ƁI NGI HIN GAR MUDUMBUŊ NAŊ 11:5 - Bible en langue guiziga

⁵ Mizli Zebusihey a ɓaka Davite: «Ki sa coko ng'ar walahay ndra ta» Na Davite a tiɓa walahay Siyoŋ mugun gun ti moholo le ngbaŋ. A dirba nah, a zilaka «walahay ngi Davit.»

ƁI NGI HIN GAR MUDUMBUŊ NAŊ 11:5 ပူးပေါင်းရင်းမြစ်များ

SAMUYEL MUCUW NAŊ 5:9

Davit a cifi ar walahay muguno ti moholo, a zilaka «Walahay madiɗa ngi Davit.» Akẽh na, Davit a ndir gwat mekelem gun hirnga ngi hay naŋ tuwa, zle avu li mazilaka Milo sesẽŋ nga huroˀo.

SAMUYEL MUCUW NAŊ 6:10

Davit a ngum ru ti akoti ngi hay naŋ ta, ng'ar walahay naŋ ta. Joˀ a ka a hay Obed-Edom, mbur ngi ruwuy Gat.

SAMUYEL MUCUW NAŊ 6:12

Mizli a soko, a ɓaka Davite: «Buymisemuŋ a ɗuwula mi le da mizli ngi hay Obed-Edomoyo waɗ da gwat naŋhay gar, asi akoti ngi Buymisemuŋ na.» Dar Davit a ru, a ɓi ɓa a zuɓoko akoti ngi Buymisemuŋ ti hay Obed-Edomo, ng'ar walahay naŋ, a soko di hiɗim hiɗim ti mumul.

BUYOY MUDUMBUŊ NAŊ 8:1

Hirak ti nah so na, micawwa ngi Israyeley, madiɗa ngi wuzla sukwihey ati buy ngi hay Israyeleye, Salomoŋ a zila taŋ kos kos ng'avaŋ a Zeruzalem. A ɓa taŋ ɓa a jijiraka akoti ngi jumoˀay ngi Bumbulvuŋ, zle ar walahay ngi Davit, ada zilaka Siyoŋ ma, ɓa a ram di ng'ar hay ngi Bumbulvuŋ.

ƁI NGI HIN GAR MUDUMBUŊ NAŊ 11:4

Buy Davit ati Israyeley gar, a tiɓaka Zeruzaleme, a zilaka zleˀe Zebus, asi mipam zleˀe a diga i Zebusihey.

ƁI NGI HIN GAR MUDUMBUŊ NAŊ 11:6

Tapasa Davite a ɓi na: «Mbur mudumbuŋ masa kiɗa Zebusihey na, a sa tiri buy miwa sojehey». Zoˀap, misi mumuŋ naŋ i Seruya, ara zla kiɗa vu dumbuŋ, joˀ mitiri buy ngi sojehey i naŋ.

ƁI NGI HIN GAR MUDUMBUŊ NAŊ 11:7

Davit a cifi ar slala muguno gun gun ti mohol tuwa. Vurˀe, a zilaka «walahay ngi Divit».

ƁI NGI HINEY MUCUW NAŊ 5:2

Akẽh na, buy Salomoŋ a kuso mizli micawwa ngi Israyeleye ng'avaŋ a Zeruzaleme ati buy ngi sukwihey, waɗ madiɗa ngi hay ngi Israyeleye. A ɓa taŋ ɓa a zuɓaka akoti ngi jumoˀay ngi Bumbulvuŋ misi ar walahay ngi Davit, a zilaka Siyoŋ ma, ɓa a ram di ng'ar hay ngi Bumbulvuŋ.

DIMISEY 122:5

Asi janga ngi buyoy ngi gi kiita ada a diga, i buy ngir sukwi ngi Davitey.

DIMISEY 132:13

Asi mike na, Bumbulvuŋ a wini di i Siyoŋ, a wuɗ Siyoŋ le ɓa a ndir i li cifi naŋ.

DIMISEY 2:6

A ɓi: «Ya i ca buy ɗu madiɗa le a Siyoŋ, Siyoŋ, muwã ɗu mipal.»

DIMISEY 48:2

Bumbulvuŋ naŋ madiɗaŋ, Buymisemuŋ ndra, a ndila le ɓa a hunumakaŋ, ar walahay naŋ madiɗa, ar muwã naŋ mipal.

DIMISEY 78:68

Amma a muɗ di ceɗ i sukwi ngi Zuda, muwã Siyoŋ, naŋ mawuɗo.

DIMISEY 87:2

A hĩyã walahay Siyoŋ le fineˀ li ngi si ruwuy ngi Zakopoyo cek.

DIMISEY 87:5

Amma vur Siyoŋ, zliv i ɓam ani: Mbur gar na, a yakaŋ a diga, i Buymisemuŋ Mimadiɗa ti haŋ naŋ muɗuva virzi ngi walahay nah!»

DIMISEY 9:11

Mizli misinaka slimiɗ ɗik na, anja a njaham hiri vur ka, asi mizli masupukuw na, k'anta pula taŋ fuk ta Bumbulvuŋ!

ROMAHAY 9:33

A gi le kaɓa Ɓimutoho miɓi: «Ani, i ra ka ɗugur ngi bi sar da mizli a Siyoŋ, mandazlay muwã ngi hizigiɗa vu. Amma ko wa mitiɓa le na, anta sa pi mesem ta wãˀ.»

HEBEREY 12:22

Amma kumo, ki kiraham ng'avu muwã Siyoŋ waɗ ng'avu walahay madiɗa ngi Buymisemuŋ misi ti siifa, Zeruzalem ngi muŋ, modrohoy durmuk mbeˀ mbeˀ ar kus ngi muguzlum a diga.

ƁIMUNJUYO 14:1

Joˀ yi pur hiri ma, keɗ na, tumuŋ deŋ a muwã Siyoŋ. Mizli mudurmuk skat ti kukur mufaɗ nga mufaɗ, misi ti slimiɗ naŋ, waɗ ngi Cine toh toh a midibiɗ taŋhay tuwa, taŋ bumoˀ.

MIGI KIITAHAY 19:10

Amma mbur levi a ngum hin mata. A slikiɗam ati mangasl naŋ waɗ zungu naŋhaya cuw taŋ, kaˀ kaˀ ti sarde taŋhaya, a cohom, ara ndilam a Zebu, mbiɗeˀvra Zeruzalem.

SAMUYEL MUDUMBUŊ NAŊ 17:26

Davit tuwa, a cufuɗa soje ngi cikeˀeheye: «Mbur misa kiɗa mbur Filisti hana le, yo misa kiraha mesem ngi Israyel le avra na, a sa vulakaŋ mike? Filisti manja ci mizaw hana maza soje ngi Bumbulvuŋ misi ti siifa na, naŋ vuna i waka?»

SAMUYEL MUDUMBUŊ NAŊ 17:36

Ya gawla ɗike, yi kiɗa mobor ati luˀuf le takwa! Mbur Filisti manja ci mizaw hana, yi sa gaŋ di i gwat misi purlakanah ya. Asi mike, sojehey ngi Bumbulvuŋ misi ti siifa na, a za taŋ le.