ƁI NGI HIN GAR MUDUMBUŊ NAŊ 13:6 - Bible en langue guiziga

⁶ Davite, a ram bummoˀ ati Israyeley gar nga Baˀala, i Kiriyat-Yeˀarim misi angi hirwuy Zuda, ara zuɓoko akoti ngi Buymisemuŋ, a zilaka Bumbulvuŋ mua hirnga kerubeŋhey.

ƁI NGI HIN GAR MUDUMBUŊ NAŊ 13:6 ပူးပေါင်းရင်းမြစ်များ

BUYOY MUDUMBUŊ NAŊ 8:16

‹Zle ti ya mubo ti mizli ɗuwoy Israyeley ti Ezipte na, a wuzla walahay ngir sukwi ngi Israyeley gar na, ɓa walahay hana a sa ndirikiy hay anga ngi zila slimiɗ ɗu na, ko yi wini ta. Amma yi wuna Davite le ɓa a tiri buy ngi Israyel mizli ɗuwoy na ɓula.›

BUYOY MUCUW NAŊ 19:15

Joˀ a dir dibiɗ ambuŋ Buymisemuŋ, a ɓaŋ: «Bumbulvuŋ Buymisemuŋ, ngi Israyel, ka muangi Kerubeŋhey. Angi zumabuy ar duniya gar na, Bumbulvuŋ i ka pal ɗik tewle. Asi miga muŋ ati hirwuy i kaha.

DIMISEY 80:1

Dimis ngi wuzla dimis ngi Asafay. I dimis ngi wulka ɓi. I mulumo di ar ɗerewol ngi buy ngi dimisi. Dimis ngi gujuvur.

DIMISEY 99:1

Bumbulvuŋ i buy madiɗaŋ, anja mizli a jijikam di! A ro a hirnga Kerubeŋhey: hirwuy ara wus hiɓik hiɓik!

BI NGI ISRAYELEY 20:24

Ki sa ndiriy li gi mikuli ti hohoy, ɓa kisa giy mikuli ti tumuŋ, ti ˀaw, ti sla zlam zlam wãˀ angaŋ, malla mikuli ngi luuma zuy. Yo ar li gar ya misa bugukum vu le na, i sa so ng'avu kum, i sa ɗuwulukum mi.

BI NGI ISRAYELEY 23:21

Jam lesl kuy kuy ɓa ki cinakaŋ mi, ki gakaŋ gwat ngi ji mevel ta, da ki slikiɗam ɓi le na, naŋ anta sa ɓusa ta, asi a ga gwata ti slimiɗ ɗu.

BI NGI ISRAYELEY 25:22

I sa buguw vu a hirnga akoti, a wuzla kerubeŋhey mucuw na. Mingiɓi ɗu vur Israyeley gar na, i sa vuluw di a diga.»

EZAYI 37:16

«Bumbulvuŋ misi gidaŋ wãˀ, Buymisemuŋ ngi Israyel, ka mua duba Kerubeŋhey, angi zumabuy ngir duniya gar na, Buymisemuŋ i ka pal ɗik tewle. Asi miga muŋ ati hirwuy i kaha.

SLUFA VU 6:27

Da masayay ara ɗuwulaka mi da Israyeleye ti slimiɗ ɗu kahana na, naɓa ya kwana, i sa ɗuwula taŋ mi ti haŋ ɗu.»

SLUFA VU 7:89

Da Moyis mici le ng'ar guɗuko, ɓa a kiɗam slir ati Bumbulvuŋ na, a cine ˀay ngi Bumbulvuŋ maɓaŋ na: ˀay a cino tir wala ngi Kerubeŋhey mucuw misi a hirnga mi ngi akoti, misi ti beleler ngi jumoˀayay ara tuwa. Dar Buymisemuŋ a ɓaŋ ɓi.

ZOZUWE 15:60

Yo Kiriyat-Baˀal, ada zilaka Kiriyat-Yeˀarime ma, waɗ Raba, jom gar na, walahay madiɗahay cuw, waɗ prok taŋhaya wãˀ wãˀ ma.

ZOZUWE 15:9

Maakway a guno zle a hirnga muwã, hã sesẽŋ ar miviɗiviɗi ngi yam ngi Neftoˀa, jek naŋ, ngir ti Liyim misi a muwã Efroŋ, waɗ a guno ti Baˀala. A zilaka Baˀala vuna, Kiriyat-Yeˀarime ma.

ZOZUWE 9:17

Israyeley a ram, angi hin mimakir naŋ na, a cam ar walahay taŋhay ani: Gabaˀoŋ, Kefira, Beˀerot waɗ Kiriyat-Yeˀarim.

SAMUYEL MUDUMBUŊ NAŊ 4:4

A slinam mizli nga Silo. A soko ti akoti ngi jumoˀay ngi Buymisemuŋ, misi gidaŋ wãˀ, muar kerubeŋhey. Zir ngi Elihey mucuw, Hofni ati Pinas tuwa, t'ada a ciki akoti ngi jumoˀay ngi Bumbulvuŋ.

SAMUYEL MUDUMBUŊ NAŊ 6:21

Joˀ a slinam ng'avu mizli ngi Kiriyat-Yeˀarimey ɓa a ɓaka taŋ: «Filistihey a moko ti akoti ngi Buymisemuŋ le. Soko ɓa ki zuɓaka ngi hay kum.»