ƁI NGI HIN GAR MUDUMBUŊ NAŊ 11:3 - Bible en langue guiziga

³ Mizli micawwa ngi Israyeley gar, a sa lumaka buy Davit a Hebroŋ, a ɗiyam ɓi ngi jumoˀay ar wala taŋ a mbuŋ Buymisemuŋ, a cakaŋ i buy ngi Israyel, kaɓa Samuyel mitil di mi zleˀe ti slimiɗ ngi Buymisemuŋ tuwa.

ƁI NGI HIN GAR MUDUMBUŊ NAŊ 11:3 ပူးပေါင်းရင်းမြစ်များ

SAMUYEL MUCUW NAŊ 2:4

Dar mizli Zudahay a soko, a caka Davite i buy Zuda a diga so. Mizli a soko, a ɓaka Davite na: «Midikaka Sawul na, i mizli ngi Yabesey ar hirwuy Galaˀat.»

SAMUYEL MUCUW NAŊ 5:3

Mizli micawwa ngi Israyeley gar a soko lumaka buy a Hebroŋ. Davit a jumˀay ati taŋ a Hebroŋ a mbuŋ Buymisemuŋ, a caka Davit i buy ngi Israyel.

SAMUYEL MUCUW NAŊ 5:5

A zum buy ar Zudahaya, vi tarnaˀ ti kiya merkeɗe. A Zeruzaleme, a zum buy ar Israyeley gar ati Zudahaya, vi kukur makir nga makir.

BUYOY MUCUW NAŊ 11:17

Yoyada a ga ɓa jumoˀay a gi ar wala ngi Buymisemuŋ ati buyo waɗ mizli Israyeleye, ɓa Israyeley a ndiram i sukwi ngi Buymisemuŋ. Yo ɓa jumoˀay a gi ar wala ngi buy ati sukwi Israyele ma.

BUYOY MUCUW NAŊ 23:30

Gawla naŋhay a zuɓaka vagay naŋ baɗ a Megido nga Zeruzalem, ara dikakaŋ ar zivi naŋ. Mizli ngi si ruwuyo a zuɓaka Zoˀakas, mangal ngi Zoziyasa, a pakaŋ mal ngi vula slra, a cakaŋ buy ar li ngi cine.

ƁI NGI HIN GAR MUDUMBUŊ NAŊ 11:10

Mizli micawwa cawwa, migi vurum ngi Davitey, waɗ Israyeley gar, majahakaŋ jah gidaŋ gidaŋ, ɓa a zuma buyo, kaɓa Buymisemuŋ miɓa vur Israyeley na,

ƁI NGI HINEY MUCUW NAŊ 23:3

Mizli mukusom gar ar hay ngi Buymisemuŋ na, a jumomˀay ati buyo. Yoyada a ɓa taŋ na: «Zoˀas, mangal ngi buyo n'ani! Sey a zuma buyo, kaɓa Bumbulvuŋ miɓa vur dideˀ ngi Daviteye.

MIGI KIITAHAY 11:11

Akẽh na, Zefte aru asi mizli micawwa ngi Galaˀatay tuwa so. A vulakaŋ buy, yo madiɗa ngi sojehey ma. Zefte a mahiri ngi ɓi hana cek a mbuŋ Bumbulvuŋ a Mispa.

SAMUYEL MUDUMBUŊ NAŊ 11:15

Akẽh na, sukwi Israyel gar a ram nga Gilgala. A caka buy da Sawul a diga angi hay ngi Buymisemuŋ a Gilgal. A gam mikuli ngi vula zuy a mihiri ngi Buymisemuŋ. Sawul ati mizli Israyeleye gar, dar a mumulom haɗa teˀe.

SAMUYEL MUDUMBUŊ NAŊ 15:28

Samuyel a ɓaŋ: «Buymisemuŋ a duguɗa zuma buyo le dana avu ka dugwaɗ, a vula le da mbur mimezle fineˀ ka.

SAMUYEL MUDUMBUŊ NAŊ 16:1

Akẽh na, Buymisemuŋ a ɓa Samuyele na, «kisa kiɗa mi ngi lika Sawulo hã ti vunaka? Mihiziga avra na i ya vuna, yo naŋ anta i buy ngi Israyel mata. Naha durum ɗike ti mal ngi pi a hirnga, a ru. I slinuw ngi hay Zese a Betelyem, asi a wuzla ziri naŋhay na, yi wini mbur ngisi mevel ɗu le.»

SAMUYEL MUDUMBUŊ NAŊ 16:3

Ki sa zila Zese ng'ar mezegwel ngi mikuli vuna ya. I ya vuna masa buguw gwat ka masa ga. Mbur ya masa buguw di na, kisa paŋ mal ngi vula slra.

SAMUYEL MUDUMBUŊ NAŊ 23:18

Dar taŋ cuw taŋ a jumomˀay a mbuŋ Buymisemuŋ. Davit a cifi a Horsa, joˀ Zonataŋ a mi ngi hay naŋ.

SAMUYEL MUDUMBUŊ NAŊ 28:17

Buymisemuŋ a gi di i gwat ya miɓa zleˀe, yi ɓuw le: Buymisemuŋ a tiɓa buyo le avu ka, a vula le da mbur mekelem, da Davit.