ƁI NGI HIN GAR MUDUMBUŊ NAŊ 13:8 - Bible en langue guiziga

⁸ Davit ati Israyeley gar, ara ɓurgam pusak vu waˀ a mbuŋ Buymisemuŋ. A zlam dimis asi gujuvur, garaya, gangaŋ, jãwjãw waɗ asi fugumoy.

ƁI NGI HIN GAR MUDUMBUŊ NAŊ 13:8 ပူးပေါင်းရင်းမြစ်များ

BUYOY MUCUW NAŊ 3:15

Sikiy ti mbur mikiɗa gujuvur wurenna.» Mbur mikiɗa gujuvuro mira kiɗa gujuvur tuwa na, gidaŋ ngi Buymisemuŋ a po sar ar Elize.

ƁI NGI HIN GAR MUDUMBUŊ NAŊ 15:28

Israyeley gar ara ki saka akoti ngi jumoˀay ngi Bumbulvuŋ nga Zeruzaleme ti ji salalay, ti fi tulum, zara, ti kiɗa jãwjãw, gujuvur waɗ garaya.

ƁI NGI HIN GAR MUDUMBUŊ NAŊ 16:42

Heman ati Yedutuno, slra nga taŋ i fi zara ati kiɗa jãwjãw mahurumom ti gidaŋ, waɗ gwat ngi dungur mekelemey mazlam dimis ngi hunuma Buymisemuŋ asi taŋ. Ziri ngi Yedutunoyo taŋ a jiginam mizlingreŋ.

ƁI NGI HIN GAR MUDUMBUŊ NAŊ 16:5

Buy ɓi i Asaf, yo Zakari kwana i gawla naŋ. Ti Yaziyel, Semiramot, Yehiyel, Matitiya, Eliyap, Benaya, Obet-Edom waɗ Yehiyele, a kiɗam nga taŋ i gujuvur waɗ garaya, na Asaf a kiɗ nga naŋ i jãwjãw ti gidaŋ.

ƁI NGI HIN GAR MUDUMBUŊ NAŊ 23:5

Mizli durmuk mufaɗ ngi jigina mizlingreŋ, yo durmuk mufaɗ ngi hunuma Bumbulvuŋ ti gwat ngi dunguroy, Davit miɗiya taŋ hĩˀĩ.

ƁI NGI HINEY MUCUW NAŊ 20:28

Dar a cam nga Zeruzaleme ti kiɗa gujuvur, kããku, ti fi za ra, hã ara ndilaka hay ngi Bumbulvuŋ.

ƁI NGI HINEY MUCUW NAŊ 5:12

Levi mikiɗa gwat ngi dunguroy cek: i Asaf, Heman, Yeduduŋ waɗ ziri taŋhay ati sukum taŋhaya, a kam zana mija ti gugumay mislirkeɗ. Taŋ dedeŋ tisi pas ngi miprik ngi li gi mikuli, kaw kaw ti jãwjãway, garayahay waɗ gujuvuroy. Masayay skat ti kukur cuw, a roko dedeŋ a ciki taŋ, ara zlam dimis, ara fam zara.

DIMISEY 47:5

A wuna ndra hirwuy le da ndra, ndr'i ra jijiham di, ndra mizli ngir sukwi ngi Zakop yeme naŋ.

DIMISEY 92:3

Ɓa i tilam mi ti ɓi ngi wuɗa vu ɗike, zle ti mipriki, yo kap ti duvuɗo, i tilam mi ti gi teŋteŋ ɗiki,

AMOS 5:23

Dimis kum munguloŋ nguloŋ na, kiraham di kileŋ avu ya, dungur kum ti gujuvuroyo y'anta wuɗ cin naŋ ta.

AMOS 6:5

Ki roko zlam dimis ngi gujuvur, ˀay kaˀ a muŋ, ki boko ti gwat ngi kiɗ ngi dunguroy, kaɓa Daviti.

SAMUYEL MUDUMBUŊ NAŊ 10:5

A dirba nah, kisa ndil a Gibeya Elohim, buy miwi li ngi Filistihey misi a diga na. Ti ka misa ci le ng'ar walahaya a diga na, kisa ji hirnga ti mijiviɗ ngi Bumbulvuŋhoy hiɗim hiɗim mapoko sar tir li miɗingir magam mikuli a diga. Mikiɗa gujuvuroy ati gangaŋhay, mifi bozlorohoy ati mikiɗa kããkuhoy sek a mbuŋ taŋ, taŋ kaɓa mizli maɓam ɓi Bumbulvuŋ manjika taŋ di.