ƁI NGI HIN GAR MUDUMBUŊ NAŊ 16:36 - Bible en langue guiziga

³⁶ Sise ngi ɗik Bumbulvuŋ Buymisemuŋ ngi Israyel, gakaŋ sise ar pas gar ngi caˀa! Sukwi Israyel gar a tiɓa: ‹Amin! Yo hunumaka Bumbulvuŋ!›

ƁI NGI HIN GAR MUDUMBUŊ NAŊ 16:36 ပူးပေါင်းရင်းမြစ်များ

BUYOY MUDUMBUŊ NAŊ 8:15

Dar a ɓi: «I ra ga sise da Bumbulvuŋ, Buymisemuŋ ngi Israyele! Gwat, naŋ miɓa ɓi nah zleˀe da baha Davit na, a ga le, a ɓi zleˀe na:

NEHEMI 8:6

Ar nah na, Esdras a ga sise da Bumbulvuŋ, Buymisemuŋ madiɗa. Joˀ mizli gar a tiɓaka: «Anja kine! Anja kine!» haŋ yom a muŋ. A dirba nah, a hurukom, a hurukom huruk huruk a mbuŋ Bumbulvuŋ, midibiɗ a ruwuy a ruwuy.

BUYOY MUDUMBUŊ NAŊ 8:56

«Sise da Bumbulvuŋ muvula zuy da Israyel, mizli naŋhay, kaɓa naŋ miɓa ɗaˀ le zleˀe na. Ɓi mezlehey, naŋ miɓa taŋ, muboko ti balam Moyis gar na, ɓa mindir munja a gi slra na, anta.

EFESEY 1:3

Hunumukum Buymisemuŋ, Cine ngi Buy ndra Yesu Kristu. A ɗuwula ndra mi le haɗi ar ndra mujom ati Kristu, a vula ndra gwat ngi muŋhoy gar.

KORENTIHEY MUDUMBUŊ 14:16

Naŋ kine, da ki ra ga sise da Buymisemuŋ ti musuɗuk ngi vu ɗik tewle si na, naɓa mbur misi angi cikile, macin ti cin na, a sa tiɓa «Amin» asi gi sise ɗike gu kwa? Asi a si na ɓi ka maɓa vuna ta.

ZEREMI 28:6

a ɓa taŋ: «Amin! Anja Bumbulvuŋ a ga kanah! Anja Bumbulvuŋ a kiɗa mi ngi ɓi ka minjika na wãˀ muduba, anja a mo ti gazlangahay ngir hay ngi Bumbulvuŋ ti Babiloŋ jom ati mizli mijahay nga diga na gar!

PIYER MUDUMBUŊ NAŊ 1:3

Hunumukum Buymisemuŋ, Cine ngi Buy ndra Yesu Kristu. Ar pura ˀircece naŋ mihaɗi na, a ya ndra le sar mucuw naŋ ma ti naŋ mislikiɗa Yesu Kristu ti wuzla mumucahay na, ɓa njaha hiri ndra ar gwat mezlehey, naŋ masa vula ndra taŋ na, a muc ta,

DIMISEY 106:48

Sise da Bumbulvuŋ Buymisemuŋ, ngi Israyel, zle wurenna, hã ngi sete. Yo anja mizli gar a tiɓaka: «Amin! Haleluya!»

DIMISEY 106:47

Bumbulvuŋ, Buymisemuŋ ndra, laha ndra, cikilo hirnga ndra ti wuzla sukwi mekelemeye. Akẽh so na, ndra masa hunumukuw na, i sa zilam di i slimiɗ ngi ɗik mipal na. Joˀ i sa jijaham ti hunum ɗike so.

NEHEMI 9:5

A dirba nah, Levihey, ti: Yesuwa, Kaɗmiyel, Bani, Hasapneya, Serebiya, Hodiya, Sebaniya waɗ Petahiya, a tilam mi, a ɓam: «Slikiɗam, gaka sise da Bumbulvuŋ, Buymisemuŋ kum. Gakaŋ sise ndrehhe, hã ngi sete.» «Bumbulvuŋ, Buymisemuŋ, anja mizli a gukuw sise ti zila slimiɗ ɗik misi dudok na, asi dudok ɗike naŋ haɗa, a zli ta wãˀ. A funa ɗuwula mi ati hunuma vuhoyo le gar.