ƁI NGI HIN GAR MUDUMBUŊ NAŊ 16:2 - Bible en langue guiziga

² A dirba Davit mikiɗa mi ngi gi mikuli mizlam zlam wãˀ ati mikuli ngi luuma zuy tuwa na, a ɗuwula mi da mizli ti slimiɗ ngi Bumbulvuŋ.

ƁI NGI HIN GAR MUDUMBUŊ NAŊ 16:2 ပူးပေါင်းရင်းမြစ်များ

ZLI VIRZI 14:19

Dar a ɗuwula mi da Abrama: «I ɗuwuluw mi ti slimiɗ ngi Buymisemuŋ Mimadiɗa, miga muŋ ati hirwuyo.

ZLI VIRZI 20:7

Wurenna, mi ti ngwas hana da zil naŋ a muŋ, asi zil naŋ i mijiviɗi, a sa dir dibiɗ ar deɗe ɗike, ɓa ngi laha siifa ɗike. Amma da ki maŋ di ta na, si na sin le, kisa muc gisiŋ gisiŋ, ka ati mizli ɗikey gar.»

ZLI VIRZI 47:10

A dirba Zakop muɗuwula mi da buy Ezipte na, a cuh gwat naŋ.

ZLI VIRZI 47:7

Zozef a so ti cine naŋ Zakopo, a biga da buy madiɗa ngi Ezipte, Zakop a ɗuwula mi da buy Ezipte.

SAMUYEL MUCUW NAŊ 6:18

Davit mikiɗa mi ngi gi mikuli na, a ɗuwula mi da mizli ti slimiɗ ngi Bumbulvuŋ Buymisemuŋ, misi gidaŋ wãˀ.

ƁI NGI HIN GAR MUDUMBUŊ NAŊ 16:1

A cam ti akoti ngi Buymisemuŋ tuwa ng'ar guɗuk, Davit miɗiya hĩˀĩ vurˀe tuwa, a ɗuvaka taˀ a wuzla. A dirba nah, Davit a gi mikuli mizlam zlam wãˀ da Buymisemuŋ waɗ mikuli ngi luuma zuy a mbuŋ Buymisemuŋ.

ƁI NGI HIN GAR MUDUMBUŊ NAŊ 16:3

A dirba nah ma na, a wunka taŋ gwat ngi zum: diga mbur zil, diga ngwasa, mbur gar a lum ɗaf fiteɗ fiteɗ, makali ngi dibinoji, waɗ makala ngi gudubun muˀulo.

ƁI NGI HINEY MUCUW NAŊ 29:29

Mikuli mikiɗ mi na, buy ati mizli misi akẽh gar, a huruk hurukam dilak dilak, a hurkom a ruwuy a ruwuy.

ƁI NGI HINEY MUCUW NAŊ 30:27

A dirba nah na, Levihey masayay a slikiɗam, a ɗuwulaka mi da mizli. ˀAy ngi diradibiɗ taŋ a ndil sesẽŋ a muŋ, ar li Buymisemuŋ mipal misi anga, a tiɓa diradibiɗ taŋ.

EZEKIYEL 45:17

Ti di zuɓa mulak vur Bumbulvuŋ, ti kiya muslo le, tapas sabatay, ti hin ngi muguzlum ngi Israyeley gar na, i buy masa vula gwat ngi gi mikuli ngi zlum ti zlum ati mikuli ti gwat ngi migamay waɗ pusla gwat ti puslo. Mikuli ngi pula mungra ati mikuli ngi zlum ti zlum waɗ mikuli ngi jumoˀay ngi gi mezegwel ngi vula jiviɗ ngi pula mungra ngi Israyeley gar na, masa ga i naŋ vuna ma.

LEVIHEY 1:3

Da mbur a wuɗ le, ɓa a gi mikuli mizlam zlam wãˀ ti sla na, sey a jo di i sla mizile, manja hereweɗ ava. Aru di nga mizlingre guɗuk ngi zlir ti ya, ɓa i tiɓaŋ.

HEBEREY 7:7

Mbur maɗuwul mi na, i madiɗa fineˀ mbur maɗuwulakaŋ mi ti ɗuwulo. Ko ngila mi anta ar nah ta wãˀ.

ZOZUWE 22:6

A dirba nah na, Zozuwe a ɗuwula taŋ mi, waɗ a waha taŋ. Dar taŋ a mam ng'ar guɗuk taŋhay a muŋ.