAŊ 12:25

Joˀ a slina mijiviɗ naŋ Nataŋ ɓa ara ɓaŋ wuɗ naŋ mawuɗaŋ na. Nataŋ a caŋ slimiɗe Yedidiya. Mbiɗeˀvra: Bumbulvuŋ muwuɗaŋ.

SAMUYEL MUCUW NAŊ 6:17

A soko ti akoti tuwa, a hur guɗuk Davit miɗiya hĩˀĩ vurˀeŋ. Davit a ga mikuli da Buymisemuŋ, mikuli mizlam zlam wãˀ waɗ mikuli ngi jumoˀay.

BUYOY MUDUMBUŊ NAŊ 1:23

Mijiviɗ Nataŋ mindilo tuwa na, mizli a ɓaka ɓi nah da buyo: «Mijiviɗ Nataŋ n'ani» Nataŋ a ci ng'avu buyo, a huruk huruk a mbuŋ naŋ.

BUYOY MUDUMBUŊ NAŊ 1:44

Masay Sadok, yo mijiviɗ Nataŋ ati Benaya, mangal ngi Yoyada, waɗ Kretey ati Pleteye, buy Davit a slina taŋ le ɓa a ki sakaŋ, yo a zuɓakaŋ le ar zungu-pilis ngi buyo.

BUYOY MUDUMBUŊ NAŊ 1:8

Amma ko masay Sadok, Beneya, mangal ngi Yoyada, mijiviɗ Nataŋ ati Simey, yo Rey ati soje mihĩˀĩ ngi buy Daviteye, t'anta asi Adoniya ta.

BUYOY MUDUMBUŊ NAŊ 8:17

Dambalaka na, baha Davite, a juwa le a mevele ɓa a ndira hay da Bumbulvuŋ, Buymisemuŋ ngi Israyele, ɓa a zilaka slimiɗ naŋ anga.

ƁI NGI HIN GAR MUDUMBUŊ NAŊ 14:1

Hiram, buy madiɗa ngi Tir, a slino mizli ngavi Davite. A slinaŋ ti dum ngi miter, a slinaŋ miciɗa ɗuguroy, micira dumoy, ɓa a ndirakaŋ hay.

ƁI NGI HIN GAR MUDUMBUŊ NAŊ 15:1

Davit a ɓi ɓa a ndirakaŋ hayay ar walahay nga naŋ Davit. A ɗiyi li da akoti ngi Buymisemuŋ, a ɗiyaŋ guɗuk a hirnga naŋ.

ƁI NGI HIN GAR MUDUMBUŊ NAŊ 16:1

A cam ti akoti ngi Buymisemuŋ tuwa ng'ar guɗuk, Davit miɗiya hĩˀĩ vurˀe tuwa, a ɗuvaka taˀ a wuzla. A dirba nah, Davit a gi mikuli mizlam zlam wãˀ da Buymisemuŋ waɗ mikuli ngi luuma zuy a mbuŋ Buymisemuŋ.

ƁI NGI HIN GAR MUDUMBUŊ NAŊ 17:2

Nataŋ a mbiɗa da Davite: «Gwat ka muwulka le ngi gi gar na, gaŋ, asi Buymisemuŋ naŋ da ati ka»

ƁI NGI HIN GAR MUDUMBUŊ NAŊ 17:5

Na zle, diga ya mubo ti Israyeley ti ruwuy Ezipte na, i cifi ɗaˀ ar haya ta. I cifi aka aka ar guɗuku.

ƁI NGI HIN GAR MUDUMBUŊ NAŊ 22:6

Davit a zila mangal naŋ Salomoŋ, a ɓaŋ ɗaˀ ɓa a ndir hay da Bumbulvuŋ Buymisemuŋ ngi Israyel.

ƁI NGI HIN GAR MUDUMBUŊ NAŊ 22:7

Davit a ɓa Salomoŋ: «Mangal ɗu, y'ada ti wuluk zleˀe ngi ndira hay ti slimiɗ ngi Bumbulvuŋ Buymisemuŋ ɗu.

ƁI NGI HIN GAR MUDUMBUŊ NAŊ 28:2

Buy Davit a slikiɗ deŋ, a ɓa taŋ na: «Sukum ɗuwoy ati mizli ɗuwoy, cinaka mingiɓi ɗu ɗi. Ndira hay ngi ki akoti ngi jumoˀay ngi Bumbulvuŋ waɗ li ɗuva sar ngi Buymisemuŋ ndra na, wuluk naŋ naŋ da a mevel ɗu, yo i juw vu le ɓa i ndiraŋ.

ƁI NGI HIN GAR MUDUMBUŊ NAŊ 29:29

Ɓi ngi Davite, diga zli virzi naŋ hã avu kiɗa mi naŋ na, i mutoho le toh toh angi ɗerewol mazilaka slra ngi Samiyel mbur mupur, ar ngi mijiviɗ Nataŋ, ar ngi mijiviɗ Gat mbur mupur.

ƁI NGI HINEY MUCUW NAŊ 1:4

Davit a zuɓa akoti ngi Buymisemuŋ ti Kiriyat-Yeˀarime ng'ar li Buymisemuŋ mibigaŋ di. Asi Davit a ɗiyi guɗuk le hĩˀĩ vurˀe a Zeruzaleme.

DIMISEY 132:5

Sey da ya muluma li cifi le da Bumbulvuŋ ɗagay, yo ya muluma hay da Bumbulvuŋ migidaŋ ngi Zakopo le far!»

BI NGI ISRAYELEY 26:1

«Guɗuk ngi Buymisemuŋ, kisa wuɗ godohoy kufulah kufulah kuruˀ, mija ti gugumay misira mislirkeɗ, lahaɗ ti ngwic ngi tumuŋ munduva naŋ wit wit, gagaza cihhe waɗ gagaza ndezze. Ki sa gaŋ wuya ti kerubeŋhey miɗiya dingal dingal kuy kuy.

ZEREMI 22:15

Ka mawa vu ɗik ati dum ngi miter na, ki wa na, zumabuy ɗik a sa ndir vurˀe sukwani? Cine ɗike, a zum, a si gwata le, a ga gwata kaɓa ɓimujuwa mitaˀ gar ati ɓi mijeŋŋe mawuɗo, naŋ micifi ar ndum na vurˀe!

DANIYEL 4:4

Dar misi cucukoy, muɓula musuɗukoy, mizli Babiloŋhoy waɗ mipi daˀasay a ndiloko. Yi ɓa ɓi ngi musuwun ɗu a mbuŋ taŋ, amma ko a ɓikiy mbiɗeˀvra naŋ ta.

Ɗerewol AZE 1:4

«Hay ngi Bumbulvuŋ i mumbuzla le, ani a zlir le ɓa kumo, ki hinam ar hay kum miɗiyahay le ɗiyeˀ ɗiyeˀ kuy kuyo sukwani?

Ɗerewol AZE 1:9

Ki njaham hiri, anja ɓa ki lumam gwat ngi migama haɗa, amma kisa lumam neˀkini. Gwat ngi migam kumoy, kum miram taŋ le ngi haya na, i ˀufo himiɗ ara, a zliɗa hirnga naŋ mber mber. A gi kanah vur mike? Bumbulvuŋ misi gidaŋ wãˀa, a ɓukum: A gi kanah na, vur hay ɗu a tiri diŋ le, amma kumo so na, mbur gar na, ara wus vu ngi ɗiya hay nga naŋ nga naŋ.

SLRA 7:46

Davite, Buymisemuŋ a gaŋ mezle le. Joˀ a cufuɗ jiviɗ ɓa a ɗiyi guɗuk da Buymisemuŋ ngi Zakopo.